"ظننت ان قوتي تكمن بقربك ولكنها تتضاعف عندما اشعر بالخطر يحاوطك اري نفسي اتحول لذلك الدرع لأحميك من تلك الشرور فأنا الضعف وقت قوتك وانا القوة وقت ضعفك"
ظهر الرعب في عين جمال فشقيقه يحمل ذلك السلاح
بينما أبتسم امير يعلم انه أنس دون حتي ان يلتف
تحدث جمال قائلا برعب
أنس
ألتف امير بإبتسامة سخرية وهو يعلم ان أنس مصوب المسدس لرأسه
=جيت في وقتك والله
عينه ثابتة يتكرر في اذنه كلام أمير عن نهال
-عارف ياامير انت بتعلي علي نفسك جامد في الوساخة بس المشكلة انك متعرفش اني لحد بيتي ومراتي وهمحيك من علي وش الدنيا
ليضحك امير قائلا
والله ياأنس انا عرضت عرضي واللي جمال عايزه بقي
تحدث أنس ومازال ممسكا بسلاحه
جمال اخويا دلوقتي او بعدين هيتجوز عائشة ياامير بكيفك او غصب عنك انا ساكت بس علشان الاصول بس لما تهب منك مش هيوقفني حاجة كلها مسئلة وقت وانا دلوقتي هنهيك خالص
كان جمال في حالة توتر فلا احد سينجد امير من أنس فقد جن جنونه الان
تحدث جمال
أنس اهدي وسيبني انا اربيه علي اللي قاله
لم ينظر أنس لجمال عينه بعين أمير
خلص وقت التربية ده اخره يكون كلب وراح
ليستفزه امير
مش هروح ياأنس غير لما ادمرك واعمل اللي نفسي فيه واللي انت عارفه كويس
وقبل ان يتهور أنس استمع ثلاثتهم لصوت يعرفونه جيدا
"أنس"
كلمة قالتها هي
فقد كانت في غرفتها تنظر من النافذة لتجد ذلك المنظر امامها ركضت بكل قوتها حافظت علي خفتها حتي لا يشعر احد
تحدث أنس بغضب
انتي ايه اللي منزلك اطلعي
=اطلع واسيبك تقتله
ليرد امير
ايه خايفة عليا يانونو
لم تنظر لأمير تلتقط انفاسها بصعوبة تتحدث اليه فقط
وقد ظهر الرعب في عينيها
=متخلهوش يستفزك ياأنس ارجوك
ليرد بحزم
ملكيش دعوة واطلعي فوق
=انت لو ضغط علي المسدس كل حاجة هتروح
ابوك وامك هيموتوو واخواتك هيعيشوا عمرهم يتحسروا عليك العيلة اللي بتحافظ عليها هدمرها بإيدك
لتصمت لثواني ثم اكملت بضعفها الواضح
وانا هتسيبني؟؟
كانت الشخص الوحيد الذي استطاع ان يذهب بإبتسامة امير كان ينظر لها بحسرة عينيها مع أنس وقلبها لأنس وفزعها علي أنس فقط
أنت تقرأ
أنيسي
Romanceظننت أن القدر أبكاني، لكن كل طرقي المظلمة أدت إلى نورك في النهاية. خبأتك في ظلامي حتى لا يعلموا مصدر ضعفي، لكن نورك ظهر في عيني فأصبح ذلك الحب شقائي وشقاؤك
