أنيسي

الفصل الرابع والسبعون(ومن الحب ماقتل)

"دائما ماكانت قوي العشق لا يمكن شرحها فكيف يحرك ذلك الشئ الغير مادي الإنسان يدفعه للأمام يجعله ناجحا يحقق سعادته والرضا الذي طلما حلم به ولكنه ايضا يسقطه في بئر من المعاناة والألم ويجعله راكدا للأبد ليصبح من الحب ماقتل"

كان الحي ممتلئ بسيارات ورجال المطافي وقد سيطروا علي الحريق ولكن لم يسيطروا علي نيران وغضب عمار من فعلة أنس الذي كان جالسا امام والده الذي قد تحرك ذهابا وايابا يحاول السيطرة علي غضبه يعلم أنس انه سيصب غضبه عليه بالنهاية ليبادر

بابا ممكن تهدي

=يابجاحتك يااخي والله

-مكنش في حل غير كده

=هي بقت سهلة اوي كده مخازن متأمن عليها فتتحرق عادي وتتعمل من تاني ايه المشكلة فعلا انت ايه مزهقتش متعبتتش خلاص بايع نفسك

-يعني كنت اعمل ايه ابلغ عنهم ويطلعوا منها ولا اقعد اتفرج عليهم

ليتحدث يحيي المنزعج هو الاخر
افرض حد من الحي كان اتأذي

-دي حاجة مكنتش هتفوتني يعني انا كنت مرتب كل حاجة

ليرتفع صوت عمار
انت بقيت زعيم عصابة بترتب وتخطط وابوك مش عامله حساب اخر من يعلم

-علشان كنت هتهدلي كل حاجة

=غور من وشي ياأنس

ليكمل يحيي
بصراحة ياأنس انت زودتها اوي كده مش هينفع لازم يبقي لها اخر

-اخرهم قرب

ليتحدث سعد
انا معنديش مشكلة في كل اللي عملته الا انك خبيت ياأنس اومال لو مكناش نسندك مين هيكون معاك

ليتحدث جمال
سعد بيتكلم صح انت مينفعش تتصرف من دماغك

دخل حسن وسلمان الذي تحدث
المطافي عملت اللازم والحي كله صاحي مفزوع

ليتحدث حسن الذي نفذ صبره
يارب تكون مبسوط بقي

-اه انتم كلكم عليا

ليهمس اليه عمر
ده انت لسه مشوفتش حاجة دي مستنياك فوق

-شوف مخوفتش من التجمع ده اكتر مانا خايف اطلع فوق

حاول عمر اخفاء ضحكاته بينما ضحك أنس ليثير غضب والده

=بتضحك ليك نفس

-ممكن تطلع تطمن الناس وتقولهم انه كان ماس كهربائي وكل حاجة تمام واصلا من بكرة الاجراءات هتم والمخازن هترجع تمام ولو سمحت كفاية بهدلة انا رجل مسئول عيب

ليتحدث يحيي
كمال وخالد مش هيسكتوا

-انا صاحيلهم

لينفعل عمار
اقسم بالله لو نفذت حاجة من دماغك تاني لهوريك وش
مشوفتهوش عمرك

-لا مقدرش حاضر عيوني ممكن بقي كل واحد علي بيته انا عايز انام