أنيسي

الفصل السابع والثلاثون(في بيتنا فأر)

"كنت أراك في احلامي كل يوم ولكن الان احلامي ستصبح امامي الي الابد أنعم برائحتك وصوتك وعينيك"

كان أنس غارقا في هذه الرسالة لا يريد ان يشعر احد فهو بالفعل لن يذهب للفندق ولكن من ارسل هذه الرسالة ومن الذي يترصد له الان ؟

استدعي سعد قائلا
توقف علي اول الحي رجالة يحرسوه من غير محد يحس ورجالة فوق البيوت المقفولة كمان من غير محد يحس ياسعد

=تمام انا هجيب العربيات عقبال متسلموا علي الناس

وبالفعل ودع أنس ونهال الجميع لتذهب سالي له
مبروك يانوسي

لتقبله نظرت لها نهال بإنتصار فلن تعطيها الفرصة لتدمير فرحتها فهي تعلم ان سالي تشتعل وتحاول مضايقتها

بينما تحدثت نجمة
ودي ايه دي كمان

لتجيبها ليلي
دي بنت شريك أنس بس مشافتش تلت ساعات تربية ياختي

لتتحدث نهال
نورتيني ياسالي والله كان نفسي اقعد معاكي وقت اطول

لتهمس لها
بس الوقت الجي لأنوسي بس

لتنظر له بحب لينظر لها بمكر فهو يعلم ما تفعل

لتتحدث سالي
الجايات كتير يانهال متقلقيش

ذهب الجميع واستعدت العائلة للعودة الي الحي ليتحرك أنس ونهال معا للسيارة لتقطع السيارات الطريق الي الحي

في منزل كريمان كانت جميلة بغرفتها وقد اغلقت الباب وأخذت تصرخ وتبكي

-ياجميلة يابنتي افتحي افتحي ياحبيبتي متوجعيش قلبي

=قلبي انا اللي محروق ياامي قلبي انا

-طب علشان خاطري افتحي ونتفاهم

=مفيش تفاهم مفيش

خرجت من غرفتها لتتجه نحو المطبخ لتجلب ذلك السكين لتقف امامها كريمان

-انتي رايحة فين وايه اللي مسكاه ده

=هموتها هموتها مش هسيبها

-يانهار اسود ياجميلةعايزة تحرقي قلبي عليكي وضيعي نفسك

انهارت جميلة داخل حضن كريمان
اعمل ايه ياامي اعمل ايه وهو جايبها وجي في الطريق

-امسكي المنوم ده ونامي مش هتسمعي صوت العربيات سبيني انا اسمعهم سيبي نارك تقيد جوايا ياجميلة ومش هتطفي غير لما اغورلهالك اوعدك

استجابت جميلة لوالدتها لتأخذ القرص لتسندها والدتها الي الفراش لتنعم ببعض الراحة بينما اعلنت ضوضاء السيارات عن وصول العروسان

دخلت السيارات الي الحي ليتحدث يحيي الي زوجته التي كانت تجلس بجانبه

روحي يانجمة اطمني علي نهال وانا هاخد الولاد ونروح البيت علشان متتحرجش مننا