"وكأن الامان قد ارتبط بإسمك فعند سماعه يرتاح قلبي ويهدأ انعم بالسلام والراحة وبوجودك اعود الي داري من جديد عندما شعرت بفقدانك وكأني ضللت الطريق الي ذلك الدار الذي احتمي به والان عدت ليصبح الدار أمان"
ركض محمد يحملها ومن خلفه الجميع يريدون الاطمئنان عليها وقد ادخلها الي غرفة الكشف ليطلب الطبيب منهم الخروج اخذ يفحصها فقد كانت غائبة عن الوعي مر بعض الوقت حتي خرج اليهم
متقلقوش ياجماعة ده ضغط عصبي وارهاق من اللي حصل انا خلتهم يركبولها محلول وهي حاليا نايمة وكمان ساعتين هتكون كويسة ان شاء الله
ليوجه يحيي حديثه الي عمار
ادخل لابنك ياعمار اطمن عليه
وكأنه انتظر ان يسمع تلك الجملة ليسرع الي غرفة أنس
دخل عمار يطالعه بإشتياق ليجلس علي المقعد بجانبه
تحدث بما لم يتوقعه أنس
حمدلله علي سلامتك ياحبيبي تتقطع ايدي ياأنس قبل متتمد عليك
ليوقفه أنس
بعد الشر عليك ده انت تقلع الجزمة وتديني بيها وانا اسكت عم عماار يعمل اللي هو عايزه
بكي عمار علي حالة ولده ليكمل أنس
دموعك غالية اوي يابابا علشان خاطري
ليمسح عمار عبراته
حاضر المهم قوملي بالسلامة
=فين نهال يابابا
-في البيت احنا اتحايلنا عليها علشان تروح ترتاح شوية بقالها ايام منمتش
=هي كويسة طيب
-اه ياحبيبي الحمدلله اول ماتيجي هتدخلك
كان غازي في احدي المنازل البعيدة فقد علم ان أنس علي قيد الحياة ويعلم انه لن يتركه الان وكذلك زين
دق هاتفه الذي افزعه ليجيب
انت تتصرف قبل ماأنس يعرف مكاني وتخرجني برا البلد علشان هما يعرفوا اني انا لكن ميعرفوش اني ليا
شريك
ليصمت قليلا يستمع الي حديث من بالجانب الاخر
ليكمل
افهمها تهديد افهمها زي ماتفهمها المهم تتصرف
هاتفت سهر عمر لتطمئن علي أنس
طمني ياعمر
=الحمدلله انكتب له عمر جديد
-الحمدلله ونهال اخبارها ايه
=شافت يومين صعبين اوي ومش عايزة لا تاكل ولا تشرب ولا تنام لحد ماوقعت والدكتور قال انها محتاجة راحة
-طب انت محتاج اجيلك
=لا ياحبيبتي خليكي كل حاجة كويسة متتعبيش نفسك
لمح عمر الطبيب لينهي اتصاله
معلش ياسهر انا هقفل دلوقتي وهرجع اكلمك
ركض اليه
طمني يادكتور علي نهال
أنت تقرأ
أنيسي
Romanceظننت أن القدر أبكاني، لكن كل طرقي المظلمة أدت إلى نورك في النهاية. خبأتك في ظلامي حتى لا يعلموا مصدر ضعفي، لكن نورك ظهر في عيني فأصبح ذلك الحب شقائي وشقاؤك
