احمد: الو فين لباس
مروان: لباس فين غاببر
احمد: واحد ساعة او نكون فدرب اعشيري ياك لباس
مروان: و بغيناك تجي تسهر معانا فديك الفيلا
احمد: هههه وايلي ،ايوا صافي هاني جاي تسناوني
( فهاد الاتناء سكينة خرجات لعندو او ركبات فالموطور ، حتا هو قطع او رجع باش يديماري الموطور ، عطاها الكاسك او رجع كلس فبلاصتو)
سكينة: معامن كنتي داوي
احمد: مع مروان قاليا نتلقاو فديك فيلا لي كنا فيها ديك المرة ،
سكينة : واايلي شحااال هادي مزهييت تأنا نمشي معااك ،
احمد: هههه لي بغيتي غير هو غتبقاي معايا تال صباح
سكينة : هههه واخاا صافي مشاات ، اهم حاجة عندي هي نكون معاك
( تصدم من جواب ديالهاا، كان معول انها غترفض حيت ناوي انه يزها مع بنات اخرين مي فنفس الوقت مابغاش يضيع هاد الفرصة ،عال اقل ضامن ليلتو معها)
احمد: هههه اوكي
( احمد كسيرا بالموطور ،او سكينة معنقاه بكل حب او حنان ،فرحاانة بزااف حيت غادوز هاد ليلة معااه ، اما احمد تفكر بلي غاتكون صاحبتو تانية تما طريق كاملة او هو كايفكر كيفاش غايتعامل مع هاد البلان، بعد مدة من تفكير ،حاول انه يغامر او يشوف فين غاتوصلو زعامتو،)
بعد سعتاين ديال طريق
( وصلو الحيبان معطلين لفيلا ، سكينة كتقاد حالتها فمراية ديال موطور اما احمد خلاها او دخل نيشان الفيلا كانو دايرين حفلة فالجردة ، كانت دنيا عامرة بالبنات لابسين غير دوبياس او اكتريتهم كاينين فبيسين ،دخل كايسلم على اي واحد ولا وحدة بانت ليه غير من بعيد ، المزيكة مجهدة، الماكلة فاي بلاصة ، او اي قنت حط عليه عينيه كايلقا جوج مع بعضياتهم خدامين فسكسا ، بقا غادي وسط داك ضجيج او هراج حتى وصل عند صحابو ، سلم عليهم كاملين او كايدور عينيه كايقلب على صاحبتو تانية واش كاينة ، مالقهاش فوسط داك هراج ، ضار عند صاحبو)
احمد: قوليا نسرين مبانتش لييك
( مروان بدا كايضحك او شير ليه لداخل الفيلا)
مروان: ههههه راها فين كاتبان ، من قبيبلة او هي كتسنا فييك
( احمد بدا كايضحك ،خدا كاس ويسكي من يد مروان شربو فدقة وحدة او ضار شاف فيه)
احمد: عشيري ليوما غتنوض واحد الحفلة خراا
(مروان شاف فيه مستغرب )
مروان: كيفاش ؟!
احمد:(شير ليه بعينيه لقدام او كايضحك)
مروان: واااايلي جبتي معاك سكينة هههههه
احمد: غير لله يحضر سلامة فهاد ليلة و صافي هههه, المهم نخليك مع سكينة انا ندخل نشوف لوخرى او نرجع ايلا كانت جاية عندي سكينة صيفط ليا ميساج
مروان: هههه صافي سير كون هاني
( سكينة سلات الماكياج ديالها لي كانت كديرو قدام المرايا من وراها عيطات على ماماها على اساس باش تقول ليها انها غتبات مع صاحبتها، او توجهات لباب ديال فيلا لقاتو محلول مي قبل مدخل هزات صدرها واحد شوية او هبطات تشيرت حتى بان نص فصدرها دورات شعرها لجهة ليمن ،عاد دخلات مع دخلة بانت ليها طبلة صغيرة فيها واحد كاس ديال شراب هزاتو معاها او تمات غادة طلاقات مع واحد ختنا كاتعرفها سلمات عليها )
سكينة: اووه، مايسحابليش دايرين بارتي فبيسين
البنت: هههه واش مافخباركش ،
سكينة: ههههه لااا ، المهم نخليك شوية او نرجع عندك ، نمشي نسلم على دراري او نجي
( سكينة بان ليها احمد او مروان من بعيد بقات متاجهة جيهتهم حتا بان ليها بلي احمد دخل الفيلا ، وصلات عند مروان او دراري لي معاه سلمات عليهم او رجعات عند مروان سولاتو)
سكينة: فين مشا احمد ؟!
مروان: ا مشا غير لطواليط ( مروان حاول انه ينسيها فيه بيما جا)
مروان: ايوااا فين غبرتي هاد الغبرة ههههه
سكينة: وا غير مجابتهاش لوقت باش نتلقاو او صافي ، مرة جاية دوز عندنا لفاك نزهاو من ورا القراية هههه
مروان: ههه هي لولة هههه
( مروان او سكينة شي نص ساعة او هوما كايتحتو ، او احمد باقي ما بان ، سكينة دخلها الشك حطات الكاس لي فيديها )
سكينة: انا جاية ا مروان ، بان ليا احمد بحالا تعطل ،ياكما طرات ليه شي حاجة ،
(مروان معرف مايقول ، حاول يفكر فشي كدبة يقولها ، مي معرف مايقول ،خلاها تمشي ، او جبد تيليفون دغيا كايعيط عليه)
بقلم ساندي🌸
أنت تقرأ
🌹 هيام ما بين الغفران و الانتقام 🌹✨( بداريجة المغربية)✨
Romanceرواية خاااترة حب ❤️🔥 او رومانسية 🥹✨ القلب غايتحرك ليك فيها 💗 او خالية من سفالة الخامجة❌( فيها شوية مي ماشي ديك المعيقة) البطلة غطيح فولد دربهم 😍( بزنااز كلااص ياختي ) ، رواية مختااالفة عن اي قصة ديال تبزنيز لي كتعرفي، فكرة مكايناش فسووق نهائيا...
