❤️عند صابرين❤️
غرفتها مضلمة او طيف غسان او عصام كتحس بيهم كيضورو فوقها، هادي هي حالتها كل نهار نفس احساس او نفس الخوف او نفس الكابوس كتجبدو على راسهاا، دازت ساعة او سعتاين دخلو فيهم فرملياتها تفحصوها او خرجو او خلاوها ترجع تعيش خلعتها بوحدها، ريحتو ديال شراب مزال فنيفها او ضحكتو مزال فودنيها او وجههو مزال معشش ليها مخهاا، بدات كتقفقف غير بوحدها او كتبكي، حتى دخلات عليها مي خديجة او البنات، البنات جلسو ففوطويات او مي خديجة مشات وقفات ليها عند راسها،كتشوف فيها كتبكي او كتقفق، غير مزادت تأزمت كتر، غبرات عليها 4يام او فاش رجعات لقاتها هي هي، مبان ليها تاشي تطور جدييد فحالتها ، اخر مرة فاش ودعاتها خلاتها كتبكي او فاش رجعات لقاتها عوتاني كتبكي، ضوات عليها الغرفة خلات شمس منين دخل او جلسات تقابلات معاها كتشوف فيها بحسرة او كدعي على عصاام بكاع دعاوي ديال المصااييب، اما وصال مع دخلة مبانش ليها وجه صابرين مزيان مع كانت متكية على جنبها او شعرها مخبي ليها وجهها، قررات تجمع الوقفة او تمشي تشوف هاد خيتي لي بين ليلة او نهار ولات موضوع الساعة فدار، وقفات قدامها كتفحصها بحقد، زادت تقرست كتر فاش بانت ليها البنت زوينة او ماعندها ماتعيب فيها ، حسات بنغزة فقلبها، وجه صابرين كان كافي ليها باش يعطيها جوابها ب ها علاش احمد مهتم بيا، غيرتها او حسدها او حقدها عليها خلاوها تفكر او تقتانع بلي هاد دموع دموع تماسيح، مابقاتش فيها نهائيا بالعكس غير مزادت كرهاتها فاش شافتها كيفاش كتقفقف او كتمتل دور ضحية قدام خديجة، تعصبت فتاانية او جعرت فلحضة ضحكت بالفقسة او نطقات بدون شعور
وصال: ههه لا زعمة تقفقيفة عرفات تقنها ماعندي مايتسالها
شافت فيها مي خديجة بإستغراب او زينب خرجات فيها عينيها باش تسكت، اما هي غير مزادت كملت ما بدات ، شافت فخديجة او نطقات بحقد
وصال: ههه منيتك اخالتي متيقة هاد تمتيلية، كاين شي واحد كايقفقف بحال هكااا ههه
خنزرات فيها مي خديجة او أشارت ليها بعينيها لعند زينب
مي خديجة: دوزي تجلسي او كووني تحشميي، او سدي دااك الفم عندك
رجعاات وصال لبلاصتها كتنفخ او غيرتها مزال مشعلاها، اما زينب ضربات فيها واحد تخنزيرة او مادواتهااش، شافت فمي خديجة او نطقات
زينب: دوي معاها اخالتي باش تشد فمها عندها، راه شوية او غايجيو صحباتها
مزال تامكملات جملتها تا دخلو عليهم بعجاجتهم، داخلين بضحكتهم، لمحو خديجة من بعيد تفاجؤو بماجيئها مشاو سلمو عليها هي لولة عاد رجعو سلمو على البنات.
امال جلسات حداا البنات فالفوطوي او مريم مشات خداات لاسوب من عند خديجة باش تشرب صابرين
مريم: موحال اخالتي واش تبغي تشربها، هاد الايام مابقات بغات تاكل والو
خديجة تنهدات بألم او عينيها على صابرين
خديجة: شربيها بزز منها، راه بانت ليا رقاقت بزااف
مريم: انا غنحاول، ع لله تبغيي
حطات لاسوب فجنب او حاولات تقاد صابرين فبلاصتها، تجابدات معاها تاعيات باش تجلسها او ماتبقاش متكية او فأخر المطاف ستسلمات فاش غوتات عليها واحد الغوتة بنبرة عصبية باش تبعد منها، عطاتها بشبر تيساع او مشات جلسات حدا البنات او كتضحك
مريم: هههه صافي اختي انا مبعدة منك غاسكتيي
خديجة كتشوف فيها بألم او كتهضر
خديجة: وا بنتي يهديك لله، شوفي حالتك كي ولاات، خليها توكلك
و فيناهي صابرين، راها مع عصام فالبيت، كتشوف فوجهو فالحيط او كتشم فريحتو، طلقات بكية مرفوعة بدون شعوور، خلات مي خديجة غير متزيد تحسر على حالتها او صحباتها غير مايزيدو يتالمو معااها، كايشوفو فيها من بعيد كتبكي او مقادرين يديرو واالو، حتى باش ينوضو يسكتوها مايقدروش ولاو حافطينها ايلا بدات بكيتها مكتساليها حتى تبغي هي واخا تعيا مع تسكتها مريم، زينب كدالك كتسمع بكيتها او كتحسر على حالتها الا وصال بكيتها ضراتها فراسها،دارت ليزيات فودنها بتأفايفة او خلات البنات غير مستغربين ليها، مداو ما جابو او مافهموهاش بلي دارتها اكسبري على صاحبتهم، دازت ساعة او هوما كايتحتو او امال او مريم كايتسناو غير امتا خديجة تخرج باش يطبقو خطتهم لي متافقين عليها فصابرين، صبرو تا دازت ساعة خرا عاد قررات مي خديجة او البنات يخرجو سلمو عليهم او خرجو وصلوهم حتى دروج عاد رجعو كايتجاراو لغرفة، سدو الباب بضحكة او كل وحدة مشات نتاشرات فقنت، امال مشات الماريو ديال صابرين كاتقلب على شي لبيسة زوينة باش تلبسها ليها او مريم مشات عند صابرين كتحاول تنوضها من بلاصتها باش تبدل ليها، بقاات مضاربة معاها، مبغاتش نهائيا تخليها تقيسها ولا تنوضها ، بقات غير كتبكي ليها او معصرة معاها باش متنوضش من بلاصتها
مريم شافت داك المنضر تعصبات شافت فيها او نطقات
مريم: و الخرية خليني نبدل لييك( شافت فامال ) أجي خرجي فيها عينيك باش تهداا، انا ايلا بقيت شادة معاها الخاطر مغتخليني ندير ليها والو
امال تا هي مكانتش من عاكزين،حطات داكشي لي فيديها او مشات تقابلات معاها او هزات عليها صبعها
امال: زكااي من طيراان خليهاا تبدل لك
صابرين شافت دوك شوفات غير مزادت قفقفات، لبدت فبلاصة او عينيها فامال، شافتها زادت قربات ليها او هي طلقها بواحد الغوتة، عند بالهم بلي غير مصدومة او عقلها خاوي او مافخبارهمش بلي شافت وجه عصام فوجوههم او بتخنزيرة امال شافت تخنزيرة غسان، بدات كتبكي وسطهم او كطرطاا او كتغوت او هوما شادين معاها ضد، مامخلينهاش ترجع تكا، بقاو معاها تهدوها او خلاوها تستسلم ليهم، كتشوف فمريم بتقفقيفتها او لابدة خايفة لاضربها ولا شي حاجة، كتهز يد او كتحط يد بسباب مريم لي كتحيد ليها حوايجها، كتطلبها بعينيها باش تبعد عليها او بسباب صدمتها لقات فقط دموعها هوما وسيلتها باش ترجاها.
مشات امال كتقلب فالماريو على شي لبيسة زوينة او كتهضر
امال: هههه ليوما خاصو يشوف جمالها الحقيقي ، راه ولد الحرام حصلتو ول بارح ساهي فواحد طرمة هههه
مريم كانت كتحيد فحوايج صابرين حتى هزات عينيها فامال بصدمة
مريم: حلفيي ب لله،( شافت فصابرين بتغوبيشة) ناري راه هاد الخرية كتعصبني، ولات منخلاه هاد الايام بسيف مايشوف شي وحدة، غايبقا صابر تايقلب على مها
امال مزال كتقلب فالماريو
امال: هههه لا لا مانضنش ، سيد طايح على زنافرو ديال بصح، سوليني انا لي كنبقا معااه تاليل، مكايسخا كاع يخرج من عندها هههه
بانت ليها واحد كسيوة فالغوز قصيرة فوق ركبة كانت جابتها ليها من امارات او محلولة من جهة صدر، جبداتها او وراتها لمريم
امال: هههه لعار نلبسوها هادي
مريم غير شافت الكسوة خرجات عينيها بصدمة
مريم: لا لا اويلي منيتك، معيقة بزاف
هزات كتافها بضحكة او مشات تقابلات معاهم
امال: هههه ماسوقيش ( لاحت لكسوة لمريم) لبسيها ليها دغيا ، راه مابقا والو او يجي ،
مريم شدات لكسوة لاحتها فأرض او شافت فيها فعصبية
مريم: براكة من دوك تقحبين دياولك او سيري جيبي شي حاجة مستورة، مالها بانت لك قحبة باش تلبسيها هاد شرويطة
امال خنزرات فيها او مشات كتقلب بعصبية فالماريو
امال: و زعماا قلت نوريوه بلي حتى صابرين عندها طرمة او صدر او لي هونش حسن من داكشي لي كايشوف، تي مالك مكتتفهميش ( رجعات شافت فيها بتغوبيشة) تي خلينا نلبسوها ليها او نغطيوها بليزاار مغايباان واالو
مريم: اهااه، او داك صدر لي غايبقا طالع ليها قدو قداش قدااموو كي غنديرو معاااه (بحزم)، لا ولاهلا لبساتها، اغير نسااي
جبدت واحد كسوة كحلة مفضفضة من التحت او مجموعة من جهة صدر او جات تحت ركبة، لاحتها ليها بتغوبيشة او نطقات
امال: و قولي تا هادي معيقة
مريم بدات كتقلب فيها مزيان، بانت ليها هي هاديك ، دغيا لبساتها لصابرين او عينيها على امال
مريم: واخا شوية عريانة من صدر ولكن هانية نخليوه يشوف زينهاا هههه
قادوها او طرفو ليها حالتها، غير بالكشايف، صايبو ليها شعرها بالبريصا تا رجعوه مسبسب كتر ما كان فلول، قررو انهم مايديروش ليها ماكياج حيت مابغاتش تسكت ليهم من البكااا، سلاو او بقات ليهم اخر حاجة هي ريحتها عوموها بيها مزياان عاد طلقوها ترجع تكا فبلاصتها، رجعو بلور كايتفحصوها بعينيهم، ضحكو تا بانت ضرستهم فاش شافوها كيف طلعات، حمقاتهم بديك الكسيوة لي لبسات بانت فيها واعرة، مع هي بيضة او الكسوة كحلة ، غير مزادت بياضت وسطها، او جمالها الطبيعي غير مزاد ضهر، مقدروش مايضربوش ليها واحد تصويرة نواو بيها انهم يصيفطوها ليه من بعد، سلاو من تحنزيز فيها او مشاو شدو ركنة عند شرجم حاضيين دخلة ديال سبيطار، كايتسناو طنوبيلتو ولا موطورو يبان، بقاو شي نص ساعة او هوما واقفين شادين الحتة حتى بان ليهم جاي بطنوبيلتو، شافو فبعضياتهم بالفرحة او ضحكة سابقاهم، غير هبط من طنوبيل او غير مزادو ضحكو فاش شافوه تاهو لابس الكحل
امال: هههه كحل فالكحل ياختي صدفة زينة هادي هههه
مريم: هههه ليوماا غايكحلها علينا اصكعة غير سكتي، هههه ديك مرة قالينا منبقاوش نلبسوها شي حاجة مضيقة، او ليوما عريناها ليه هههه
امال: هههه ماشي سوقي، خاصو يعرف معامن هو او ماشي غير طايح او صافي راه حتى هي عندها مايتقاال هههه، اويلي ديما كاتباان ليه كااشفة، حكلو ما يشوف طرامي هههه
ضارو شافو فصابرين لقاوها يلاه غتغمض عينيها، مريم مشات كتجري لعندها بداات كتزعزع فيها بشوية او كتهضر
مريم: و زيين، هدا ماشي وقت نعاااس، فييقيي
صابرين كتشوف فيها بدهشة، رجعات تكمشات فراسها او غوبشات فيها بطفولية
مريم: نااري هاهي بدات كتطرطااا، زكااي خلي شعرك مقااد، شوفي كيفاش شعككتيه
رجعات قداتو ليها، او عودات خبات ليها صدرها بشعرها أو رجعات شافت فامال بانت ليها مزال كطل
مريم: و يلاه خرجي دغياا ، قبل مايوصل
امال: و بلاتي مزال مادخل ، بان ليا بحالا كايكمي
مريم مشات وقفات حداها او بقات كتبركك فيه حتى هي، بان ليها بصح كايكمي غوبشات
مريم: اممم، ما بان ليه الكارو تالداباا، اووف ماغايطلع تاغتنعس هاد الخرية (قفزات بالفرحة) ها هو دخل، هههه
البنات مشاو كايجريو جهة صيكانهم هزوهم او خرجو فحالهم بزربة كايضحكو، امال خلات مريم تا فاتها واحد شوية او هي ترجع لصابرين، بعدات شعرها من صدرها خلات. يباان كلو أو رجعات كتجري لعند مريم بضحكة، هبطو مع دروج او ضحكة سابقاهم، غير وصلو لتحت او هوما يتلقاو معااه، شاف فيهم بإستغراب بانو ليه فرحنات او غايموتو بضحك مفهم والو،ضحك تاهو بدون شعور
احمد: مالكم هههه
امال كتشوف فيه او كتحاول تحبس ضحكة.
امال: هههه، والو اغير هاد خرية طاحت فدروج
شاف فمريم بضحكة
احمد: هههه تي باقة كطيحي فدروج
مريم: هههه و هادي لي عكلاتني
بدا كايضحك او شاف فيهم بإستغراب
احمد: هههه،. ويلاه طلعو ،شتكم راجعات ، ناويين تخليوها بوحدها هاد نهار ولا شنوو ؟
نقزات امال بتوتر
امال: ا لا لا، اغير طلع نتا، حنا غنمشيو نجيبو شي سخرة او غنرجعوو
يتبع ..
بقلم ساندي🌸
أنت تقرأ
🌹 هيام ما بين الغفران و الانتقام 🌹✨( بداريجة المغربية)✨
عاطفيةرواية خاااترة حب ❤️🔥 او رومانسية 🥹✨ القلب غايتحرك ليك فيها 💗 او خالية من سفالة الخامجة❌( فيها شوية مي ماشي ديك المعيقة) البطلة غطيح فولد دربهم 😍( بزنااز كلااص ياختي ) ، رواية مختااالفة عن اي قصة ديال تبزنيز لي كتعرفي، فكرة مكايناش فسووق نهائيا...
