🌹 هيام ما بين الغفران و الانتقام 🌹✨( بداريجة المغربية)✨

Part 44 saison 1 ❤️‍🔥

البنات بقاو جالسين فديك جريدة حتى وصلات 17:30 ، امل او مريم مشاو الخدمة ،او صابرين شدات طاكسي باش ترجع لدار
صابرين وصلات لدرب ،جاية لدرب فرحانة او كتلعب بالميكة لي فيها الكادويات
،حتى فجأة كايبان ليها من بعيد حدا ضارهم دنيا عاامرة بناس او البوليس مطوق داارهم ،بقات كتقرب بشوية او الاف الأسئلة  كايطيحو عليها فدمااغها، غير كتقرب او قلبها غير مكايزيد يتقبط، حسات بشي حاجة خايبة طارية ،بدات كتدخل معاها الخلعة ، وقفات حدا ضارهم او كتشوف ناس كايبكييو او كايشوفو فيها مفهمات واالو ، هزات عينيها لفوق عند دارهم بانت ليها دارهم محرووقة كااملة او مزال كايخرج منها شوية دخاان، صابرين ضارت بيها الدنيااا، مشاات كتجري لباب دارهم حتى فجأة شدها واحد البوليسي او بدا كايرجع فيها لوور، صابرين كدفع فيييه او كتبكي فهماات اش طااري  او كضرب فيه بعصبية  باش يطلقها،مي مخلهااش ،جلسها فالارض او قرب ليها لوجهها او حاول يوصل ليها الخبر باقل ضرر ممكن
البوليسي: صابرين ،سمعيني اش غنقول لييك، ربي بغا هكااا، ماماك او خوك فذمة لله * زير ليها على دراعهاا* كوني قويية لله يخليك
صابرين كتشوف فالبوليسي او كتسمع ليه او عينيها كايدوزو بدموع كيف شلاال، مفهمات واالو ،تصدماات،مقدرات تقول حتى كلمة تزيزنت ،او ودنيها بداو كايصفرو، كتشوف فجنابها كتلقا بنادم كايشوف فيها او كايبكي،كترجع تشوف فالبوليسي كتلقاه حتا هو كايبكي، بقات كتصرفق فراسها بجهد او كتبكي ، بينها او بين راسها كتغوت من الداخل ديالها ،شكات بلي راها غير ناعسة او كتحلم " فييقي صابرين ،فيييقي" ، بوليسي بقات فيه بزااف ،ملقا مايدير ليها ،فقط انه يشد ليها يديها او يحبسها على تصرفيق فراسهاا، او رجع هضر معاها او دموع حتى هو فعينيه حتى هو كان مأتر بزااف حيت عصاام كان صاحبو روح بروح
بوليسي: انا عارف راسي مخاصنيش نقول لك هادشي دابا ، ولكن راه من حقك تعرفي ، ماماك او خوك تفركعات عليهم بوطة الكبيرة هدا هو سبب الموت
صابرين غير سمعاتو اش قال ،بقات كتغوت او كتركل فبلاصتهااا او بنادم ضاير بيهاا كايبكي معاها ، بقاات فيهم بزاااف ، صغير او الكبير كايبكيي ، بقات على ديك حال لمدة نصف ساعة حتى سخفات فبلاصتها بكترة البكاا.
💔 بعد مرور 8 ساعات💔
صابرين فانعاش ،او اكسيجين فمها، بدات كتحل فعينيها بتتاقل، او كتحس بالم شديد فراس ديالها ،بقات كتحل فعينيها او ضبابة فعينيها،بقات لمدة 10 دقايق مكوانسية فبلاصتها بقا ممستوعبة اش طاري غير كتشوف فسقف ،حتى فجأة بدات كتسمع انين بكاء حداها ضارت لجهة يمين بتتاقل او عينيها شوية او غايتسدو، لقات مريم او امال ،شادين فمهم او كايبكيوو بشوية او كايشوفو فيها ،بقات كتشوف فيهم او كتحاول تستوعب اشنو كااين،حتى شوية بانت ليها مريم جات لعندها او شدات ليها يديها او زيرات عليهاا او كتجهش بالبكاء بشوية او كاتشوف ليها فعينيها
مريم: حبيبتي باركة فراسك
صابرين سمعات مريم اش قالت أو رجعات شافت فامال لي كان وجهها حمر بالبكا ،او رجعات شافت فالسقف او كتحاول ترجع داكرتها ما هي الا دقاءق ،بدات كتدمع او كنتنخسس غير بوحدهاا ، صابرين عرفات اش طاري ،ملقات جهد ،قلبها غايخرج من بلاصتو ، ولكن مقادرة دير والو غير كتبكي بشوية او بصدمة ،حتى الغوتة مقدراتش تخرجهاا، امال او مريم ضايرين بيها او.شادين ليها يديها او كايبكيوو معاها ، بقات فيهم صاحبتهم بزااف، معرفو مايديرو معاها  اكتفاو فقط بالبكاء.... دخلات عليهم الفرملية لقات صابرين غتخنق بالبكا، دكات ليها برا باش ترتاح او خرجات متأسفة من داك مشهد ، صابرين بقات كتبكي بصمت حتا ترخات او نعساات
اما امال او مريم خرجو خلاوها ترتاح ،او بقاو جالسين برا كايبكيوو او كايتسناوها تفييق
يتبع....
بقلم ساندي🌸