🌹 هيام ما بين الغفران و الانتقام 🌹✨( بداريجة المغربية)✨

Part 12 saison 3 ✨

🌹 رواية بغيتك من اول نضرة 🌹

جزء 12 ❤️ من الفصل التالت 🥀

...طلقات كدبتها فوجهو و كتشوف فيه بجدية  و حابسة بكيتها غير بزز ..و فقلبها شاعلة فيه العاافيية  و صابرة ، باغيااه  من كل قلبها و  كتطلب لله فخاطرها  باش   يبقا متشبت بيها كيف افلام رومانسية و مايعطيهاش تيقار كيف قالت ليه..  كدباات و ندمات و بدات كتخاف  لايسمع ليها كلامها و يمشيي عليها بمررة..حتى غوبشات فيه بإستغراب فاش شافتو بتاسم ليها نصف ابتسامة..مخرجها غير بزز فعز تقليقتو و دوا  بنضرة حب و هو ممصدومش من جوابها
احمد:  راني عارف بلي ماكاتبغينيش و ماكتعرفينيش اصلا ( هز كتافو كايداعي الاموبلات و زاد دوا من فوق خاطرو و  غياكلها بعينييه) و  تبغيني  ولا ماتبغينيش مكايهمنيش هاد ساعة  ...  اهم حاجة عندي دابا  هي بغيتك تسمحي ليا من قلبك و متحقديش علياا..
بتاسم ليها و هبلها بيها ، حيدت عينيه فيه دغيا باش عينيها مايفرشوهاش ، الشئ لي خلاه يعاود يقابل  وجهها معاه و يعاود  يتلمس حنكها بلاما يشعر  و يدوي  بكل تقة
احمد: اما الحب ازويينة غايجي من بعد ، غير عطيني فرصة فين تعرف علك و نصلح غلطتي معااك

كان متيقن من  راسو بلي غايكسب قلبها من هنا القدام   و واخا رااه كسبو من زٓمٓان..كان  كايتسناها تعطيه جوابها بنضرة زويينة منو قلبو كايضرب معاها و ماباغيهاش عوتاني  ترفضو و ما هي الا تانية قلبو تقبط و تخلع  فاش شافها  بعدات منو و بتغوبيشة مغرغرة باش رمقاتو.. ،  ،
صابرين( ببكية) : خويا انا مسامحااك  ..

رجعات  كتقول ليه هضرة ضد رغبااتها بكل احترام و قلبها ناغزها  و هو غير كايسمع و قلبو ناااغزو

صابرين ( ببكية): شكرا على كاع داكشي لي درتي معااياا و عمرني ماغنسا خييرك   ..( شافت فيه لقاتو مغوبش ، كملت هضرتها غير بزز و مناويااش تقطعها) وحتى هاد ضرب لي ضربتيني غنحاول نساه و غندير راسي عمرني ما عشتو.. غير بعد مني مباغاش نتعرف علك ولله ..

  .. ضارت عليه سمطة هاد ليلة  و حس باحساس شحال من وحدة قسم قلبها فاش كان كايرفضها..حاس براسو كايبغييها بزااف و مقادرش يلبي ليها طلبها .. كان من نووع لي مكايلسقش فشي وحدة واخا تكون عاجبااه ، لكن هاد المرة طبعو  تبدل و دار حاجة عمرو ما دارها  ..لسق فيهاا و دلل معاها بلهلا يطريه لييه..شافها مرعودة و مابقا ليها والو و تسخف ليه قدامو بالبكا، جرها من دراعها بحنان و جلسها فطرف ناموسية و جلس حداها..تعصب فاش شافها بعدت منو و غير ماخلاتو يزيد يتأكد بلي راها نافرااه ديال بصح و ممكن تكون كرهااتو..مكتشوفش فيه و هو كايشووف فيها  بقلب كاينغز فيه و كايقول ليها هضرة كانو البناات كايقولوها لييه
احمد( بشوية) : شنو ندير باش تكوني معايا؟!..( باحترام و كايدوي بصرااحة و تغوبيشتو طلقها بلاما يحس) انا منكدبش  علك باغيك من قلبي و ماباغيش نبعد عللك..