❤️عند صابرين❤️
خرجاات الحوايج من ماكينة صابون خشاتهم فشبكة او تمات خارجة بيها لبرا, يلاه بغات تحل باب فجأة قاطعاتها نبيلة كانت يلااه خارجة من بيتهاا
نبيلة: غير خليهم ليا ازيين , نطلع نشرهم
صابرين: اغير خليني بلاما تعدبي
نبيلة: ههه, حطي ديك شبكة لرض قبل مانجي لييك, قالاك نتعدب
صابرين( حطات شبكة او كضحك): ههه , ها هي هي لولة هههه, قولي ليا شنو ندير لك لعشاا؟
نبيلة: ديري غير شي صلااد خفيفة , يلاه تغدييناا
صابرين: اوكيي
دخلاات صابرين لكوزينة او نبيلة مشات هزات تيليفونها,و رجعات هزات الشبكة خرجات بيها او مشات قصدات السانسور ومن حسن حظها غير وقفات تحل خرج منو راجل كبير سلمات علييه او دخلات وركات على8 و ما هي الا دقاءق وصلات سطح, مشات نيشان نشرات الحوايج بتقاالة , كانت حقاا مازمة ديال بصح , من ورا مشافت دوك تصاور لي لاحت ليها ريم, او هي كتغلي من الداخل ما بقا ليهاا والو او غطرطق , صدمة مكانتش ضاربة ليها الحسااب نهائيا , حمدات لله فخاطرها ان خبارو وصلاتها فهاد الوقيتة بضبط او ماشي فاي وقيتة اخرى, حيت كانت متاكدة كون شافت هاد تصاور 3 سنين قبل, كانت غتصطاا فالبلاصة . كتنشر الحوايج او كل تريكو نشاارتو كتنشر معاهاا دكرياتها معااه, سينتا كاملة من بداية تعرفها عليه , لنهار عشقاتو حتى لنهار تفارقات معااه , حطااتها كاملة امامها, هزات اول بيل نشراتو او نشرات معاه دكرى ديال اول مرة فاش شافتو فليسي تبتات دكرتها بمقبط بابتسامة فرح, عاود هزات تريكواخر نشراتو او نشرات معاه دكرى ديال اول مرة طلاقات معااه خاارج المدرسة , ضحكات بدون شعور فاش تفكرات ديك اللبسة لي خرجاات بيها معااه , نشرات سروال او نشرات معاه دكرى ديال داك نهاار فاش عتارف ليها بحبو ليها امام تلاميد ليسي او الاساتدة بدون مايتردد او لا يحشم , باقة تعقل كانت غطيير من الفرحة دااك النهاار او بكترة ما فرحها داك الموقف ما نعساتش ديك ليلة نهائيا بقات غير كتفرنس فبلاصتها تا طلع صبباح, بتاسماات بدون شعور او البكية واقفة ليهاا فحلقهاا, نشراات سروال اسود او نشرات معااه دكرى ديال اول مرة غتعطييه شرفها باسم الحب , كان دااك نهاار جد مغيم, مخبية هي وياه وسط اشجاار الغابة او كايمارسو الحب, باقة تعقل مزياان على الحديت لي ضار بيناتهم داك نهاار, عمرهاا متنسااه , خصوصا فديك اللقطة لي كان فوقها او كاتنخض هي ويااه , كايشوف ليها فعينيها او فكل خشية كايخشيه فيها كايخرج معااهاا كلمة " كنبغيك انبيلة" او كايتبع معاها كلمة " كنحمااق علك ", باقة تعقل اول تعنقينة عنقاتو من ورا ما سلاو الحب , او طمأنها بكلماتو على انه عمرو ما غايتخلا عليهاا. خرجات دمعة حاارة بدون سابق اندار مسحااتها دغيا او رجعاات هزاات سليب نشراتو او عاود نشرات معااه دكرى جد مؤلمة . داك نهار لي كانت هي وياه عند طبيب واقفين كايتسناو دورهم باش يقتلو ولدهم لي عندو شهر , تفكرات ديك لقطة فاش قال ليهاا طبيب واش مستعدة كامل استعدااد؟ او هي جاوباتو بكل فرح بااه , كانت كتسنااه غير امتا يطيح باش الحب ديالها يرجع كيف كان معاه فاول او مايبقااش يغببر علييها, ضحكات باحتقاار على راسها او نطقات بدون شعور " هه حمارة", جبدات سوتيمات من شبكة بعصبية او نشراتهم او رافقاات معااهم جوج دكرياات لي ختمو ليها ماضيها الحزيين, تفكرات نهار ضاربات مع مها نهار حصلاتها معاه فواحد جردة كايديرو ساكسة , او فبلاصت ماا تخاف او تهرب , ضارباات مع مهاا امامو, سمعات كلمات سخط كتخرج من فم مها او هي هربانة معاه فموطور او كضحك, او اخر دكرى لي جابت ليها تماام مشات تكوناات فقنت ديااال سطح او كتبكي دم , دكرى ديال داك نهاار ,او ديال اخر نهاار غتشوفوو , داك نهاار كان سبيسيال كانت يلاه جمعاات وراق العقد او غادة طاايرة لعندو لقهوة بكترة الفرحة باش تعطيهم ليه باش يدفعهم لعند عدول, جلسات حدااه فكرسيي او عطاها صدمة العمر " مستحيل انبيلة نتزوج بك , الوليدة ماقبلاتش" .
سرفقاات راسهاا بدون شعور, دكرى جد مؤلمة او عمرها ما تخطاتهاا, تجاوزات الم ديال نهار طيحات الجنين, لكن دكرى ديال نهار رفضها مغرووزة ليها فنخااع, من دااك نهاار تفرقاات طريقهم او كل واحد مشا فجيه, عبد الحق اول حب فحياتها من ورا سيمانة حرك لاسبانيا او نبيلة الغبية من ورا سيمانة ختارت طريق المخدرات او العهر باش تنسى كيتهاا , من ورا خمس سنين عمرها ما شافت كمارتو حتى لهاد نهار , شافتو عن طريق تصاور لي لاحت ليها ريم , لي كانو عبارة عن وحدة شهبة شادة ليه فدراعو او هو صايك كروسة فيها دري صغيير.
شي سعتاين او هي كتبكي فداك القنت او دوك تصااور مابغااوش يتحيدو ليها من عينيهااا, قلبهاا قررب يخرج من بلاصتو, او دكرياتها معااه مابغاتش تفارقها , سمعات الحس فالسطح دغياا مسحاات دموعهاا او كتسنا شي حد يشوفها بقات مسمرة فبلاصتها كتسمع شي خطوات غادين جايين حتى فجأة بانت ليهاا صابرين جاية لجيهتهاا, عوداات مسحاات مزياان وجهها او جمعات الوقفة ضحكات بارتبااك او نطقات
نبيلة: ههه مالك طلعتيي؟
بقلم ساندي🌸
أنت تقرأ
🌹 هيام ما بين الغفران و الانتقام 🌹✨( بداريجة المغربية)✨
Romansaرواية خاااترة حب ❤️🔥 او رومانسية 🥹✨ القلب غايتحرك ليك فيها 💗 او خالية من سفالة الخامجة❌( فيها شوية مي ماشي ديك المعيقة) البطلة غطيح فولد دربهم 😍( بزنااز كلااص ياختي ) ، رواية مختااالفة عن اي قصة ديال تبزنيز لي كتعرفي، فكرة مكايناش فسووق نهائيا...
