❤️ عند صابرين❤️
دخلات لداارهم او قلبها مزال كايزدح بالخلعة ، مشات دريكت لبيتها سدات عليها او بقات كتنش على راسها، بكترة الخلعة، من بعد بدلات حوايجها او خرجات كتقلب على مها ،لقاتها فالكوزيينة كطيب ،عنقاتها من لور ،باستها
صابرين: فيين ا بب ، توحشتك
فاطمة: عال سلامة فين كنتي دايعة
صابرين: كنت كنقرا ،اشمن دايعة لله يهديك، كاين شي غدا
فاطمة: موجود ،مدي داك طبسييل
صابرين مدات ليها طبسيل او بدات كتنقب فالفريت
صابرين: داك البعلوك ديال ولدك جا و لا مزاال
فاطمة: جاا او مشاا،، مسكين مكايخليوهش ياكل على خاطرو ،والو
صابرين قربات تسالي طبسيل ديال الفريت
صابرين: اييواا اش غديري هادي هي خدمة البوليس ،قبل مايخدم فيها راه علمك هه
فاطمة شافت طبسيل خوا او هي تجبد عليها صندالة
فاطمة: هااويلي ،هدا كولو جوع فك ،تي نوضي حيدي من حدايا ،سيري قادي طبلة
صابرين بدات كتضحك او مشات تمسح الطبلة
صابرين: وفييااا جوع ، بغا غير امتا ناكل او نمشي نعس.
...
صابرين او مي فاطمة،سلاو الغدا فوسط واحد الجو ديال الضحك او نميمة ، او من بعد كل واحد تسرح فسداري ينعس، بقاو على ديك الحال حتى فيقاتهم مريم من زنقة كتعيط على صابرين ، قفزات صابرين من بلاصتها او مشات طل عليها
صابرين: هههه كنت ناعسة ،قفزتيني
مريم: هههه هبطي لمك ،باقي شي نعاس دابا
صابرين: ههه واخا صبري واحد شوية بيما لبست
مشات كتجري صابرين لبيتها ،قدات حالتها فالمرايا او لبسات لبيسة سامبل او دارت ريحة ،او خرجات كتجري لعند مريم
مريم: هاي هاي هاي، لله يخلف على احمد ، بسبابو ولينا نشوفو جمالك هههه
صابرين بقات كتعوج قدامها او كضحك،
صابرين: لقيت فارس احلامي صافي، تحميل جمالي من ليووم ههههه
مريم شداتها من دراعها او تمات غادية بيها
مريم: هههه زيدي زيدي، عندي واحد الموضوع مهم بغيت نهضر معاك فييه
يتبع...
بقلم ساندي🌸
أنت تقرأ
🌹 هيام ما بين الغفران و الانتقام 🌹✨( بداريجة المغربية)✨
Romansaرواية خاااترة حب ❤️🔥 او رومانسية 🥹✨ القلب غايتحرك ليك فيها 💗 او خالية من سفالة الخامجة❌( فيها شوية مي ماشي ديك المعيقة) البطلة غطيح فولد دربهم 😍( بزنااز كلااص ياختي ) ، رواية مختااالفة عن اي قصة ديال تبزنيز لي كتعرفي، فكرة مكايناش فسووق نهائيا...
