🌹 هيام ما بين الغفران و الانتقام 🌹✨( بداريجة المغربية)✨

Part 10 saison 3 ✨

🌹 رواية بغيتك من اول نضرة 🌹

الجزء 10 ❤️ من الفصل تالت 🥀

                      ❤️ عند البنات و احمد❤️

كانت جالسة فوق ناموسية معنقة وصال كتسكتها من البكا و كطيب فخاطرها.. بقات فيها و هي لي حاسة بيها من دون صحباتها بمدى  اعجابها لاحمد و غيرتها عليه..7 سنين كولها من ورا فراقهم و هي معاها ..ديما كانت كتعاونها بالخطط باش تكسب قلبو و يرجع ملكها، لكن كانو ديما كايفشلو و عمرهم ما ستسلمو ، حتى لهاد ليلة  هبطو سلاحهم بارادتهم  و تحلو ليهم العينين.. وحدة فيهم ناضت من ناموسية و مشات كتزرب فالمشية   سدات لباب بساروت و رجعات وقفات عند راس لوخرى و بدات كتهضر بشوية
زينب( بقلق) : و صافي جمعي دوك دموع دابا تشوفك خديجة
وصال ( كتبكي ): نتيي سباب و عمرني منسمح لك ، شحال من مرة كنقولك خليني نتقرب منو و كتقولي ( دوات باستهزاء و عوجات فمها بدموع سايلين)  لااا متكونييش مدلولة معاااه  نخلييه و غاييرجع لييك  ( بعصبية) فيناااهو هاد رجووع دااباا  هااا يلااه دوي  ( بقلب مضرور) ها هو غايجيبها و غايحطها فققلب دااار
زينب( مخرجة فيها عينيها بصدمة): يااك اختي هدا مانستااهل عندك ، دابا وليت انا سبااب، ( بتغوبيشة) شنو بغيتيني نقول لك ..سيري عطيه راااسك بحال  شي صوبيصة باش تفرحي ( بعصبية)  واش تي شوية لبااس..
وصال ( بترجي و كتمسح فدموعها): دابا نساااي و   فكري معايا فشنو ندييروو ..(بلهفة) كييف غنخلييه يبعد منهااا؟؟؟..( زعزعاتها بعصبية،) و فكري معاااياا راه غنتسطا ايلا صبحت صبااح و لقيتو فجنبهااا

بقات فيها لكن قررات انها تدير ليها عقلها و تخرجها من قوقعة  الامل زائف لي موهمة بيه راسها  ديال " غايرجع ليا"
زينب( بشوفات استسلام ): ما عندك ما ديري اوصال،  .. باينة فيه كايبغييها و صعيب نبعدوه علييها ، ( بشوفات جدية) مكتشوفيهش غير لاسسق فييها.. فين عمرو غوت على خديجة قداامنا غا قولي ليا تا جات هي ، ( بشوفات يأس و بنبرة حزينة و هي شادة ليها فيدها) صافي ديري عقلك  و نساايه علك بلاما تزيدي تعدبي فراسك..عمرو مابغاك و هادشي راه فخباارك من زماان

مرضااتش و بدون شعور نترات لوصال يدها و خرجات فيها عينيها بتحدي و دموعها سايلين
وصال: يااك مكايبغييينش( هزات صبعها بالقسم و بدات كترجف بيهم بالعصاب)  ايوااا نقسسسم لك  بفمي بالله تا هي بضببط  ماتكوون لييه  .  ( باشمئزاز ) متقووبة ديال خلا ما عند مها اصل و لا مفصل، علم لله شحال من واحد داز عليها  تاخدو من دون البناات ( بتكبر) او اناا لي عمر شي دري ما قاسنني   يخليني و يفضلها عليا..ولاااهلا كانت ليييها

زينب( قاطعاتها بتغوبيشة) : لبنت مغتااصبة الهيشة ماتبقاايش تخوري الهضرة..و اصلا باينة فيها ماشي من دااك نووع ..غير سكتي و حشمي راه حشومة ضربي فعرضها

وصال( خنزرات فيها و ناضت من بلاصتها كتمسح فدموعها بعصبية ) :   كون كانت بنت دار و مافيهاش  الدودة مغتغتاصبش من للخخر..( بشوفة جادة و كتحاول تقنع فيها) مايغرووكش المضااهر، رااه  شحال من وحدة مكاتكونش باينة فيها  قح*بة و كتلقاايها كتهزوو كااامل