مي فاطمة كضرب فعمر او صابرين فدقة وحدة او كتنكر
مي فاطمة: قهرتوووني ،نتي اللفعة لي محرشااه على زوااج مابغيتيهش يتزوج
صابرين كتحك الدقة او كتضحك .. مخبية ورا عمر لي كياكل العصا فبلاصتها
صابرين: ههههههههه( بدات كتهضر بجهد باش تعصب فيها) اصلا بااااقي صغير على زوااج ، دغيااا باغية تهنااي من خويااا
عمر غير كايضحك او كايحك فدق لي كايجيه ، فاطمة عيات من ضريب ،جرات عمر كلساتو حداها او هزات عليه صندالة باش تسولو اما صابرين ،هربات مشات جلسات تكب فاتاي باش تفطر او كتحك فدقة
مي فاطمة: دابا نتا ها قوليا لاش ماباغيش تزوج ، شنو الحاااجة لي حابساااك
عمر باس لمي فاطمة راسها او كايضحك
عمر: ههههه صافي مايكون على خاطرك ، نشاء لله ايلا تفهمت مع هاد بنت ناس ،نديك تخطبي ليا صافي
صابرين كتفطر او كتسنط ليهم او فنفس الوقت كتفرج ،شوية نسات راسها او هي تغوت على مي فاطمة
صابرين: وا تي صافي ،خلي علك سيد ما بغاش يتزوج واش بززز
محسات براسها ، حتا شيرات عليها مي فاطمة صندالة لرااس
مي فاطمة: تي سكتي تي ، ادييك لفعة لكرطيطة
صابرين شدات راسها او كضحك اما عمر ،تسلت منها او مشا جلس تا هو باش يتغدا ،
مي فاطمة ستبشرات بهاد الهضرة لي قال ليها عمر او فرحات
مي فاطمة: ايوا سيير لله يسخر لك اوليدي او يسهل علك معاها يا ربي هادي هي الهضرة لي باغة نسمع من عندك ههه
عمر ،كياكل او كيتفرج ،صابرين حتا هي كتاكل
صابرين : ايواا هاد ياسمين مسخوطة الواليدين ، فين تعرفتي عليها ههههه
مي فاطمة مشات لصقات فصابرين مهتمة لجواب ديالو
عمر شاف فيهم ،ضحكوه ،كالسين قدامو بحالا دايرين ليه استنطاق ، رجع كمل ماكلتو او كايتفرج
عمر : هههههه خدامة معايا ،
صابرين خرجات عينيها
صابرين: وااايليي
مي فاطمة : توما كيغاديرو تعيشو من ورا زواج او بجوجكم مكاتساليوش من خدمة ، لا لا اوليدي منصحكش ،خاصك مرا لي مخداماش فهاد ضومين ، حنا بزز باش كنشوفوك فنهار،او كاين سيمانة لي كتغبر علينا فيها ،... ايوا شكون لي غايطيب ليك او يصبن ليك ،حتا هي راه غاتكون مشغوولة بحاالك ،
عمر حط الخبز فيديه او رجع شاف فيها
عمر: ايوااا هااا علاش مباغيش نتزوج دابا ،و دابا متبقايش تحمقيني ، نساي عليا دابا هاد الموضوع راه بدا كايعصبني
فهاد الاتناء تيليفون عمر كايصوني ،جاوب دغيا او قطع ،ناض من بلاصتو بزربة باس لمو راسها او تم خارج
مي فاطمة: عوتاني الخدمة واالو يا وليدي مكترتاحش ،
عمر: ،بلاما تسناوني ليوما بليل نقدر نتعطل
مي فاطمة ناضت هزات طاجين من طبلة لي باقي عامر او تمات غادية بيه لكوزينة
مي فاطمة: سير ا وليدي لله يحفضك من ولاد الحرام ،حضي راسك
اما صابرين كانت كتاكل حتى سمعات شي حد كايعيط على احمد من زنقة ،حطات داكشي لي فيديها او ناضت بزربة كتلبس صندالتها او كتسابق مع مها فالباب ديال البيت باش تمشي لبيتها ، مي فاطمة مفهمات والو
مي فاطمة: تي مالك يااك لباااس
صابرين: اواالو ،تليفوني كايصوني ،واقيلا مريم كتعيط ليااا
صابرين مشات كتجري لبيتها سدات عليها او مشات نيشان الشرجم كطل بشوية كتسناه يخرج باش تشوفو ، بان ليها يوسف مع شي دراري واقفين ، شوية بان ليها عمر وقف سلم على دراري او كمل طريقو
يتبع.....
بقلم ساندي🌸
أنت تقرأ
🌹 هيام ما بين الغفران و الانتقام 🌹✨( بداريجة المغربية)✨
Romanceرواية خاااترة حب ❤️🔥 او رومانسية 🥹✨ القلب غايتحرك ليك فيها 💗 او خالية من سفالة الخامجة❌( فيها شوية مي ماشي ديك المعيقة) البطلة غطيح فولد دربهم 😍( بزنااز كلااص ياختي ) ، رواية مختااالفة عن اي قصة ديال تبزنيز لي كتعرفي، فكرة مكايناش فسووق نهائيا...
