🌹 بغيتك من اول نضرة 🌹
الجزء 11 ❤️ من الفصل التالت🥀
❤️ عند احمد و صابرين ❤️
كايضورو عينيهم فارض و حاطات ودنيهم على باب و باغين يسمعو اش كايتقال لداخل، ، شافو فتيحة كتشير عليهم من بعيد بصندالة و كتهضر بشوية باش يحيدو من لباب و مابغاوش... كان ضارهم راسهم و ماقادرينش يصبرو حتى تعاود ليهم صاحبتهم ..تعصبات فاش ماسمعات والو و دوات بشوووية مع صاحبتها
مريم( بإستغرااب): اويلي ، هدا اش كايدير ليها ، مكنسمعش صوتو
كانت يلاه سمعات توشويش و هي دوي ليها مريم، حطات صبعها ففمها دغياا و خرجات فيها عينها و هضرات بشوية
امال : سكتييي
مريم( خرجات عينها بلهفة و بصوت خفيييف دوات): سمعتيي شي حاااجة ؟!!
هضرات بشوية و خنزرات فيها
امال( بعصبية): و سكتييي باش نسمع الخراااكانت مزال فحضنو مصدومة من فعلتو لي دارها، حتى حسات بيه بعدها عليه و عاود شوكاها فاش حط يدو على حنكها كايتلمس فيه بحنية، مقادراش تشوف فيه بالحشمة و بقات غير مهبطة عينها كتقفقف برجلها و كتحاول تستوعب بينها و بين نفسها هاد لقطة ..اما هو كان كايشوف فوجهها بكل حب و محاملش احساس الرعب لي كايرمقو فعينيها ، نطق بصوت هامس و عينيه كايجولو فجمال وجهها
احمد: صابرين شوفي فيا
شهقت بينها وبين نفسها بخوف و رجليها ممساعدينهاش بالوقوف، كانت كتحس و هي بين يديه فمصيدة و باغة تهرب منها من شدة الرعب و الحشمة، مالباتش ليه طلبو و بقات غير كتشوف فأرض و عينيها تغرغرو...تعطلات عليه و كان باغي نضرة منها، مصبرش و دغيا حط يدو تحت دقنها و قابل بيه وجهها لعندو..عينيهم تلاقاو و شرارة الحب كانت كتبان فعينيهم بجوج .. هضر معاها بشوية و هو هاايم فييها و كايمسح دمعة نزلت من عينها
احمد: تسمحي ليا ،ايلا قلت لك كنت مقرقب و ماكنتش حاس براسي
عمر داك سم ماجا ففمو و لا تبلا بيه واخا كايبيعو، لكن لقاها كدبة ممكن تزططو معاها و قالها..بغاها تسمح ليه بأي طريقة لدرجة غامر بصورتو معاها و و لا مستعد انه يخليها تاخد عليه نضرة شمكار غير متحقدش عليه.. و معارفش بلي راها مجنوونة بحبو و مفكراتش فيه نهائيا بهاد تفكير ولا جا على بالها تاخد عليه هاد نضرة ... كان عقلها مبلوكي غير معاه و فهاد القرب لي موترها كتر من اللازم ... حدها بالحشمة حيدت عينها من عينو و حطاتها فجهة صدرو و بدات كدير بلا براسها من قلبها قاصدة بيها ب منسمحش ليك و هضرات ببكية و كتعاتب فيه كطفلة
صابرين( بصوت مخنوق و ممفرزش ) : حكرتيني و تعديتي عليا و انا مادرت لك والو ، ( كتنخصص) عمرني مانسمح لك اخويا
صدماتو و زادت كرهاتو فنفسو فاش سمع الحقيقة المرة من عندها ..رجع كايمسح فدموعها و قلبو هاالكو بندم .. و حتى رمقاتو بنضرة حشمة وهي كترمش قدام قدامو عاد قال لي فقلبو و كانو عينيه كايقولو الحقيقة قبل من فمو
احمد( كايشوف فعينها مباشرة و بصوت خافت باش دوا) : عمرني ما نويت نتعدا علك و ربي شاهد ، ( خرج عينيه بدون شعور كان باغي يقنعها بيهم) بالعكس كننت خاايف علك بزااف لا شي واحد يتعدا علك او نتي بووحدك فزننقة
حيدت عينها عليه بالحشمة و كتقفقف من قربو ، و هو تقلق و سحابليه بلي راها ممهتماش لصراحتو و ممتيقاهش ، عاود قابل وجهها مع وجهو و بقا حاكمو بيديه بجوج باش ماتحيدش عينها علييه
احمد ( بجدية و بنبرة هادئة): ، انا عارف بلي راني غاالط و معندييش الحق نهائيا نضربك ( سكت و شاف فيها مطولا فكر لتواني عاد نطق بشوية بقلب مفرفر و زاد زير على وجهها بين يديه و هي هايمة فيه و كدمع بتقفقيفة) كنبغييك اصابرين .. و غيرتي و خوفي علك هوما لي خلاوني نضربك بلاما نحس ( قرن حواجبو و بكل صراحة هضر) اما نضربك غير هكاااك نقطع يدي من جدر و مندييرهاااش
اعترافو صفر ليها الودنيين بشووك و بقات غير كتشووف فعينييه بعينين متلألئين، دموعها حبسو و الفراشات بداو يرقصو فقلبها، كلمة كنبغيك حدفات دكريات ضريب و تسرفيق فعقلها و خلاتها غير هايمة فيه و فتبوكيصتو ، ..كان مزال شاد وجهها و قلبو كايضرب .. كايشوف فيها بلهفة و كايتسناها تعطيه جوابها بفارغ صبر و امنيتو ماترفضوش و واخا مكانش نهائيا معول يعتارف ليها هاد ليلة ...هزاات يديها كتقفقف بيهم ، حيدات بيهم يديه من على وجهها مهبطة عينيها و بدات كتكدب و حشمااانة و خايفة منو
صابرين ( بصوت مرعوود) : مكنديرش علاقات..
فرحات من كلمتو لي كانت كتحلم بيها ليل و نهار ، لكن ماتيقاتوش .. مع الاسف كانت متيقة احساسها مية فالمية بلي مستحييل واحد بحالو يحب وحدة مغتاصبة حب ديال زوااج .. غوبشاات فارض بلاما تحس معصبة من قدرها و مغرغرة ... بقات ساكتة كتجمع فالبكية باش تهضر بجدية معاه و هو قدامها مصابرش غير كايشوف فيها بلهفة و كايتسنااها تزيد تدوي و تفرحو بكلماتها.. نطقاات بقلب مضروور و هي هربانة من مستقبلها الوهمي لي تيقاتو فيساااع على انه غيخليها فنص طريق و مستحيل يكمل معاها حتى لاخير
صابرين( بدمعة): عفاك اخويا ماعطيني غير تيقاار ..انا مكنبغيكش
يتبع...
أنت تقرأ
🌹 هيام ما بين الغفران و الانتقام 🌹✨( بداريجة المغربية)✨
عاطفيةرواية خاااترة حب ❤️🔥 او رومانسية 🥹✨ القلب غايتحرك ليك فيها 💗 او خالية من سفالة الخامجة❌( فيها شوية مي ماشي ديك المعيقة) البطلة غطيح فولد دربهم 😍( بزنااز كلااص ياختي ) ، رواية مختااالفة عن اي قصة ديال تبزنيز لي كتعرفي، فكرة مكايناش فسووق نهائيا...