🌹 رواية بغيتك من اول نضرة 🌹.
الفصل الاول : 🌲🌳 قدري ان القاك 🌳🌲
الجزء 8❤️:
" صابرين سلات الحصة ديالها او صيفطات لمريم ميساج بلي غادوز عندها باش يضربو دويرة فالمارشي، او باش تشوف احمد "
بعد ساعة ديال طريق وصلات صابرين الدار ، مشات بدلات حويجاتها تغدات او مشات ضرباتها بنعسة تال ديك ستة العشية عاد فاقت بصوت مريم لي كانت كتعيط ليها من زنقة،فاقت مشات طلات عليها او بداو كايضحكو على هاد لبلان لي دارت مريم
مريم: هههه هبطي اول مرة نغوت هاد تغويتة ،درب كامل ساق الخبار بلي سميتك صابرين
صابرين: ههههه، لله يرضي علك ولي ديما ديريها ، تسناي انا نلبس او نهبط
مريم: هههه متعطلييش
" مشات صابرين حلات الماريو كتقلب على شي لبيسة تكون عادية او فنفس الوقت تجيها زوينة... لبسات مشات كحلات او دارت شوية العكر مع العلم هي ماشي من محبين المكياج و غير باش يطيح عليها سر واحد شوية مشات دارت ريحة، او فاش تمت خارجة طلاقات مع خوها فدروج
صابرين: سلاام جيتي من خدمة
عمر : جيت ،( بإستغراب) هاي هاي ، اش هاد حالة او فين غادة
صابرين:( بابتسامة، عارفاه غايخليها تخرج) غير خارجة مع صاحبتي نضربو ضويرة او غنرجعو
عمر: اممم، متعطلييش
صابرين: ( بتغوبيشة) و ضور معايا
عمر:( ضحك) لاحول ، ( عطاها 100 درهم) هاكي قسمي نتي او صحبتك
صابرين: اوووه شكرااا ازين
خرجات صابرين باش تسلم على صاحبتها لقاتها مكايناش حدا دارهم مشات تقلب عليها فدرب فلاخر لقاتها عند مول الحانوت مناقشة معاه
مريم: ( بتغوبيشة) و سقرام سلفني حتا نرجعها ليك
مول الحانوت ( مصطفى): اولاهلا خديتيها ، مكترجعيش ليا الفلوس
مريم: انااري على باطل ، عمرك مسلفتيني يالكداب اول مرة
مصطفى: هههه دغيا نكرتيني ، ديك اندومي لي ديتي ديك المرة باقي لدابا مرجعتي ليا فلوسهاا، ها هي صابرين شاهدة علييك
صابرين: و بااز ، واش مابغيتيش تبدل ههههه، تسقريم عندك فدم
مصطفى: نتوما بدات منديرش فيكم التقة ههههه
صابرين: ياااك هههه واخا عمرني مانبقا نتقدا من عندك يالله
مريم : زيدي زيدي ، هادا شي نهار غنفركع ليه هاد الحانوت بشي بوطة صغيرة هههه
أنت تقرأ
🌹 هيام ما بين الغفران و الانتقام 🌹✨( بداريجة المغربية)✨
Romansaرواية خاااترة حب ❤️🔥 او رومانسية 🥹✨ القلب غايتحرك ليك فيها 💗 او خالية من سفالة الخامجة❌( فيها شوية مي ماشي ديك المعيقة) البطلة غطيح فولد دربهم 😍( بزنااز كلااص ياختي ) ، رواية مختااالفة عن اي قصة ديال تبزنيز لي كتعرفي، فكرة مكايناش فسووق نهائيا...
