🌹 هيام ما بين الغفران و الانتقام 🌹✨( بداريجة المغربية)✨

Part 25 saison 3 ✨

🌹 رواية بغيتك من اول نضرة 🌹

الجزء 25 ❤️ من الفصل التالت 🥀

❤️ عند احمد❤️

دازت سااعة اخرى ديال حتيت و غيرة سوزانا كبراات و حتى رئيس صبرو تقادا و داكشي علاش قرر يهضر مع احمد بضحكة و بدا كايشوف فانخيل كأنه كايدوي عليه بطريقة حسنة

رئيس(كايضحك لانخيل): هههه بان ليا ندخلو فالموضوع ( رجع شرب كااس الويسكي و بدا كايضحك مع صاحب انخيل )
اما احمد حتى هو ضححك فوجه انخيل، ، و أشار بيديه جهة بنتو
احمد: ههه هادشي لي بان ليا ، هادي هي لوقييتة
ترجمات سوزانا الكلام لانخيل على أن احمد و رئيس رتااحو لمجيئهم و فرحو بصداقتهم الجديدة لي كونو معااهم...رجعو تحتو عوتاني لمدة 15 دقيقة حتى احمد تقااد فالجلسة و وجه عينيه لانخيل و دوا باهتماام كأنه تفكر شي حاجة
احمد( بشوفات استغراب): قولياا، براهيم قال ليا بلي باغيين تبيعو شي سلعة وااش بصصح؟!
ترجمات سوزانا الكلام بالحرف، الشئ لي خلا انخيل يشوف فاحمد بجدية و يدوي معاه ايضا بجدية
انخيل( باسبانية): اييه، انا لي قلتها ليه، و لكن مزال لحد الان مالقيت لي يشري،( بشوفات استغراب عطاهم لاحمد و الرئيس) معرفتش علااش مع العلم راني مرخص بزاااف
سوزانا ترجمات الكلام، و رئيس و احمد بداو كايتصنطو باهتماام هوما و يوسف و عصاام، و فاش عرفو جوابو دوا معاه احمد بخبت و باغي يقلقلو و يعرف اينا مكان بضبط مخبي الباطوات
احمد( بشوفات جادة) : ايلا كنتي حااط سلعة فطنجة فراه القليل لي غايبغي يزعم و يشري ..البوليس هاد العام شااد ضد مع كولشي و مزيريين القضية ( بشوفات اكتر من جادة) من الاحسن بدل البلاصة قبل مايطيحو عليهم

ترجمات سوزانا الكلام بالحرف و انخيل رجع جاوبو بغبااء، مع العلم عمرها مكانت ليه و معرووفة عليه دكي فملاحضااتو و حدسو قوي مع اي شخص.. لكن شاف ضيوفو هاد المرة مابينااش عليهم نهائيا و لو درة ديال الغدر اولا الخبت..لكن لاسف هاد المرة زهرو ماوقفش معاه و طيحو مع وحدين اخبت منو و معاااقش نهائيا..بالعكس فكر باش يصادقهم و يتقرب منهم كتر شاف بلي اول مغاربة دخلو ليه الخاطرو من عالم تبزنيز و مافيهمش دغل و قال علاش لاا ..رجع نطق مع احمد بجدية و خلا رجالو و بنتو لي حداه يشوفو فيه بشوفة دهشة فاش سمعو صراحتو
انخيل( بشوفاات جادة ) : نو نو فراسي كولشيي.. محطيتهمش فطنجة
كان رئيس و احمد و حتى يوسف و عصام، كايتسنااو بفارغ صبر جوابو كيف غايكون ، وغير سمعو ترجمة سوزانا، قلبهم ترخف و فرحتهم حبسووهاا و مابينووهااش بالمرة .. مامخليينش صحاب انخيل فين يشكو فامرهم ولو درة .. كانت معلومة جد قيمة بغاو يعرفوها و من حسن حضهم عرفوها بسهولة، حيت بجواب انخيل خلا رئيس و احمد انهم يحدفو من دماغهم تقلاب فجميع موانئ طنجة و يرجعو يركزو اكتر و يعطيو وقتهم الكامل فمنطقة الناضور، وقتهم قصيير و محدود عبارة على تلاتة سيمانة قبل مايرجع انخيل لاسبانية و ماباغينش يضيعوه فتقلاب فمنطقة خااوية..رئيس و احمد زادو تحمسو و باغين يزيدو يسولو اكتر، لكن بداو يديرو معاه مراوغات فالحوار باش مايشكش فموضوعهم و داكشي علاش قررو مايرجعوش يجبدو معاه الموضوع لمدة 30 دقيقة... دازت اكتر من نصف ساعة عاد قرر رئيس يعاود يسولو على نوع المنتوج لي باغي يبيع و منين جااي، سؤال بسيط نوعا ما و كان متعمد يقولو..كان باغي يتبتو و يزيد يتقرب منو اكتر و مايخلييهش يشك فيه بالمرة ..احمد و الرئيس بداو كايتسنااو فسوزانا اش غاتقوول فالترجمة و احمد فنفس الوقت كانت ابتسامتو و شوفااتو لبنت انخيل مامحيدهااش ، حس بيها بدات كطيح غير من شوفاتها لي كتعطييه و بدا كايخدم على الحب الموهوم لي باغي يغرقها فيه من دابا، و كانت فعلا بنت انخيل غرقاانة فديك اللحضة بدوك شووفاات و قلبها كان كايطير فأي نضرة عطااها، وهو مزال كايشووف فيها و كايتسنا سوزانا اش غاتقوول حتى بدا كايحس بتزنزين فجيبو..
يتبع...
لي وصلات هنا و بغاتني نكمل تقولها😶