🌹 هيام ما بين الغفران و الانتقام 🌹✨( بداريجة المغربية)✨

Part 32 saison 1 ❤️‍🔥

❤️ عند احمد❤️
بعد مرور نصف ساعة ، العصابات بجوج لي كانو دايرين حالة بالغوات بيناتهم غير ضربو عليه جاي من بعيد، سقلو فالبلاصة، شافو فبعضياتهم بخوف ، فاش كايحضر كايعرفو بلي شي ضحية غاتمشي فيها ما فيهاش شك، العصابة لي جاية مع الرئيس ولات غير كتغطي وجهها خوفا منو لا يعقل على شي واحد فيهم ، اما احمد غير وصل لدار، لاح الموطور بعصبية، او مشا كايجري لدار باغي غير امتا يوصل لفوق، ما هي الا دقاءق وصل سطح جاعر كايقلب عليه بعينيه، بان ليه جالس او كايضحك ، اما مروان او عصام غير سمعو موطورو او هوما يتقنتو فواحد البلاصة فسطح مقادرينش يواجهوه.
احمد مشا متاجه لعند رءيس او عينيه غايخرجو منهم دخان بكترة العصاب، غير وصل لعندو شنق عليه بيد وحدة او قربو لعند وجهو
احمد( كايهضر مغزز على سنانو): وااش ياا ولد القحبة كتقلب عليااا، ولاا شنووو؟؟
رءيس كايشوف فيه معصب حاول انه يحبس ضحكة مي مقدرش ،
رءيس: هههه، تهدن او سمعني اش غنقول ليك.
احمد كايشوف فيه، حاول انه يقرى اش تحت راسو ، طلقو بعصبية او كايتسناه يدوي.
رءيس رجع جلس فكرسيه، بقا بضع تواني كايجمع فالافكار او رجع هضر معاه بجدية.
رءيس: اول حاجة، سلعة غاترجع كون هاني، درت هاد الخطوة غير باش تجي لعندي برجليك، مبغيتكش تاخد عليا ديك الفكرة ديال الغدر ولا شي حاجة هادي اول حاجة ( وقف تقابل معاه) تاني حاجة ، غنجيك نيشاان، البلان او ما فيه محتاجك حدايا فهاد الفترة، نتا لي غتفاري ليا الموشكيل ، دراري طغااو فديك المنطقة.
احمد غير سمعو اش قال ولاو فيه عشرة، بقا حابس راسو غير بزز مبغاش يضربوو، بدا كايضحك بالفقسة او رجع شاف فيه شوفة ديال القتيلة.
احمد: بربي او مترجع السلعة فبلاصتها ، تا تقودهاا معااياا( شنق عليه بعصبية) هاد تبرهييش معندييش معاااه القلااوي، مرة جاية غاتعاود هاد البلان ولاهما نعقل على دين مك،
قاطعو رءيس او بدا كايضحك ، او حيد ليه يديه : وا وا وا، تهدن هههه( بعد منو او بدا كايقلب على مروان بعينيه، شافو او أشار ليه بيديه باش يجي لعندهم).
مروان غير شاف ديك الإشارة ، سخط اما عصام بدا كايضحك عليه بشوية،او دفعو لعندهم .
مروان مشا متاجه لعندهم او كايطلب من لله هاد ليلة دوز على خير، وصل لعندهم مقادرش يشوف فاحمد ، بقا كايخنزر فرءيس كايتسناه اش غايقول لييه.
رءيس: قوليه على اقتراح لي عطيتك..
مروان فخاطرو" يا ولد القحبة او علاش مخليني نعيط عليه فهاد ليل، الا مكنتيش غتهضر معاه"، ضار شاف فاحمد لقاه مخنزر فيه او كايتسناه اش غايقول ، بقا فلوول متردد فالهضرة، بقا كايشوف فيه لتواني او حيد عينو عليه خوفا من ردة فعلو.
مروان: قاليك 50 فالمية كولها ديالك.
احمد غير سمعو اش قال تصدم من اقتراح، بقا غير كايشوف فرءيس كايتسناه يأكد ليه الهضرة .
رءيس شاف احمد بدا كايطلق ديك تغوبيشة، بدا كايضحك دار يدو فجيبو او كايهضر بكل تقة،
رءيس: هههه، ايوا اش بان لك؟؟!
احمد بقا كايشوف فيه لتواني او كايفكر فهاد الاقتراح مشا جلس فالكرسي او كايخمم ، بضع دقاءق او رجع شاف فيه
احمد(بنبرة حادة): 70% او انا معااك؟!
رءيس خرج فيه عينيه بذهوول، بدا كايضحك، تنهد او رجع هدر معاه بقلة حيلة،
رءيس:60%؟!
احمد دار رجل على رجل او بدا كايقلدو فتبرهيشو لي كايدير معااه.
احمد: 75%
رءيس بدا كايتعصب شاف فمروان باش يدخل فالموضوع، ..
مروان بدا كايضحك او أشار ليه براسو بلا ،: منك ليه ماشي سوقي هههه
رءيس قرر يقفل صفقة لعند 75، حيت عارفو الى بقا يتزايد معاه فالهضرة غايخرج هو لي خاسر منها، زفر بعصبية او رجع شاف فيه.
رءيس: اوكي ، ولكن بشرط من هاد ليلة تبداو خدمتكم( مد ليه يديه يسلم عليه، باش يأكد ليه الموافقة لشرطو)
احمد بدون تردد وقف سلم علييه او كرز على يدو او بدا كايخنزر فيه.
احمد: مرة جاية غاتعاود هاد الفعلة غنحو** مكك
رءيس بدا كايضحك او عنقو باش يتسامح معاه
رءيس: ههههه، مسامحة راك عارف لي كاين، تبرهيش عندي فدم هههه.
واخيرا سلات الصفقة باتفاق طرفين، رءيس فديك ساعة عيط على رجالو يرجعو سلعة لبلاصتها، او خرج فحالو من دار هو وياه او خلاو مروان او عصام لفوق كايعيطو ليوسف يطمأنوه بلي سلعة غاترجع.
... احمد و الرئيس وصلو لدرب ، رءيس ركب فطونوبيلتو هو وصاحبو او مشا مكسيري لفيلتو او احمد كدالك شد موطورو او مشا مكسيري لديك المنطقة من بعد ما عيط على رجالو كاملين يوصلو عندو تما.
اما العصابات غير شافوهم تفارقو بجوج بدون صداع ولا مشاكل، حتى هوما فرتكو الجقلة من بعد ما سبو بعضياتهم مزيان او تحلفو على بعضياتهم مزياان،
عصابة احمد رجعات فحالها او رجال رءيس طلعو لدار كاملين ، طلقاو مع عصام او مروان فدروج هابطين، بعدو عليهم خلاو ليهم المساحة فين يهبطو عاد كملو طريقهم .
فرمشة عين درب تكالما ، كأن شيئا لم يكن، حتى حد ما بقا كايدور فدرب، فقط موطور ديال مروان هو لي كان كايتسمع ، كسيرا بعصبية متوجه عند احمد او خلا وراه غير لعجاج، او شي رجالا كايطلو غير بتخبية كايبركو اش واقع فدرب.
يتبع....