🌹 هيام ما بين الغفران و الانتقام 🌹✨( بداريجة المغربية)✨

Part 46 saison 1 ❤️‍🔥

امال او مريم مشاو سولو البوليس على سبيطار فين كاينين المراحيم بجوج فجأة تصدمو فاش عرفو بلي تم دفنهم فالبلاصة ،بقاو كايغوتو فديك الكوميسارية او كايخاصمو عليهم ، دارو الحايحة ، اما صابرين غير ساهية او كتفكر فماماها او خوهاا
مشاو البنات عند صابرين كلسو حداها بقاو ساكتين،تا وحدة مقدرات تقول ليها الخبر ، صابرين كتشوف فيهم او دموع فعينيها
صابرين: فيناهيا ماما
امال ضماتها لعندها او كتمسح ليها فشعرها او كتحاول تهدن فيها ،تنهدات او هضرات
امال: حبيبة ،غير يصبح الصباح او نمشيو الروضة، مابقا والو
صابرين دموعها مابغاوش يحبسو ،حاسة بقلبها غايخرج من بلاصتو
صابرين: بغييت غير نشوفهم اخر شوففة ، اربي كيف غندير نصبر على فراقهم
مريم حتى هي مشات عنقاتها او بقاو كايبكييو بتلاتة ، بقاو على ديك الحالة فالكوميسارية حتى صبح صباح ،ركبو مع واحد البوليسي ، او وصلهم لعند قبورة ، عزا صابرين او مشا فحالو
صابرين، غير وقفات عند قبر ماماها او قرات سميتها مكتوبة فحجرة، مشات تلاحت على ديك الحجرة او عنقاتها بجهد او كتبكيي، او كتشهق بالبكا، مكرهاتش تنبش القبر او تجبد ماماها او تعنقهاا، اما مريم او اماال غير كايشوفو فيها او كايبكييو خلاوها على خاطرهاا، فديك الاتناء لي كانت كتبكي صابرين ،ضارت جهت ليمن قرات عمر فواحد الحجرة ،بقاات معنقة قبر ماماها او كتشوف فقبر خوها او غير مكاتزيد تجعر بالبكاا، او كتركل فتراااب
صابرين بقاات على ديك حال حتي قربات تسخف بالبكا، جلسات جنب قبر ماماها او كتبكي بصمت ،او البنات غير كايشوفو فيها ، مشات عندها مريم جلسات حداها او شدات ليها فيديها ،بدات كتصبر فيها او دموع فعينيها ،اما امال ،مشات عندها حاولات توقفهاا او جمعات ليها يديها🤲،او هي مزالاا كتنخسس
امال: يلاه احبيبة ،قراي عليهم شوية القراأن، صافي براكة علك من بكاا، راه عينيك تمسحو بالبكا
صابرين حاولات تقاوم جمعات يديها او عينيها عامرين بدموع، كتقرا او قلبها مقهوور عليهم،
سلاو البنات من قراءة القرأن ،بقاو جالسين حدا صابرين او معنقينها ،خلاوها تخوي داكشي لي فقلبها ، اما صابرين غير كتشوف فقبورة او كتبكي بصمت
بقاو البنات لمدة ساعتين  او هوما غير كالسين معنقين صابرين او مخلينها على خاطرها ،حتى حسو بيها بدات كترخى
اماال: صافي براكة علك، احبيبة ،يلاه تاكلي شي حاجة
صابرين سخفانةاو عينيها دابلين
صابرين: لا لا غير خليني عفاك ،بغيت نبقا جالسة حدا ماما
مريم: يلاه غير تاكلي، او نرجعو كنوااعدك
البنات بقاو معاها حتى ،قنعوهاا، داوها لواحد القهوة، جابو ليها الفطور ،بداو كايفطرو فيها بزز ،حتى كلات كولشي ، امال مشات خلصات او رجعات عندهم ،مشات عنقات صابرين او كتطبطب علييهاا
مريم بقات كتقاد فحوايج صابرين او كتشوف فيها بتاسف
مريم: يلاه لداار بدلي حوايجك ،عفاك ،شوفي كيفاش وليتي
صابرين كتشوف فسروالها او تريكو ،لقاتهم عامرين بالغيس ،شافت فيها شوفة طفولية او دموع فعينيها
صابرين: واخا ،نمشي نبدل حوايجي ، او نرجع عند ماما
امال او مريم شافو فبعضياتهم او تنهدو ، بارتياح حيتاش قبلات
يتبع...
بقلم ساندي🌸