🌹 رواية بغيتك من اول نضرة 🌹.
الجزء 18 ❤️ من الفصل التالت 🥀
❤️ عند صابرين ❤️.
كان مزال صدرها كايطلع و كايهبط بسرعة بسبب انفاسها المتسارعة لي خرجو بلا ادنها من شدة العصاب، بقاات كتشووف فيها بنضرة كره من ورا ديك تسرفيقة لي عطاتها و دموعها تسرسبو على حناكنها بلا شوارها، اما لي تسرفقات شدات حنكها بصدمة و بقاات كتشوف فيها معصبة، جنون ركبوها لتاني مرة و مكرهتش تعاود تلاح عليها، رمقاتها بنفس نضرة الكره و هضرات معاها بصدمة
امال: هادشي كاامل غير حيت خايفة علك و ما بغاش لك سووء
هضرات من ورا ضهر فتيحة
صابرين( دمعات و عينيها فرشوو احساس الكره لي كانت كتحسو من جهتها فديك اللحضة): شكون لي قالك اختي خافي عليااا، ( بجدية ) ماتخاافييش و ماتسوقييش ليا ( بنضرة مكسورة باش ترجاتها و كتبكي معاها) خليني اختي مني لهمي انا قادة بييه..انا نعوم بحري و انا غنتحمل مسؤولية اغلاطي غير خرجي هاد السووق و فوتيني علكطرطقات فيها عينيها بعصبية و ربعات يديها بتحدي ، قمعة صابرين رفعاتها بالاعصاب و ما بقات كتفكر فواالو من غير ترجع الصاع بصاعين و تضربها بقمعتها
امال( بعصبيية و صوتها علاا): و ملي الآلة قادة براسك و باغة تعومي بحرك ، لاش معدبة فتيحة و مسهرة معاك مريم بالبكا و النوااح
( باستهزاء و دمها تحقن فعينيها بالاعصاب) هه انا لي كنعرف لي باغي يعوم بحرو مع مشاكيلو، دمعتو كايخبيها مكايبينهااشزادت قرباات ليها كتر و هي مزال مربعة يديها و كارزة عليهم بقبضة , كتشوف فيها بتحدي و ماحناتش فيها واخا شافت دموع صابرين كايقطرو بغزارة و حسات بيها تضراات بكلامها غير من نضرتها ، عودت دواات وسط غوات مريم و فتيحة لي باغينها تسكت و لكن ماسكتاتش
امال( وجهات راسها جهة الباب و بتحدي من عينيها نطقات ): ايوا يلاه بيني ليا اش كتسنااي، دردبي و..حنتيني من دابا بلي راكي قادة تحملي مسؤوليتك بوحدك بلا بينا ..( دفعاتها بجووج صباع من دراعها بعصبية و زادت دوات بعينين معصبيين) يلاه بلاصتك على هاد لحساب فزنقة وسط دياب ماشي فووق كتف مريم و فتيحة ( ضحكات باستهزاء و باغة تعصبها ) ههه أ لي مابغااش لي يخااف عليها و دايرة فيها سوبر مان ، خرجي و حااربي مشااكلك بوحدك لااش معدباانا معااك و مخليانا هازين لك الهم من لوول
سكتاتها بهضرتها و ماعرفات باش تجاوبها، تضرات بالمعقول و دموعها مابغاوش يحبسو من نزول و كانت مزال واقفة صامدة كتشوف فيها، باغة تجاوبها بلا بكا باش ماتشفقش عليها و تبان قوية لكن ماقدرااتش، مرضها نفسي هششها بزاااف، رجعات شافت فيها كتمتل تحدي و مزيرة على يديها بجوج بقبضة و قالت هضرة ماشي على قدها لكن كبريائها قالو فبلاصتها
صابرين( مخنوقة بالبكا و بخفووت تحداتها) : وااخا
أنت تقرأ
🌹 هيام ما بين الغفران و الانتقام 🌹✨( بداريجة المغربية)✨
Romanceرواية خاااترة حب ❤️🔥 او رومانسية 🥹✨ القلب غايتحرك ليك فيها 💗 او خالية من سفالة الخامجة❌( فيها شوية مي ماشي ديك المعيقة) البطلة غطيح فولد دربهم 😍( بزنااز كلااص ياختي ) ، رواية مختااالفة عن اي قصة ديال تبزنيز لي كتعرفي، فكرة مكايناش فسووق نهائيا...