❤️ عند صابرين❤️
من بعد ما حلفات عليها ايمان باش تمشي ترتاح ليها واحد الشوية او تخلي ليها شقا ديال هاد نهار, مشات شدات ليها واحد ركنة فصداري تخشات فمانطتها او تكمدات كيف سحوور, ساهية فالبنات لي معاها, كتصنط لحتيتهم او كتامل فيهم , مكانوش مسوقين ليها بالمرة كل وحدة كانت غارقة فعالمها الخااص , مرة عينيها كديها لعند نبيلة لي اونفاص معاها, لي من قبيلة او هي كتهضر مع واحد الخليجي فابيل فيديو, شادة معااه ستون او كتهضر معاه ب كل أريحية, مكتقولش ليه لا لطلبات ديالو, قال ليها بيني ليا الصدر , حيدات البيل فالخطرة, بقاات معاه غير بسوتيامات. صابرين بقات غير كتفرج فيها او كتصنط لهضرتها لي كانت جد مضحكة، مرة تخلط ليه المصرية مع داريجة , شوية كتقلبها معااه خليجية مدرجة بسورية, بقات كتشوف فيها حتى ضحكات بدون شعور واخا مكان فيها لايضحك, او ما هي الا تواني ودنيها داتها لصوت شيشة لي كتغرغر فجنبها, بانت ليها يسرى مزال شادة داك انبوب او كتشفط فيه, ساعة او هي كتجر فيها مابغاتش تطلقها من يديها, سهات فيها او بدات كتمعن فطريقة كلامها لصاحبها لي كانت كتهضر معاه فاوديو , لتواني ركزات معاها فكيفاش كتعامل معاه فموقف ديال انه خلى ليها في, دهشاتها طريقة كلامها لييه, حيت ما هي الا دقاءق خلاتو من داك شخص لي كان كايهضر معاها بلا موبلات لشخص كايطلب منها السماحة ، لاحت عينيها لعند هدى, لقاتها جالسة فارض كتبرم ليها فجوان او ملاهية مع تلفازة, ممعاهمش نهائيا فهاد العالم.
صابرين بقات على ديك الحاال كل مرة كتشوف فوحدة او بضبط فنبيلة او يسرى، مركزة معاهم بشكل كبير فطريقة كلامهم او تعاملهم مع ساط ديالهم او كتحاول تاخد منهم خبرة لعلى و عسى تنفعها من هنا القدام مع الزوج المستقبلي المجهول لي مكرهاتوش انه يكون هداك لي خاطف ليها العقل, لبغتة من زمن عقلها داها لعندو او قلبها كيف العادة بدا كاايفرفر غير بوحدوو, كتخيل راسها فحضنو او كايضحك ليها نفس ضحكة لي داير فتصويرة ديال انسطا . ديك تصويرة لي كتحمقهاا ، او لي ديما كتخيل راسها فبلاصت ديك البنت لي جالسة فجنبوو, و ما هي الا تواني قاطعات تفكيرهاا ايمان لي مشات جلسات حداها بابتسامة
ايمان: زين كيف بقيتي, شوية؟؟
صابرين( بابتسامة): حمدلله فاتني شوية الوجع ( بحشمة) نااري اصاحبتي كون غير خليتيني نعاونك
ايمان: سكتي براكة من هضرة الخاوية , حتى نكون يهودية عاد نخليك تشقاي بهاد حالة
صابرين بكترة ما فرحاتها هضرة ايمان عنقاتها بدون شعور او كضحك
صابرين: يا ختي شحااال حنيينة، فكرتيني غير فما ما. لله يرحمهاا، ( عودات عنقاتها او باستها فحنكها) يخليك ليلي اماماتي هههه,
ايمان و هدى شافو فيها بصدمة اترات فيهم هاد الكلمة مي دغيا داركو الوضع او قلبوها ضحك بيناتهم.
هدى: هههه جبتيها لاسقة, نييت هي لي شارفة فينا فهاد داار هههه
ايمان ميقات فهدى
ايمان: بزااف علك القحببة
صاربين شافت فايمان او سولاتها باهتمام
صابرين: هههه لعاار شحال عندك من عام؟, كتباني مزالا صغيرة
ايمان طلقات شعرهاا , تقدات قدام صابرين او بتاسمات
ايمان: ههه, شحال تعطيني ؟
صابرين بقاات كتشوف فيها لمدة او نطقاات
صابرين: اممم 27؟؟
البنات غير سمعو صابرين اش قالت, طلقو واحد ضحكة فدقة وحدهاا, خرااو على ايمان بضحك, اما ايمان غير سمعات العمر لي تعطا ليها, ديك الابتسامة دغيا قلباتها ملامح صدمة, فحين صابرين غير شافت ريكاسيون ديال ايماان ,عرفات راسها عماتها , دغيا جمعات فمها بيديها , او بدات كطلب السماحة بعينيها
صابرين: هههه, ولاهما باينة علك 27, اغير قلتها او صافي ههه
نبيلة كتشوف فايمان او كتموت بضحك
نبيلة: ههههه الحلم ديالي نسمع شي حد مصغرك
(ايمان شيرات على نبيلة بصندالة بزعافة باش تسكت او رجعات شافت فصابرين نطقات كانها بقى فيها الحال)
ايمان: تالهاد درجة مبيناش فيا 25؟؟
صابرين( كتحاول ترطبهاا): و لاهما باينة عللك حتى 25 هههه، راه غير بالي مشا مع هضرة هدى فاش قالت لك شارفة هههه
ايمان( غوبشات فهدى): يا ختي مكتقشريش ,( خنزرات فالبنات او رجعات شافت فصابرين), على اساس هما مطفرينو
يسرى شافت فيها بدات كتقلي ليها سم بعينيها
يسرى: 24عام احبي ماشي هي 25 عام
صابرين شافت فيسرى باهتمام
صابرين: نتي عندك 24؟
يسرى: هههه بتلاتة بينا عندنا 24 ,( شافت فايمان) الا هاد الخلقة خرجات من جنب هههه
نبيلة كضحك او كتبرم فجوان
نبيلة: هههه ( شافت فصابرين) او نتي احبي شحال عندك من عاام؟
صابرين : هههه انا يلاه قفلت 22
يسرى( بصدمة):, وينوو الفلوسة ديال داارهههه
نبيلة: هههه, لا لا القنية
البنات: هههههه
ايمان ( عينيها على صابرين): هههه, نااري احبي مشاات علك هاد سمية
صابرين( باستغرااب): هههه, منين ضبرتو على هاد سمية
هدى: هههه مروان هو لي سماها علك
صابرين( بدهشة): هههه منيتوو
نبيلة: هههه, من هنا القداام مكاين غير الارنوبة, ولاهلا بقيت عيطت علك بصابريين هههه
البنات: ههههههههه
صابرين: هههههه لا لا اويلي, ممتافقااش
يتبع...
بقلم ساندي🌸
أنت تقرأ
🌹 هيام ما بين الغفران و الانتقام 🌹✨( بداريجة المغربية)✨
عاطفيةرواية خاااترة حب ❤️🔥 او رومانسية 🥹✨ القلب غايتحرك ليك فيها 💗 او خالية من سفالة الخامجة❌( فيها شوية مي ماشي ديك المعيقة) البطلة غطيح فولد دربهم 😍( بزنااز كلااص ياختي ) ، رواية مختااالفة عن اي قصة ديال تبزنيز لي كتعرفي، فكرة مكايناش فسووق نهائيا...
