🌹 هيام ما بين الغفران و الانتقام 🌹✨( بداريجة المغربية)✨

Part 10 saison 2 🌹

💗 قصة بغيتك من اول نضرة 💗

البنات  داتهم عينهم من بعد حتيت طويل دام بيناتهم ، او بخوفهم على صاحبتهم طار عليهم نعاس تال3 صباح عاد خمرو، صبح صباح جديد او مريم فايقة مدوخة بنعااس،لقات راسها تعطلات على الخدمة بنص ساعة دغيا لبسات حوايجها او خرجات طايرة لريسطو بلا فطور او بلا مكياج، خلات من وراها امال حالا فمها او كتشخر او معلبالهاش بدنيتها، اما واحد احمد حتى هو فايق مفزوع من بلاصتو ، كايلبس تريكوه بزربة او باغي يخرج دغيا من دار ، تعطل على حبيبتو عندها اول حصة نفسية ليوم مع طبيبتها او بغا يكون معاها فيهاا، كان معول مايسهرش او ينعس بكري لكن قلبو سهرو بلهلا يطريه ليه ، ريحتها لي لسقات فيه  هي سبابو او غيرتو عليهاا غير مزادت على مابيه عقلو ليل كامل او هو كايخلع فيه بلي ممكن يكون شافها شي حد بديك الكسوة قبلو  او هو مجايب خباار.
خرج بالخف من دار بلا فطور او حتى من باكيتو ديال كارو نساها بكترة دعقة ، مشا قصد طنوبيلتو غير ركب او هو يكسيري فالبلاصة، حصة مهمة بنسبة ليه او مباغيش يفلتها  ، باغي يحضر فيها  باش  يعرف حالتها دهنية فين وصلات, واش فعلا هي  نورمال ولا صافي تسطاات. وصل لسبيطار لاح لكرديان سوارت باش يبلاصي ليه طنوبيل او مشا نيشاان لمكتب طبيبتها، غير قرب يوصل ليه او هوما يبانو ليه جوج فرمليات مخرجينها بدموعها او غادين بيها الدروج باش يوصلوها لغرفتهاا، خلاهم يطلعوها او مشا قصد المكتب منين خرجات ،  كانت طبيبتها حانية راسها فشي وراق غير بان ليها او هي  تبتاسم ليه بدون شعور
طبيبة: اهلا ههه، تعطلتي، عيت منتسنا فيك
جلس فكرسي بابتسامة او بدون سلام نطق
احمد: امدرا؟!
ضحكت على لهفتو او رجعات شافت فيه باطمئنان
طبيبة: هههه، غير طلق فيك نفس داكشي لي خايف منو راه مكاينش، البنت غير مصدومة سي تو ، راه ديما  كنقولها لييك  هههه
انشارح قلبو او خلعتو تلاشات فالبلاصة، ضحك بفرحة بلهلا يطريه ليه عاد نطق
احمد( بارتياح): او بنسبة لحالتها كاين شي تحسن ولا والو؟!
طبيبة: حالتها حاليا مستقرة، خاصها غير تبع دواها او انشاء لله مغايكون غير لخير 
احمد( بإستغراب): كيفاش مستقرة او انا كتبان ليا مؤخرا ولات كادير شي حوايج ماشي طبيعيين
طبيبة( بجدية): و احمد و يهديك لله، راه ديما كنقول ليك بلي غواتها حاجة طبيعية بنسبة لحالتها، ( شافت فيه بجدية اكتر من لول) وحدة مصدومة او مغتاصبة من الفوق سي نورمال تصرف بديك طريقة، راه كاينين حالات بحالها او كايتصرفو بطرق غريبة كتر منها،  غير تهدن
قتانع بهضرتها او حاول مايخلعش راسو كتر، تفكر حاجة او هو ينطق
احمد( بشوفات اهتمام): كيدازت بعدا هاد حصة مزيان؟!
بشوفات اسف نطقات
طبيبة: صراحة كنت كنتسناها تنطق مي مع الاسف مدواتش، سعتاين كاملة دوزاتهم غير بكاا ( بشوفات اطمئنان او كتحاول تغريه بعينيها) ولكن عادي حصتها لولة ضروري مغتدوز هكاا، غير أنا كنت طماعة واحد شوية هههه
تحتو تا عيااو،  هو كايتحتت من نيتو فموضوع حبيبتو او هي مطولة معاه الحتة بلعاني غير باش تبقا تهضر معاه مدة طويلة، تا حس براسو فرحان او ناشط او مهدن من جهة صابرين عاد قرر يجمع الوقفة او يخرج من بيروهاا، خلاها وراه كتفرنس غير بوحدهاا حتيتها معاه كايعجبها او مكرهاتوش يبقا معاها مدة كتر من هادي، واخا بعد مرات كايخرجها على طوعها بعصبيتو او كتبغيه غير امتا يخرج من هاد مصحة لكن متنكرش اعجابها بيه لي ولا كايتزاد كل نهار، سدات ملفها لي كانت مشغولة بيه بابتسامة عريضة او مشات قصدات المرضى ديالها بفرحة او يديها فتيليفون كتكتب سمية احمد على نمرتو، و اخيرا من بعد شهر ديال تحلوين قدرات هاد نهار تاخدها بسلاسة على ضهر صابرين، قنعاتو بالخف قالت ليه بلي توقيت حصصها غايتبدل حتى تعطيني نمرتك باش نصيفط لك توقيت جديد او بلاما يفكر عطاها نمرتو ديك ساعة، شي حاجة كتعلق بصحة صابرين مستحيل يتعطل فيها و لو تانية.
يتبع......
بقلم ساندي 🌸