🌷بعد مرور شهر🌷
❤️ عند احمد❤️
مع ديك ستة العشية احمد او يوسف راكبين فالموطور او راجعين من الخدمة لدار احمد ، غادين فطريق او كايتزللو على البنات او كايضحكو حتى وصلو الداار ، طلعو هو وياه لداار ، احمد مشا يدوش او يوسف تلاح فواحد فوطوي بقا شاد تيليفون .
بعد مرور 30 دقيقة احمد خارج من دوش كاينشف فشعرو او فوطة ملوية عليه ،مشا متاجه لبيتو جبد حوايجو او شوية بان ليه تريكو لي باقة لاسقة فيه ريحة صابرين ،عمرو مصبنو ،غير مخبيه وسط الحوايج باش طلق فيهم ريحة ديالتهاا، بدا كايبلس فحوايجو او كايهضر بجهد موجه كلامو ليوسف
احمد: سااط نمرة ديال صاابرين ،شتك مزاال مجبتيها ليااا
يوسف تفكر البلان،
يوسف: ااااه، وراك عارف خدمة كترات هاد ليام ،وللهتا نسيتك
يوسف تقاد فبلاصتو او شاد تيليفونو
يوسف : دااباا، تكون عندك نمرتهااا
يوسف دخل انسطا او مشا صيفط ميساج لمريم من الحسن الحض كانت مكونيكطيا ، بقات مدة 5 دقائق او هي تجاوبوو
اما احمد مشا جلس حداه او كايشوف معاه اش غايدير
مريم: وي ،يوسف صافا
يوسف: حمدالله ، ونتي
مريم: حمدالله ،فين هاد الغبوور
يوسف: غير مع خدمة او صافي
يوسف: المهم بغيت نطلبك واحد طليبة او مترجعيهااش فوجهي
مريم: قول ايلا قدرت عليها ،مرحبا على راس او عيين
يوسف: بغيت نمرة ديال صاحبتك صابرين ههههه
مريم: ههه او علاش بسلامة
يوسف: هههه بغيتها لواحد دري صاحبي عجباتو او بغا يهضر معاها
احمد جالس على اعصابو كايقرا فالميساجات او كايتسناها تباصي نمرة
احمد: تا ماال هادي تعطلت ،فهاد الميساج يلاه كانت كتهضر معاك دغياا
يوسف: ههههه اصبر اصاحبي، مالك مكتشوفش راها كتكتب
مريم: هه اش غنقول لك اخويا ، صابرين من بعد داكشي لي طرا ليها ،صاكها راه تلف فدرب ،شي حد شفرو ، دابا حاليا راه معندهاش تيليفون
احمد او يوسف قراو الميساج او شافو فبعضياتهم بإستغراب ،رجع يوسف كايكتب دغيا
يوسف: علااش مالها
مريم: علاش نتا واش مفخباركش ؟!
يوسف: لا ،مفخباري والو
احمد بدا كايتوتر ،حيد تيليفون من يد يوسف او كتب الميساج بدون شعوور ،او كايتسنا إجابة بتوتر
احمد: اش واااااقع؟
مريم: وايلي ، مامات صابرين او خوها تفركعات عليهم البوطة الكبيرة فداار او مااتو
احمد قرا الميساج تشوكااا، اما يوسف شد راسو او هو مصدوم
احمد مقدرش يصبر ،ناض او عيط ليها ،جوباتو فالبلاصة ، نطق بعصبية
احمد: واش هادشييي بصصح
مريم: و ولهتاا بصح اويلي ، هادشي فيه الكدووب
احمد مخلوع غير غادي او جااي
احمد: صاحبتك واااقعة ليها شي حااجة؟!!
مريم: لااا الحمدلله
احمد شاد راسو او ولا كولو كايغزل بالتوتر
احمد: عندك شي نمرة نقدر نتواصل معاها
مريم: الا كنهضر معاها غير من نمرة خالهاا، اجي نتاا شتك كتسول عليها بزااف هههه هدا كولو اهتمام فك ، مكانتش باينة علك فاش كنتي كتدوي معاها فزنقة
احمد قطع او لاح ليوسف تيلفوون، جلس فالفوطوي او كايفكر بتوتر او رجليه بجوج كايتحركو،بكترة العصاب ، اما يوسف غير كايشوف فاحمد ، حس بيه مخلوع من جهة صابرين،
يوسف: سااط اش غدير دابااا؟
احمد شاد براسو بحيرة ،كايهضر بدون شعور
احمد: وللهما عرفت ، مكرهتش نرجع الداار ، ولكن هاد ولاااد القحاب مزال مشدو معايا طرييق
يوسف تصدم فاش سمع ديك الجملة ديال نرجع لدار مكانش كايتسنا هاد الجواب منو نهائيا،او هنا بضبط تأكد بان صاحبو ولا كايبغي البنت بدون شعوور،بقا مبتاسم او كايشوف فيه بخبت
احمد شاف فيه كايضحك، استغرب
احمد: ماالك
يوسف: ههههه ساااط ،وليتي كتبغي البنت ،بلاما تنكر
احمد دخلات معاه هضرة يوسف مع العضام عاد ستوعب اش كان كايقول قبيلا، بقا مصدوم من راسو ، خربق شعرو بعصبية
احمد: معرفتش ولاهما عرفت ، مؤخرا وليت كنفكر فيها ،بزااف.
بقلم ساندي🌸
أنت تقرأ
🌹 هيام ما بين الغفران و الانتقام 🌹✨( بداريجة المغربية)✨
Roman d'amourرواية خاااترة حب ❤️🔥 او رومانسية 🥹✨ القلب غايتحرك ليك فيها 💗 او خالية من سفالة الخامجة❌( فيها شوية مي ماشي ديك المعيقة) البطلة غطيح فولد دربهم 😍( بزنااز كلااص ياختي ) ، رواية مختااالفة عن اي قصة ديال تبزنيز لي كتعرفي، فكرة مكايناش فسووق نهائيا...
