🌹 هيام ما بين الغفران و الانتقام 🌹✨( بداريجة المغربية)✨

Part 29 saison 3 ✨

🌹 رواية بغيتك من اول نضرة 🌹

الجزء 29 ❤️ من الفصل التالت 🥀

             ❤️ عند مريم و صابرين و احمد ❤️

تغاوتو نيت فديك جردة و كل وحدة كانت باغا تقنع لوخرى باي طريقة بافكارها.. لاسف ماتفاهموش و حتى وحدة ما بغات تفهم لوخرى، ضاربو و بكااو تحت انضاار لي كوبل و سعد  و شتا فوقهم مبللة حوايجهم و غير مزادت تمجهداات .. و حتى سحاات عاد تمو راجعاات لداار و هوما مغوبشاات ... تا وحدة مكانت كدوي مع لوخرى فطرييق و كانو مبعدات من بعضياتهم.. مريم كانت قدامها مغددة و صابرين وراها غير كتفكر فغدا فكيفاش غتقنعهم باش يخليوها تخرج من دار ، ..و وراهم سعد لي كان تابعهم بتخبية و  عينيه مامحيدينش على صابرين.. التهديد لي عطاه حبيبها غير ما زاد وكدو لهاد المهمة و  خلاه مايبقاش يفكر فشي حاجة خرا من غير يوصل حبيبتو سالمة لدار ..دخلو الصحابات المنزل تحت غوات فتيحة و معيورها،  ماخلات فيهم ما نسات،  خلعوها فاش شافتهم تعطلو و طيحو منها النص بديك تعطيلة ...و حيت كانو معصبات و طالعة ليهم القردة لراس مداوهاش فيها و خلاوها تغوت حتى تعياا ماجاوبوهااش..صابرين مشات تكات فبلاصتها فناموسية بغات تنعس و مريم بدلات حوايجها بتغوبيشة و كانت مزال معصبة منهاا و مكرهاتش تعاود تجبدها.. لاسف ديك ليلة تا وحدة ماتعشاات و بجوجهم مشااو تغمغمو ليهم فمانطا و عطاو لبعضياتهم بضهر و بداو غير كايفكرو فهاد المضاربة لي دازت بيناتهم..نعساات صابرين بدموعها بحكم كانت مهلوكة من العصا لي كالت من عند صحاباتها بجوج و مريم كانت مزال حالة عينيها طار منها نعااس.. حاولات تصيفط لامال ميسااج باش تهضر معاها على موضوع صابرين لي باغة تخرج من دار ساعة مجاوباتهاش، بقات كتسما فيها تا عيات و هي تجاهل امرها فأخر المطاف  و رجعات كتسنى ميساج من عند  يوسف لي مجاوبهااش من ستة العشية، شافتو دخل اكتر من ربعة المرات الواتصااب من ورا داك الميساج لي صيفطات ليه و مابغاش يجاوبها عليه نهائيا ، تعصبات و بدون شعور مسحات كونفيرساسيون ديالو و قررات تخطااه .. دخلات انسطا بدات كضرب فيه ضويرة بيما جاها نعاس  و فنفس الوقت كتجاهل ميساجات احمد و لي زابيل دياولو لي متقدااوش، عرفااتو بلي باغي يسولها على صابرين و فاش تفكراات كلام امال باش ماتجاوبوش دارت عليه عين ميكة و خلاتو يعييط حتى يشبع ماعطاتوش أهمية...اما احمد فكانت طريقو كحلة  ديك ليلة ، بحكم ان منطقتو بعيدة على دار مريم اكتر من 4 سوايع فكان عاافط عفطة وحدة فلوطوروت و مكسيري نييت..تصاورها و هي فديك الحالة محيدووش من عينيه نهائيا و كانو فعلا معصبينو و مألمينو فنفس الوقت.. مابغاهاش تكون فديك الوضعية بتااتا و مرضهااش ليها
يتبع...