احمد جالس اوساهي فالبحر ،معلابالوش بالغوات او الحايحة لي ضايرة بييه،عقلو مسافر عند صابرين ،كايكمي او كايبتاسم غير بوحدو، مستمتع بللحضة لي كايفكر فيها فصابرين او مبغاش يغير تفكيرو لحاجة تانية ،حاس بواحد احساس زويين اول مرة فحياتو غايحس بيه او ماباغيش يقمع هاد الاحساس، اوسمح لراسو انه يستمتع بييه ، فجأة قطع تفكيرو يوسف لي جا جلس حدااه،
يوسف: شتك عيطتي ليا ،ياك لبااس؟
احمد ضار شاف فيه كايضحك ،او رجع شاف فسكينة هضر معاها بعينيه باش تنوض من حداه.. ناضت سكينة او هي فرحانة حيتاش احمد حن قلبو عليها هزات كاس اوغادة كضحك عند صحباتها باش تعاود ليهم اش طرا ..
احمد قرب ليوسف او بدا يضحك
احمد: هههه شتك بحالا نسيتي خووك
يوسف ستغرب من هاد سؤال ،بقا كايفكر او رجع شاف فيه
يوسف: اش نسييت؟!
احمد: هههه نمرة ديال خت كوميسير فيناهيا
يوسف خرج عينيه بصدمة او كايضحك
يوسف: ههههه لا متقولهاش ،باقي كتفكر فييها
احمد: هههه فكرني فسميتهاا
يوسف: هههه صابريين
احمد سمع سميتها او هو يحس بواحد الهرة فكرشوو ، جبد دغيا تيليفونو او عطاه ليوسف
احمد: كتب ليا اسنطا ديالها
يوسف شد تيليفون او بدا كايكتب فكونط ديال مريم او رجعو ليه
يوسف: هههه عندي غير لكونط ديال صاحبتها،
احمد شد تليفون ،او عينو جات على واحد تصويرة كانت لايحاها مريم ،كانت مصورة فيها هي و صابرين سيلفي، كانت فديك تصويرة صابرين كالسة حداها او كضحك او دايرة جوج بيديها، زوما على تصويرة او كايتفحص ملامحها ،عجباتو بزاااف، بقا كايقلب على كونط ديالها فكونط مريم ملقاهش او بأحرى ملقا حتى صديقة فكونط مريم بسميت صابرين ، سكرينا تصويرة او رجع تيليفون فجيبو ،او رجع كايشوف فالبحر
يوسف فتلك اتناء كان كايلاحظ احمد كيفاش كان وجهو فاش شاف تصويرتها ،،حس بالزعيم ديالو مهتم بهاد بنت او عرفو بلي غايكون طاح فيها ،حيت عمر احمد مسولو على شي بنت اولا كان مهتم بشي بنت تالهاد درجة باش يدخل يقلب على كونط ديالها او خصوصا فاش شافو سكرينا تصويرة تأكد مزياان بلي صاحبو بدا كايحب
يوسف: ههههه مكايسحابليش بلي مهتم بيها تالهاد درجة،
احمد ضار شاف فيه او سولو باهتمام
احمد: هههه اش كتعرف علييها
يوسف ضحك او شاف فسكينة
يوسف: درية بنت دارهم ،صعيبة القاضية اعشيري هههه
احمد:هههه ماصعيبة واالو،ضبر ليا على نمرة او نوريك
يوسف: ههه انا عارفك فاش كدير شي حاجة فراسك مكتزكلهاش ،غير لله يحفظ او صافي هههه
احمد: ههههه ايوا اش غدير، خوك عجباتو ضروري متكون ليه ههههه
يوسف ستغرب من هضرتو او بدا كايضحك او فنفس الوقت بغا يقلقلو
يوسف: هههه اول مرة غتحكر على شي بنت " غمزو* يكماا بديتي كتبغيها (قاطعو احمد)
احمد فهم اش بغا يقصد ، ضحك او رجع شاف فالبحر
احمد: هههه لا لا منضنش
احمد سؤال ديال يوسف بقا كايدور ليه فراسو،او ستغرب علاش رتابك من الداخل فاش سمع سؤال، كان عارف بينو او بين راسو بلي هدا ماشي غير اعجاب او صافي ،شي حاجة ما كتر،
احمد ديك ليلة مكانش على طبيعتو بالمرة ،بقا غير ساهي او فرحان بينو او بين راسو، ما شطح ما ضحك ما شرب ،اي بنت شافها كتشوفيه كايطنشها، غير كايكمي اوكايتلدد بشعور لي كايحس بيه او مرة مرة كايجبد تيليفون باش يشوف تصويرتها، بقا على ديك الحال حتى بدا كايجيه نعاس، ناض من بلاصتو او خلا سكينة او مشا لدار ينعس.
يتبع...
بقلم ساندي🌸
أنت تقرأ
🌹 هيام ما بين الغفران و الانتقام 🌹✨( بداريجة المغربية)✨
Romansaرواية خاااترة حب ❤️🔥 او رومانسية 🥹✨ القلب غايتحرك ليك فيها 💗 او خالية من سفالة الخامجة❌( فيها شوية مي ماشي ديك المعيقة) البطلة غطيح فولد دربهم 😍( بزنااز كلااص ياختي ) ، رواية مختااالفة عن اي قصة ديال تبزنيز لي كتعرفي، فكرة مكايناش فسووق نهائيا...
