❤️ عند احمد❤️
احمد يلاه غايتقلب لجهة اخرى باش يكمل نعاسو او هو يقفز من صونيط ديال تيليفون، هزو من كوافوز حل عين عرف شكون، او هو يجاوبها
احمد: وي الواليدة ؟؟
تورية: واحد سلاام علييكم، اتا فيين غاابر اداك المسخووط
احمد عرفها تورية بدا كايضحك
احمد: هههه فيين لبااس ؟
تورية: كولنااا لبااس، اغيير مك لي ماشي لبااس
احمد توكض او ناض من بلاصتو
احمد: علاااش،ياكماا واقعة شي حااجة؟
تورية: لاا مااوااقع واالو، اغير شااطنهاا او مخليها مخلووعة عللك، وااش مابغيتيش تحشم تا رجع لداار شوف ممك.
رجع تكا بارتياح او كايضحك
احمد: هههه وللهما كرهت نرجع من دااباا، راها عاارفة بلي خدمة هي لي مزيرااني
خديجة تعصبات بدات كتهضر بشوية مع فاطنة
خديجة: شتي اش قلت لك راه مايبغييش
تورية غمزات خديجة باش تسكت او رجعات هضرات معااه
تورية: اشووف ،غنقوول لييك جووج كلماات ياا غتجيي نشوفووك ولا نقطع معااك الكلاام، رااك عاارفني مزيااان ايلا تعصبت.
فاطنة وقفات تنقية أو شافت فتيليفون
فاطنة: عفااك اولدي ماجيي، دير غير بوجهي، او منها نيت حضر لعرس ديال عتمان،
تورية: خوالاتك بجوج كايطلبو فييك ،مترجعهاش فوجههم، جي نشوفووك ههه.
احمد تعصب ، او قاطع تورية
احمد: تورية لله يحفضك بلاما تبززي عليا شي حاجة،كون لقيت الوقت واللهما تلقايني هناا،
خديجة كانت كتسمع لخواتاتها حتى بدا كايرجع فيها داك الامل انه يقدر يرجع ، او هي تصدم بكلامو خطفات تيليفون من يد تورية او بدات كتغوت عليه بدوون شعوور
خديجة: سممع ادااك المسخووط جووج كلماات غنقوول لك، راااك قهرتييينيي لله يعطييك موصيييبة، يا غتجييي غدااا ولا مانتا ولدي ،ما اناا مكك. صافييي دييك خدمة خررج منهااا او رجججع فحالااتك، انااا دووييت معااك دااباا ، (يلاه بغات تقطع او هي تغوت عوتاني) وحرررربووش الااا مجيتييش.
خديجة قطعات تيليفوون او خلات احمد كايتغدد غير بوحدوو، عاود عيط ليها بعصبية او هي تقططع علييه ،خبط تيليفون فالارض ، عصبااتو هضرتهااا، ناض جبد كارو بدا كايكمي فيه كايحاول يتهند او كلاام مي خدييجة مزال كايزنز ليه فراسو، حاااول انه يتهدن مي مقدررش، بقااا كايفكر وااحد المدة ،جبد تيليفون عوتاني من ارض عاود عييط علييها مبغاتش تجااوبش، قطع بعصبية او رجع عيط على توورية بقا كايتسنا شي دقيقة عااد جاوبااتو
تورية: الوو اولدي، ومدييش على ممك ،راها غيير مخلوعة عللييك، غير المعزة هي لي دوااتهااا
احمد حاول انه يتهدن او هضر بنبرة حادة
احمد: سمعي قوليها غداا نكوون عندكم.
تورية: شوف ا ولدي احمد ايلا كانت هاد المجية غاتجبد لك صداع مع خدمة غيير بلااش
احمد كان معصب تاسمعها اش قالت ضحك بدون شعور
احمد: هههه تا جبدتي ليا صداع معاها، عاد كتقولي هاد الهضرة
تورية : هههه، ورااك عارف بغينااك تجي نشوفوك، راه العائلة كولها توحشاتك هههه
احمد سمع صحابو دخلو عندو، طل عليهم او رجع هضر معاها
احمد: ههه واخا ، ،يلاه نخليكم ،تالغداا
تورية: سيري ا وليدي لله يرضي عللك ،بسلاامة
يتبع...
أنت تقرأ
🌹 هيام ما بين الغفران و الانتقام 🌹✨( بداريجة المغربية)✨
Romanceرواية خاااترة حب ❤️🔥 او رومانسية 🥹✨ القلب غايتحرك ليك فيها 💗 او خالية من سفالة الخامجة❌( فيها شوية مي ماشي ديك المعيقة) البطلة غطيح فولد دربهم 😍( بزنااز كلااص ياختي ) ، رواية مختااالفة عن اي قصة ديال تبزنيز لي كتعرفي، فكرة مكايناش فسووق نهائيا...
