🌹 هيام ما بين الغفران و الانتقام 🌹✨( بداريجة المغربية)✨

Part 37 saison 2 🌹

🌹 رواية بغيتك من اول نضرة🌹

كان  غسان كايتصنط ليهم لا غير مهاموش تهديد ولا حوار لي ضاير بيناتهم، كايتصنط او سلام، حتى فجأة قرر يدخل معاهم فالخط فاش شاف الخدامة وصلات لعندهم او حطات ليهم جوج كيسان ديال قهوة، شدها من دراعها قبل ماترجع فحالها او نطق مع علي او كايضحك 
غسان: انا قابل او ندير لي فجهدي باش نجيبها لك ولكن بشرط هههه
شاف فيه باهتمام او معلابلوش بخدامتو لي كتقفقف حداه، دوا بلهفة او ناوي يلبي ليه شرطو غير يقول ماعندو
علي: شنوو؟
شاف فالخدامة بضحكة  او رجع شاف فيه
غسان: ههه تشهيتها او بغيتها فهاد صباح عطيها ليا ، او كنواعدك  درية ديالتو تكون عندك قبل مايكمل العام
قالها غير هكاك ، كدب عليه او  مناويش يوفي بوعدو معاه، بغا غير يغريه بوعدو  باش يقبل و يعطيه خدامتو

علي شاف فخدامتو او بدا كايتشاور معاها بعينيه ، باينة فيه قبل شرط او كايتسنا غير موافقتها، مستعد يضحي بحياة اشخاص كتيرة او ماشي غير خدامتو ، همو فقط  احمد يتكوا فقلبو او تأرو ياخدو ، .. نطقات وسط ترعيدتها كتشوف فيه او كتبكي حسات بيه بغا يعطييها ليه خاافت او ب لا لوجهها دارت
الخدامة: سيدي لا عفااك مبغييتش
متسوقش ليها او نطق مع غسان
علي: او انا اش ضمن ليا بلي غتجيبها
ضحك او بشوفات جادة نطق
غسان: ما عندك ما ضمن فيا، ما علك غير تييق فيا او تساخر لوور ههه
هضرو تا شبعو او خدامتو رجعات فحالها الكوزينة امنها قدامهم بلي تاحد مغايقرب ليا او هو فخاطرو ناوي يغدر بيها، عطاه الموافقة باش يدير فيها ما بغا غير يصبر معاه يسالي شغلو مع عصام و ينوض يهضر معاها و يقنعها باش تكون معاه.
من بعد معاناة ديال اقناع، علي كايقنع فعصام باش يجيب ليه البنت من ورا عام او عصام كايقوليه مايمكنش او داكشي لي بغيتي شي حاجة مستحيلة ممكن توقع فهاد العام بضبط  ،او فأخر المطاف  عصام وافق بزز منو  خلعتو تجاه احمد كانت مسيطرة عليه او تهديدو لي عاطيه علي غلب عليه.
ماشافش راسو راه غايعاود يغدر زعيمو للمرة تانية ، همو الوحيد غير خبار سرقتو ماتوصلش ليه هاد ساعة، جمعو نوضة او علي  رجع ليه سلعتو كاملة فخنشة بيضة او قبل مايتحركو و يفرتكو المجمع نطق معاهم او هو دافع 90 مليون لي فطبلة  كلها لجهة عصام
علي:  عربوون صداقتنا
عصام او غسان شافو فبعضياتهم او ضروسهم بانو من الفرحة، خارجين من صفقة رابحين او ماشي خاسرين، شي حاجة متوقعوهااش او فرحتهم باانت فعينيهم قبل ما يهضرو.
  او بلاما يشعر عصام سلم على علي من يد او عاطيه الموافقة بهاد الحركة بلي ممكن يكونو اصدقااء او عشران من هنا القدام .
اما غسان فتلاح على 90 مليون بدا كايرجع فيها فالخنشة الكحلة او كايضحك، فرحتو مدويااه او معارف اش كايقول
غسان: هههه سااط،، نعس على جنب راحة ،، درية غتوصلك  تالباب دارك ههه
باعو حب قلب احمد بتمن رخيص  او تمو خارجين بسلعتهم او بفرحتهم، غسان صيفط عصام مع سلعتو او فلوسو او خلاه يمشي فحالو  اما هو رجع لفيلة كايتسنا علي فجردة يعيط عليه .... دخل كايقلب على الخدامة فالكوزينة او كايعيط بسميتها
علي:  رحااب
كانت الفوق فبيتو كتجمعو او كتخملو ، غير سمعات سميتها خرجات من فمو  خرجات كتجري لعندو او كضحك، وصلات  او نطقات معاه بابتسامة او هي ناسية الموضوع ديال قبيلة
رحاب: نعام اسيدي ههه
عنقها من الجنب، باسها فحنكها او ضحك، ناوي يرطبها او يخليها توافق على طلبو
علي: ههه كنقول لك ديما ماتبقاايش تقولي ليا سيدي
ضحكت بخفوت او نطقت
رحاب: ههه غير ولفتها او صافي
شاف فيها بابتسامة او الفرحة باينة فوجهو، قاليها الخبر او عينيه كايشطحو بسعادة
علي: الحساب لي كنت كنتسناه يتخلص فخمسنين ،  هاد العام غنشد حسابو ههههه
شافت فيه بصدمة او فرحانة لييه
رحااب: واايليي ماتقولهااش، لقيتييهااا !!! هههه
يتبع..بقلم ساندي🌸