🌹 هيام ما بين الغفران و الانتقام 🌹✨( بداريجة المغربية)✨

Part 9 saison 2 🌹

💗 قصة بغيتك من اول نضرة💗

❤️ عند مريم او امال❤️
بدلو حوايجهم او لبسو بيجاماتهم او مشاو تخشاو فبلاصتهم، كل وحدة عطات  لخرى بضهرها او بداو فنكيرهم عوتاني على بعضياتهم كايطيبو بيه نعاسهم
مريم:  لله يعطيك موصيبة ا امال قولي اميين،  طريقك فيها غير المصايب، اخر مرة نسمع لهضرتك
امال( بعصبية): صافي سكتي، غاتزيدي كلمة وحدة غنوض نبرد فك غدايدي
جمعت الوقفة بعصبية او ضرباتها بمخدة لراس بدون شعور
مريم: نتيي لي غتسكتيي، حادكة فيا غيير اناا فتخراج دوك عينين، مالك مخرجتييهم فيه هوو ،( رجعات تكات فبلاصتها بعصبية) خليتي العديان يتشفاو فينا تفووو
ضارت عندها مغزفة او عينيها خارجيين
امال: نخرج فيه عينيا ، بااش نحسب سناني قداامو، مشتيهش فواحد لحضة كان بغا يشنق عليياا
مريم تفكرات البلان جاتها ضحكة بقات حابساها تاطلقاتها ليها فوجهها
مريم: ههههه، عبر على مك ، تي لي باركة تستحمري فيه ، صافي شتيه كايقطع فديك الكسوة خلييه، لاش كتقولي ليه راها سخوونة ديال البرد هههه
امال حتى هي جاتها ضحكة ، ضحكت بدون شعور
امال: هههه، نااري وللهتا بقات فيا ديك الكسوة، زويينة او باقة جديدة يا حسرة ، عمرها مالبسااتها اول مرة ههه
مريم: هههه صافي سكتي او خلينا نعسو، غدا تبعاني تمارة خرا ديال خدمة، ( بتغوبيشة) اش دااني نخدم فصباح، وللهتا ندمت
امال: باااز للك اختي ، كتخدمي من 8 صباح تال 8 العشية  . واش مكتعيايش
مريم( بألم):  ايوا ضروف لي حكمت عليا، على انا كرهت نبقا ناعسة بحالك تال 4 عشية ههه
حلات عينيها بالفرحة
اماال: ههه احح فكرتيني غدا غنصبح ناعسة ، مكاينش داك شارف ديال با لي غايفيقني
مريم( بعصبية) : و جي بكري الخريية، راه كنبقاا نتسنااك غير امتا تجي باش تونسييني، ديك المعقدة لي معايا، ماكتبغي كاع تهضر  او انا فمي كايبغي ياكلني فاش كيبان ليا شي تيتيز هههه
امال: انشاء لله، اصلا باغة نفيق بكري غدا ، نمشي نشوف صابرين، عاد ندوز نخدم
مريم(بإستغراب): و علاش؟!، تسنايني حتى نمشي انا وياك فاش نساليو  الخدمة
امال: لا من مور لخدمة غنطلع لدار ، من شحال هادي ما طليت عليهم، او نضور مع ماما ، (بتغزيفة) داك القمار عوتاني خلاها عال ضس
مريم( بعصبية): ادييك الخرية، ماتبقاايش تعاايري بااك، حشوومة  راه خاصك تحمدي لله علييه  ( سكتت او نطقت بتغرغيرة) كاين لي باغي غير يسمع غوتو مالقاهااش
حسات  بصحبتها او تنهدات معاهاا، وساتها او ربتات على كتفها، طيبات ليها خاطرها او باش ضحكها او  ترجع ليها تبسيمة فكراتها فلاحدات ديال العشية لي دوزوهم مع احمد، دار ليهم واحد شوهة او خلاها ليهم فتاريخ، حشمهم مع الفرمليات او شفا فيهم العادي او بادي، ندمهم على ديك الكسوة لي لبسوها ليها او خلاهم ياخدو قرار بينهم او بين نفسهم بلي عمرهم مايبقاو يلعبو معاه هاد لعب.
امال نسّات مريم فغبينتها او 
رجعو تخشاو فبلاصتهم او كايضحكو على راسهم، طوال سكاتهم، مريم غمضات عينيها او حاولات تنعس او امال مزال حالاهم ساهية فضلام الغرفة او بدون شعور لقات قلبها كايفرفر فاش تحسسات افعال احمد لي كايديرهم مع صابرين، تنهدت بدون شعور او طلبات لله فخاطرها باش حتى هي ربي يرزقها او يعوضها بشي راجل بحال احمد،  بعد المرات كتلقا راسها كتفكر فيه بزااف لكن دغيا كتسغفر مولاها او كتحاول تحيد عليها هاد الافكار شيطانية، او ديما كتقنع نفسها بلي احمد ديال صابرين او عمرو ما يكون ليها ولا فاحلام و واخا يتفارق مع صابرين من هنا لقدام او كل واحد يمشي فجيه فراه كايبقا دري لي بغاتو او حماقت عليه صاحبتها او ختها.
بدات كتبغيه ولكن غير فسرها او دايرة فبالها بلي عمرها ماتقرب ليه ولا تضور بيه، او حتى شوفة هي لخرة حارمة راسها منو او مكتحاولش طول فيه شوفة، احتراما لصاحبتها او احتراما ليها هي نيت مابغاتش تشوف فنفسها بلي كتغدر فصاحبتها، او دايرة كل ما فجهدها باش عقلها يخوا منو او ماتبقاش تفكر فيه، كانت ساهية فحايحتو لي دار معاهم هاد العشية ،، ديك دفعة لي دار   لمريم بعصبية جهة صابرين باش تبدل ليها ديك الكسوة، خلاتها تشوف فيه  غيرتو او حبو لصاحبتها فعينيه ، غمضات عينيها او حاولات تخوي راسها منو او بدات كتطيب فنعاسها  حتى كسر سكون الغرفة صوت مريم لي نطقات
مريم: امال ؟
امال: اممم
مريم: نعستي
امال: و راني جاوبتك الخرا ، راه باينة مناعساش ههه
مريم: ههه كنت كنفكر تا طاح عليا واحد سؤال؟
امال(بإستغراب): اما هو؟!
مريم( بتساؤل):  زعما يكون بصح احمد كايبغيها ؟ ماشي غير طالقها
تصدمات من سؤالها مكانتش نهائيا متوقعة غتسولو ليها، ضحكات بدون شعور او نطقات
امال: هههه غير  هاد شوهة لي دار لينا هاد نهار راها كافية باش تعطيك جوابك هههه
مريم ( بقلق): خفتو   لايضحك عليهاا و لله، فاش قلتي ليا حصلتيه كايشوف فطرامي خلعتيني، باينة فيه عينو زايغة
امال( تنهدت): حتا نتي راه عادي ، رجالا كااملين فيهم هاد قاعدة  ماشي غير هو هههه
مريم : ههه و اللهما كدبتي ، ( سكتت او نطقت بخوف)  اش بان لك ا امال  ممكن يتزوج بيها من هنا القدام زعما؟!
امال( فكرت بعمق او نطقت بتشكيك):  كنضن بلي ممكن تكمل علاقتهم بزواج، زعطة كتبان ليه فعينيه
مريم( بنغزة فقلبها): انا مكنضنش ، نجيك صاارحة
امال(تقلبت لجهتها بإستغراب): و علاش بسلامة؟!  
مريم( بقلق): معرت، انا كايجيني بلي واحد بحالو   مستحيل  غايبغي يكمل حياتو كاملة مع ( سكتت لتواني  او شافت فامال بتوتر) مع وحدة مغتاصبة
امال دخلات معاها الصهدة او كلام مريم نغزها فقلبها، حاولات تهدن الجو لي تخلق فيه القلق بيناتهم او نطقات
امال: لا منضنش، هو اصلا عارفها مغتاصبة من ديبار او مزال لاسق فيها، كون كان باغي غير يتفلا مغاتلقايهش كل نهاار عندهاا.
يتبع...
بقلم ساندي🌸