ايمان: زيدي دخلي ، هانتي دوشي على خاطرك ،راه كولشي قدامك، هزي لي بغيتي من لي برودوي متحشميش ،او هاهو البينواار
خرجات ايمان ،او صابرين حطات الحوايج فوق واحد الكرسي صغير ديال الحمام ، كان الحمام زوين او ديال الهااي، او عامر بلي برودوي او روايح ،كاع داكشي لي كايخص البنت فدوش كااين ،من الوجه تال رجليين ، جرات واحد المجر ،لقاتو عاامر بالماكيااج او غير لي مارك،
بدات كتحيد فديك البيجامة نايحة او حيدات سوتيماات او دخلات الدوش بقات كتسنا حتى سخن او هي دخل بقات تحتو واحد المدة غير كتكمد فعضامهاا،مكدير والو غير واقفة او ساهية او مستمتعة بديك سخونية شححاال هادي محسات بهاد الاحسااس،و بدون شعور دموع بدااو كايخرجو غير بوحدهم المشاعير تخربقو معرفات علياش تبكي واش على موت مها و خوها ولا على داكشي لي طرا فدار خالها ولا داكشي لي طرا ليها مع شمكاار ولا على وحش صحباتها ولا على راسها لي لقات راسها وسط داار الهااريبات، بقات غير كتبكي حتى تهدناات، جبدات شومبوان غسلات شعرهاا مزيااان ،حيت كان موسخ من شحال هادي مشاف شومبوان كان كايتغسل غير بما بارد.
❤️ عند البنات لي فالبيت❤️
يسرى او هدى شادين تيليفون او كايتحتو ،او حتا ايمان معاهم كديماكيي او شادة نميمة معاهم
يسرى: هاد البنت باينة فيها بنت داار، ولاهتا حرام على عاايشة ،باغة تخرج على البنت
هدى: ااه هادشي لي باان ليا تا انااا ، سبحان لله فيها واحد البراءة فشي شكل
ايمان: لاحضتها فيها تا انااا، عاايشة قالت ليا منعطيها لتا كلياان ،يمكن باغة تبيعها لشي حد
هدى: لا لا منضنش عايشة ماديرهااش.
يسرى' ايوااا حضي مع البنت ،انا ماشي شغلي فيهااا، نتي لي غاتحملي مسؤوليتها
❤️ عند صابرين❤️
سلات صابرين نقاات رااسها مزيااان ،لبسات واحد سوتيماات بدونطيل بالغوز فاتح او سترينك ديالو ،معرفاتش كيفاش تلبسو فلول بقات مضاربة معاه حتى لبساتو،او من بعد لبسات بيجامة عبارة عن شورط قصير فوق الفخاد او بيل ديالهاا،نشفاات راسها بشيشوار او جمعات دوش قداتو مزياان او هزات حوايجها المسخين او خرجات متاجهة لبيت ايمان جلسات فطرف ناموسية كتسنا فايمان تجي لعندها . ما هي ايلا دقاءق قليلة دخلات عندهاا ايمان او هي مبتاسمة او كتشوف فيها باعجااب
ايمان: هاي هاي ،دبا عااد،بنتي ليا بنت ،قبيلة كنتي كتباني بحال شي بوهالية هههههه
صابرين ضحكاتهاا
صابرين: ههههه، تأنا تخلعت فاش شفت راسي فالمرايا فلول
ايمان مشات كتقاد ليها فشعرهاا
ايمان: هههه ايوا هانتي يختي ،منزيناتك بنت(غمزاتها)، نتي خاصني نضبر لك فشي سعودي ملعق نتي ماشي ديال اي واحد ههههه
صابرين تخلعات او بدات كتضحك بتوتر
صابرين: هه ههه لا ،راه هضرت مع عايشة او تافقات معايا غير على مينااج او طيااب
ايمان : هههه غير ضاحكة، نتي دابا وليتي تحت حمايتي ،كوني مرتاحة تاحد مغايقرب ليك ، ...اااه حكااا فكرتيني على بروغرام
ايمان جلسات حداها او بدات تشرح ليها
ايمان: المهم بروغرام ديالك،راه سااهل ،كيف قلتي غير مينااج، غتحاولي تفيقي فصباح ،تجمعي روينة ،او حنا مكنفيقو تالديك 1 ، طيبي لفطور ،راه كولشي موجود فكوزينة ،مع ديك 18 كنتغدااو ،ايوا صافيي لعشاا ،قليل فاش كنكونو مجموعين كاامليين، غتبقاي غير مع وحدة فينا او اغلبية الوقت كنكونو خاارجيين ،ولا كليان كايجيب العشااا،. ديري داكشي لي قديتي علييه متبزيش على راسك خاص غير تكون دنيا مجموعة ،.
صابرين شافت فيها بابتسامة
صابرين: ههه صافي كونو هانيين ،غدا فصباح غتلقااو دنيا نقية او الفطور وااجد
ايمان حتى هي بادلاتها بابتسامة او مشات كتبدل بحوايجهاا
ايمان: نعسيي،ايلا بغيتي تنعسي ،انا شوية او نجي نعس حدااك ،حتى انا عييت هاد نهاار، او عايشة زااد كملاتت عليا ههههه
صابرين : هههه واخا ،عفاك واخا تديري لي غيفاي على 8 باش نفييق؟
ايمان لاحت ليها تيليفونها
ايمان: هااكي ديريها او حطيه فشارج قريب يطفا
صابرين شقمات تيليفون ،دارت غيفيي على 7:30 ،او حطاتو يتشارجا ،مشات كتقاد فبلاصتها ،حيداات الحوايج لي كانو فوق نموسية او تخشات كتشوف فايمان كتبدل ،تسناتها تا خرجات او طفات عليها ضو عاد غمضات عويناتها، بقاات لمدة قليلة ،كطيب فنعاسها تا نعساات ،
و اخيراا سلات هاد ليلة بسلاام.
يتبع....
أنت تقرأ
🌹 هيام ما بين الغفران و الانتقام 🌹✨( بداريجة المغربية)✨
Roman d'amourرواية خاااترة حب ❤️🔥 او رومانسية 🥹✨ القلب غايتحرك ليك فيها 💗 او خالية من سفالة الخامجة❌( فيها شوية مي ماشي ديك المعيقة) البطلة غطيح فولد دربهم 😍( بزنااز كلااص ياختي ) ، رواية مختااالفة عن اي قصة ديال تبزنيز لي كتعرفي، فكرة مكايناش فسووق نهائيا...
