💔 عند يوسف او سكينة💔
يوسف دخل وسط ديك جوقة او جر سكينة خرجها من زحام او داها لبلاصة خاوية
يوسف: تي مالك دايرة هاد الحايحة يااك لباااس
سكينة شافت فيه او تغرغرو عينيها حساات بالغدر حيت كان حتا هو عشيرها
سكينة: يااك محرامش علك ،مخليه يبيدقني هادي هي صحبة عندك
يوسف حاول انه يقنعها بلي مفخبارو والو ،ولكن سكينة متاقتش بيه حيت كانت عارفة بلي احمد او يوسف علاقتهم قوية مكايخبيوش على بعضياتهم بقات كتغوت او يوسف جاتو ضحكة مقدرش يحبسها
يوسف : ههههه او انا مالي كتغوتي عليا ، نتي عارفة بلي منقدرش ندخل فاحمد فعلاقاتو شخصية ، صافي تقبلي الأمر او هادشي راه ماجديدش علك اولا ؟!
سكينة عصبها يوسف ، محملاتوش يقول هاد الهضرة تغرغرو عينيها ضارت كتقلب على احمد باش تمشي لعندو، بان ليها كايضحك معلابلوش او كايتحتت مع دراري تمات غادية عندو بعصبية او دموع فعينيها ،يوسف شافها بديك الحالة حبسها مخلهاش تمشي لعندو
يوسف : منيتك ،راه معصب، غديري ضحك فراسك ، قلبي عليه هاد ليلة من بعد او دويو
سكينة دفعات يوسف او تمت غادية لعندو
🙂 عند مروان او احمد🙂
مروان قشع سكينة جاية لجيهتهم ،نغز احمد لي كان داوي مع صاحبو لي حداه
مروان: ساط راها جايا ،هرب ههههه
احمد هز عينيه بانت ليه جاية جااعرة ، هز كارو شعلو او بدا كايتعصب
احمد: وقلنا ليوسف زعما ،بلي مايجيبهاش ليا،
مروان كايشوف فسكينة : لله يدوز هاد ليلة على خير ،انا غنهرب تصدق ضارباني ههههه
مروان هز كاس الويسكي او ناض كايضحك مشا عند يوسف داز من حداها عطاتو شوفة كتخلع او مشات وقفات قدام احمد مربعة يديها او عينيها كايسيلو بدمووع
سكينة: صافي هادو هوما فعيلك،
احمد تعصب فاش وقفات عليه ديك وقفة ،شاف فيها بتخنزيرة او شير ليها بعينيه باش تكلس حداه
احمد: كلسي
سكينة شافت فيه او هي تكلس معاوداتش معاه الهضرة لكن باقة معصبة او كتسنا جوابو هضرات معاه بعصبية
سكينة: يلاااه دوييي اش عندك ،اينا مبرر غتعطيني عوتاني ،بلي راها بحال ختي ااا
احمد شد ليها قرفادتها او جرها لعندو بعصبية
احمد: دوي بشوية
دار عند دراري لي معاه قاليهم ينوضو من حداه بغا يدوي معاها ،ناضو دراري خلاوهم بجوج ،رجع شاف فيها كما كارو او طفاه
احمد: تي مال مك دايرة هاد حالة كااملة ، مكايسحابليش قبيحة تالهاد درجة ههه
سكينة زادت تعصباات بهضرتو لي كانت باردة ،حسات بيه بلي معلابالوش ،هضرات معاه بعصبية او كتغزز فسنانها او عينيها كايدوزو بدموع
سكينة: احمممممد قووول ليا اش بينك او بييين ديك القحبة
احمد جاوبها ببرود او الكارو ففمو
احمد: صاحبتي ، زيد شي سوال اخر
سكينة تصدمات من جوابو ،بقات مصمرة فبلاصتها ،جوج دقائق او هي غير كتشوف فيه ،مامسوقش ليها كايشرب او كايتسناها تهضر ،زادو تغرغرو عينيها او عاودات سولاتو او هي مربعة على يديها كارزة عليهم بالعصاب
سكينة: او انا بسلامة اش كنجيك
احمد جاتو ضحكة
احمد: هههه حتا نتي كتجيني صاحبتي هههه
يتبع...
بقلم ساندي🌸
أنت تقرأ
🌹 هيام ما بين الغفران و الانتقام 🌹✨( بداريجة المغربية)✨
عاطفيةرواية خاااترة حب ❤️🔥 او رومانسية 🥹✨ القلب غايتحرك ليك فيها 💗 او خالية من سفالة الخامجة❌( فيها شوية مي ماشي ديك المعيقة) البطلة غطيح فولد دربهم 😍( بزنااز كلااص ياختي ) ، رواية مختااالفة عن اي قصة ديال تبزنيز لي كتعرفي، فكرة مكايناش فسووق نهائيا...
