🌹 رواية بغيتك من اول نضرة 🌹
الجزء 6 ❤️ من الفصل تالت 🥀
❤️ عند صابرين❤️
بغات تهرب و مقدراتش تخطي خطوة هي لخرة من فوق سرير ..بكل بساطة معندهاش الجرأة حتى باش تشوف فعينيه..بقات وسط ضلام كتعارك شيطانها لي كايخلعها و كتحاول تهدن فنفسها..بغات تكون قوية فهاد الموقف و لكن مقدراتش بالمرة.. بمجرد التفكير فيه كان قلبها كاينقز من خوف و دموعها كايهبطو شلال برجفة..معرفات مادير بقات غير متكية وسط ضلام و كدمع... باغة غير تهرب و هدا هو الهم الكبير لي كان شاغر تفكيرها طول المدة و بسبتو تناسات وجهها لي كان كايعكرها...
بدات كتحسس فرجها و كتقلب راسها وسط ضلام بتركيز تام و كتبكي ، كانت خايفة لايكون حتى هو غتاصبها فوسط غيبوبتها و هي ماجايبة خبار...عيات ماتقلب بيديها و كتبكي حتى بدون شعور قفزات من بلاصتها و تكمشات.. فاش سمعات الباب تحل عليها .. دموع زادو هبطو بدون موافقتها بخوف و رجليها و يديها زادو من وتيرة تقفقيف.. .. عينيها بقاو مفيكسيين فوسط ضلام على شخص لي تم جاي لعندها ..و يلاه بغات تنوض من ناموسية تهرب عليه.. حتى سمعات صوت مرا كتهضر مع شي حد و شافت ضو شعل عليها..بقات مكمشة فبلاصتها كدمع و كتشوف فالمرا باستغراب و بخووف..كانت خديجة لي دخلات و بكترة الخلعة معقلاتش عليها و معرفتهاش شكون..اما خديجة غير شافت صابرين فاقت بتاسمات ليها لا اراديا و تمت غادية لعندها
خديجة( بارتياح): مسا الخير النعااسة ههه .. ، يلاه لقيتيني جاية نفيقك خلعتيني علك ههه
مشات وقفات ليها على راسها كضحك و فرحتها فعينيها فارشاها، و يلاه بغات تفحصها و هي تراجع ، شافت صابرين دموعها هابطين و باينة فيها مخلووعة ، جلسات حداها و عنقاتها ديك ساعة بدات كتمسح ليها شعرها
خديجة: بسم لله علييك ابنتي متخافيش.. هادي غير اناا
كانت صابرين فحضن خديجة و عينيها كايضورو فالفراغ بإستغراب و كايفكرو فحيرة " هادي منين جات؟ او شكون هي ؟ " اسئلة لي كانت باغا تعرف و حارت باش تعرف الجواب .. لكن غير ربطات المرا باحمد .. لقات راسها مفكراها فيسااع و عرفاتها مت حبيبها، رجعات عنقاتها من خصرها بتزييرة و كتبكي بخووف..قلبها ترخف و فرحااات ..شافتها طوق نجاة و بقات متمسكة بيها باش تعتقها
صابرين( بصوت مخلط بالبكا ): عفااك ا خالتي ما خرجيني من هنا ،، لله يرحم لك الواليدين
حيداتها من حضنها و بدات كتمسح ليها فدموعها و كتطبطب ليها على يديها كتهدنها
خديجة( بجدية): معندك فين تمشي احبيبتي دابا، صبري حتى تاكلي بعدا و تزيدي ترتاحي ( شافت فيها بشفقة و قاست وجهها. تنهدات بقلب مكسور و دوات) ..فين باغة تخرجي ابنتي بهاد الوجه.. مزال تا ماتفش
جمعات الوقفة ديك ساعة ببكيتها و كطلب فيها بعينيها و كترجف،، كطلب فيها بشوية و خايفة لايسمعها
صابرين: عفااك اخالتي ، ماخرجييني دابا، مابغييت لا ناكل ولا نرتااح بغييت غير نخرج ( كطلبها و فنفس الوقت كتشوف مرة مرة فالباب بخوف كانت كتسناه فاي لحضة يبان و هادشي غير مكان كايزيد يخوفها ) كنطلبك اخالتي لله يرحم بااك ما خرجيني ، ما بغيت واالو عفااك
شافتها مخلوعة و غير مزادت تخلعات عليها،ناضت عندها بدات كتهدنها و كتحاول ترجعها لبلاصتها و فنفس لوقت باغة تراضيها
خديجة( بحنية) : و علااش مخلووعة ، راني بحال ماماك متخافييش مني ( جلساتها بزز فناموسية) و هانتي جلسي بعدا و صبري بيما كليتي و رجعتي فك نفس واحد شوية راكي مواكلة واالو نهار كامل ( بابتسامة) بيما نيت ما جا احمد يشوفك و يوصلك راه ليل علك دابااا
غير سمعات سميتو و هي تنوض بلا هواها كتبكي و كاتبوس فيدين خديجة و كترغب ، و بدون شعور ب لا كانت كدير يديها و كتهضر
صابرين: لا لا لا، لله يحفضك اخاالتي، ما خرجينيي ..( برجفة) مابغيتووش عفااك( نوضاتها من بلاصتها بلاما تحس من شدة الخوف لي تملكها و كتهضر) يلاه دااباا قبل مايجي لله يرحم بااك
يتبع...
أنت تقرأ
🌹 هيام ما بين الغفران و الانتقام 🌹✨( بداريجة المغربية)✨
عاطفيةرواية خاااترة حب ❤️🔥 او رومانسية 🥹✨ القلب غايتحرك ليك فيها 💗 او خالية من سفالة الخامجة❌( فيها شوية مي ماشي ديك المعيقة) البطلة غطيح فولد دربهم 😍( بزنااز كلااص ياختي ) ، رواية مختااالفة عن اي قصة ديال تبزنيز لي كتعرفي، فكرة مكايناش فسووق نهائيا...
