🌹 رواية بغيتك من اول نضرة🌹
❤️ عند صابرين و علي❤️
طولات فيه شوفة بتغوبيشة بغاتو يقلب الموضوع لكن شافتو مصر على جوابو، تنهدات و استسلمات ليه و بدات كتعاود ليه
، عودات ليه من لقطة فاش كانت مع نبيلة فسطح حتى لقطة فاش عيطات على امال، او كل حدت كان وقع ليها و كتقولو كتخرج معاه دمعة و كتمسحها بالخف بابتسامة، دوات تا عيات و علي غير كايتصنط و كايتغزف من الداخل ، و من ورا نص ساعة مزيودة احزانها خواات و سكتات ... خلات علي كايشوف فيها بغضب و بدا كايخاصم عليها
علي: شتي الحب فين وصلك
صابرين : ههه ايلا كنتي كتصحابني راني نادمة على ديك تقة لي تقت فالبنت ... فغنقول لك لا راك غالط منادماش... ههه، حيت بسباب ديك التقة خلاتو يعنقني ههه
خرج فيها عينيه بصدمة و هضر بدون شعور
علي: منييتك دااوية، بسبابو واقع لك هادشي و باقة كتبغييه
نطقات بلاموبلات و كدافع على مشاعرها
صابرين: اه باقة كنبغيه، هو مادار ليا واالو انا لي حمارة و درتها لراسي، ( تفكرات حاجة و بلهفة نطقات كانو عينيها كايبريو من الفرحة و نبرة صوتها فارشة سعادتها) و اصلا صدق معجب بيا و كايبغيني من فوق ( كتقلي ليه سم بفرحة و كطرطا فبلاصتها بحال درية صغيرة ) هههه ولاهتا بسبابو انا فرحانة و باغة نكمل حياتي، ههه .
بدا كايضحك و فرحان معاها
علي: هههه ايوا الحمدلله بعداا، خرجتي بشي نتيجة من هاد الموصيبة
ضحكات بدون شعور و نطقات
صابرين: ههه لله يخلف عليهم، بسبابهم عطاني ديك تعنيقة ههه
الكوميديا سوداء كاضور بيناتهم، كايشطحو على حزنها و يضحكو على موصيبتها، بغاو يقلبو المورال و مايبقاوش فالبكا، الموضوع تبدل و عشاهم تكال و سالا، جابو ليهم ديسير على شكل بان كيك بالكلاص معسل بشكلاط، صابرين طاحت فيه عمى بحكم كاتعجبها الحلاوة و كتموت عليها بقات كتلدد بصوت مسموع و مستمتعة بهاد المداق
صابرين: ههه امم هادشي بنيين
شافها مهاوشة عليه ،حط ليها طبسيلو و بدا كايضحك
علي: ههه زيدك تا هدا انا شبعت هههه
مقالتش ليه لا، بدات كضحك و غمزاتو، كلاتهم بجوج عاد رجعات بلور كتستراح، مسحات فمها من شكلاط و بدات كتشوف فتيليفونها لي محطوط فجنبها، رجعات شافت فيه بجدية و نطقات
صابرين: بان ليا بلي جا الوقت باش نعيط و لي ليها ليها ، نعفط على كرامتي واحد شوية بيما تقادات حياتي ههه
سولها باهتمام و ماباغيش يحرجها
علي: متأكدة بلي غتبغيك تسكني معاها انا منضنش صارحة
شافت فيه بجدية و هضرت بكل تقة
صابرين: ههه منيتك مريم راه الحب، عمرها ما تقول ليا لا و خصوصا فهاد الموقف، ( بدات كتكتب فنمرتها و كتهضر بابتسامة) انا متأكدة ملياار فالمية بلي غتبغيني نسكن معاها او هي فرحانة ( شافت فيه بجدية) غير باش تكون على بالك مريم ختي ماشي غير صاحبتي
حطات تيليفون على ودنيها و كتسناها تجاوب و الخلعة بدات كتركب فيها، شافت فعلي و نطقات بتوتر
صابرين: اودي غير سكت راني مكحلاها، هربت من سبيطار بلا خبارها ههه غتكون مخلوعة و كاعية علم لله كيفاش غتكون حالتها دابا
غوبش و نطق
علي: مكانش علك تهربي، كون قلتيها ليا فلول و لاهتا نرجعك ليه، ( بجدية شاف فيها)كتغامري بصحتك اصابرين
صابرين( بجدية) : ولاهتا نعاود نهرب منيتك ، راه عاودت لك البلان و آبار داكشي كنخاف منو بزااف مكنقدرش على قربو ىهههه
يتبع ...بقلم ساندي 🌸
أنت تقرأ
🌹 هيام ما بين الغفران و الانتقام 🌹✨( بداريجة المغربية)✨
Roman d'amourرواية خاااترة حب ❤️🔥 او رومانسية 🥹✨ القلب غايتحرك ليك فيها 💗 او خالية من سفالة الخامجة❌( فيها شوية مي ماشي ديك المعيقة) البطلة غطيح فولد دربهم 😍( بزنااز كلااص ياختي ) ، رواية مختااالفة عن اي قصة ديال تبزنيز لي كتعرفي، فكرة مكايناش فسووق نهائيا...
