🌺بعد مرور اسبوع🌺
❤️ عند صابرين او مريم ❤️
البنات راجعين من خدمة فطاكسي ، مريم مقلقة او صابرين باركة كتعصب فيها
صابرين: ايوا شكون بحالك غتبقاي غير بوحدك مع تيتيز ، صراحة غنتوحشهم ولله ههههه
مريم شدات ليها فدراعهاا او كتطلب فيها
مريم: عفاااك كملي معايا غير شهر بليييز ، ولفتك بزااف، منقدرش نخدم بلا لبيك
صابرين بدات كتحيد ليها فيديها او كضحك
صابرين: هههه ولاهلا كانت لييك، ها هيا اماال جاية غداا،او غتخدم معاك راه واعداتك
جبدات جوا ديال الفلوس من صاكها
صابرين: شدي هادو ،
مريم شدات الجوا او دغيا رجعاتو ليها
مريم: منيتك ،فلووسك هادو ،راكي ضربتي عليهم تمارة
صابرين شدات جوا او خشاتهم ليها فصاكها
صابرين: شدي براكة من عياقة، انا دخلت لهاد الخدمة على قبلك ،ماشي على قبلي اناا، نتي راك محتجاهم كتر مني اناا، سيري شري لباباك دوا راك تعطلتي علييه
مريم تغرغرو عينيها او مشات عنقاتها بجهد
صابرين: واااع ، خنقتييني، تي طلقي منييي هههه
مريم تاترات او بدات كتبكي فطاكسي ما بغاتش تسكت
صابرين: هاااويلي ، تي سكتي، غتشوهينا مع مول طاكسي
مريم رجعات عنقاتها او رجعات شافت فيها
مريم: معرفتش اش نقولك، سيري لله يخليك ليااا، معرت اش درت تا ربي عطاني صديقة بحاالك
صابرين شافت فيها بجدية
صابرين: منييتك اصحبتي ،هادشي راه مابيناتنااش، او حشومة تقولي بحال هكا ،او اصلا راه معطيتكش شي حاجة لي كتييرة ،لي غديري هاد الحالة
مريم بدات كضحك أو رجعات عنقاتها
مريم: ههههه سيري لله يخليك ليا ا راجلي لعزييز، لله يزوجك باحمد
صابرين شافت فيها بتخنزيرة
مريم: هههه صافي صافي نسيت ،مغنبقاش نجبدو لييك
صابرين ضارت جيهت شرجم مغوبشة
مريم: ههههه سبحان لله ،عمرني شفت بحالك ، بغيتيه فنهار ،او كرهتييه فنهاار
صابرين " مغوبشة": لله يعطيه موصيبة ،وليت كنكرهوو
مريم : هههه لبارح يوسف مدار تا شي سطوري ،يمكن مكانوش سهرانين الباارح
مريم شافت فصابرين بحالا كعاات ، او بغات تخفف عليها
مريم: ايواا شلا، حتا هادوك بننات لي كايسهرو معاه ، نتي حسن منهم بالف درجة
صابرين ضارت عندها بعصبية
صابرين: انا بغييت غير نعرف ديك الكلبة ،لي كتكون معااه كيدايرة ،فوجهها ,ضرني رااسي
مريم: هههه تأنا بحاالك، عيت منقلب فكونط ديالو او ديال يوسف ،ملقيتهاااش، حتا طاك ولاد الحرام مكايطاكيوهااش
صابرين: يمشي قود هو وياها، مابقاش كايهمني ، نديها فقرايتي حسن ليااا
البنات وصلو الدار ،خلصو مول طاكسي او تمو راجعين لدارهم
صابرين: واش متأكدة امال غتوصل مع 11 صباح
مريم: و ااه متأكدة
صابرين: اش بان ليك نديرو ليها مفجأة او نتلقاو ليها فالمطاار
مريم خرجات عينييهاا
مريم: ههههه حلفيي ، صافي مشااات ،وللهتا نمشي معااك
صابرين: هههه ايوا صافي 8 صباح انا جاية عندك او نشدو طريق ، عنداك تصبحي ناعسة
مريم : هههه لا لا صافي كوني هانية ،يلاه سيري تلاحي لداركم
البنات تفارقو فطرييق او كل وحدة مشات لدارهم ،او بطبيعة الحال صابرين غير كتوصل الدرب ،قلبها كايبدا يضرب بدون شعور، ديك الهضرة ديال كنكرهو لي كتقولها لمريم او امل ،غير كتشوف دارهم كتلاشا ،او غير مكايزيد حبها لييه او اشتيااقها لييه، كانت عارفة بينها او بين راسها ان احمد حبها ليه غير مكايزيد يكبر ماشي العكس ،او واخا هكاك باقا كتقمع افكارها او مشاعرها فاش كتفكرو او كتقول العكس.
دازت من حدا دارهم او قلبها غير مكايزيد يضرب حتى وصلات لدارهم ، دخلات ،سلمات على مها او كلسات حداها ،لحضات بلي مي فاطمة ماشي بيخير
صابرين: يااك لباس ، شتك ماشي تال لهيه
فاطمة كانت كتفرج او رجعات شافت فصابرين او تنهدات
فاطمة: معرت ابنتي مالي ، قلبي مقبووط عليياا ، خوك مجاش هاد نهار او معيطش عليا ، خايفة لتكون واقعة ليه شي حاجة
صابرين خلعاتها مها او مشات عنقاتها
صابرين: اوييلي متقوليش هكاا، مالك مامولفااهش ، راه ديما كايغبر علينا بسيمانة كااع، هادي هي خدمتو راكي عارفة
فاطمة: معرت تاني، راني مخلوعة علييه
صابرين جبدات تيليفونها بدات تعيط علييه
صابرين: هانا غنصوني عليه ،باش تنعسي مرتااحة
بقا تيليفون كايصوني لمدة دقيقة او هو يجاوب
عصام: الوو
صابرين مغوبشة او كضحك
صابرين: اتااا فيين غاابر ،خليتي ماما مشطوننة علييك ههههه،
( دارت سبيكر)
عصام: ههه ، راني مشغوول بزااف، ياكما طارية شي حاجة
فاطمة: مطااري واالو، غير تخلعت علك حيت ليوما مدزتيش لدار كاع ، مولف تجي فصباح
عصام: و راكي عارفة الوليدة ،الخدمة هي الخدمة، المهم نخليكم دابا تال غدا او نجي
صابرين قطعات مع خوها، عودات عنقات ماماها بجهد ،كتحاول تهدنها باستها او مشات نيشان لبيتها تبدل حوايجها او تنعس
يتبع...
بقلم ساندي🌸
أنت تقرأ
🌹 هيام ما بين الغفران و الانتقام 🌹✨( بداريجة المغربية)✨
Romanceرواية خاااترة حب ❤️🔥 او رومانسية 🥹✨ القلب غايتحرك ليك فيها 💗 او خالية من سفالة الخامجة❌( فيها شوية مي ماشي ديك المعيقة) البطلة غطيح فولد دربهم 😍( بزنااز كلااص ياختي ) ، رواية مختااالفة عن اي قصة ديال تبزنيز لي كتعرفي، فكرة مكايناش فسووق نهائيا...
