🌹 هيام ما بين الغفران و الانتقام 🌹✨( بداريجة المغربية)✨

Part 4 ✨ saison 3

🌹 رواية بغيتك من  اول نضرة 🌹

الجزء 4 ❤️ من الفصل تالت🥀

❤️ عند امال و مريم❤️

8 العشية وصلات و جا الوقت فين مريم او امال، يوقفو  خدمتهم و يخرجو فحالهم، بدلو حوايجهم بالخف و خرجو عيانات من ريسطو... باغين غير امتا يوصلو و يحطو راسهم فوق المخدة..ركبو فطاكسي راجعين لدار مريم او كايتحتو و ينكرو
شافت فيها بتخنزيرة و دوات بعصبية
امال: عوتااني يووسف،
مريم( كتشوف فيها بنص عين و كتكونيكطا معاه): و هو لي سيفط ليا ميساج ، ماشي انا
امال( بتخنزيرة): بعدي من دااك الخراا   و نساايه عللك واحد شوية راه مايصلاحش لك  ( شافتها ملاهيا معاه فميساجات ممسوقاش ليها او هي تخطف ليها تيليفون و عودات خنزرات فيها) تي شتك بحالااا نسيتييه اش كايسواا
شافت فيها بتغوبيشة و رجعات خطفات ليها تيليفون من يدها
مريم: طلقي ازمر ( رجعاات سيفطات ليه ميساج  ، عاد رجعات شافت فيها) راني غير شادة معاه الحتة، مالي مسطية نتصاحب معاه
امال( خرجات فيها عينيها):  ا هادييك الخرية بعدي منو راه مايصلاحش لك ، شوفي شحال من مرة كنقولها لك 
مريم( بعصبية): اماال راه غنضربك ولله ، كتهضري بحالا انا لاسقة فيه و كنطلب فيه باش يبقا يهضر معايا ...واااش منييتك.
امال( بعصبية)  :  وراه هادشي لي غتولي ديري معاااه من هنا القدام ، ايلا ما بعدتيش منو دااباا
مريم( سمعات ميساجو وصل، جاوباتو فالبلاصة و كتهضر): بزااف علييه، عمرو مايسمعها من عندي
حسات بنصيحتها ماعطاتش نتيجة معاها، ضورات راسها لشرجم مخلياها كتهضر معاه و دوات بعصبية
امال: ضبري لكرك ، و لله ما نبقا نهضر ، مزال ليام تندمك على هضرتي  لي مبغاش تسمعي ليها
خشات تيليفون  فصاكها بفرحة من بعد ما قرات من عندو " تا ليل و نهضرو " و رجعات شافت فيها مصطانعة تغوبيشة
مريم: اوووف، صاافي  نساي عليا هاد الموضووع ...قوليا دابا ، اش بان لك نمشيو نطلو على صابرين و نجيبوها
قلشات ودنيها و عينيها خرجو، كانت مزال عاطيا وجهها لشرجم و كتفكر..  و بلاما تردد ضارت لعندها و  حلات عينيها بفرح و قالت
امال( بخبت ) : يلاه، توحشتها ، من بارح فصباح مابقيت شفت كمارتها هههه
كدبات كانت موحشة احمد كتر ما كانت موحشة صاحبتها، بغات تشوفو تعمر بيه قلبها  و فنفس الوقت باغة تعرف نضرة صابرين لاحمد كي ولات.
يتبع....