احبَبْتُكْ بقدر ما كَرِهتُكْ.

الحلقه الرابعه

" اتجوز مين .. ايه المسؤليات الى عماله تتحدف عليا من الصبح دى "
قال
" مسؤليات ايه بس ..اسمع انا هدفعلك كل حاجه
وهي هتيجى بشنطة هدومها ويتم الجواز وبعد سنتين من الجواز طلقها "
" لأ"
قال
" طب شهرين "
" لأ"
" طب اسبوعين "
" لأ برضو "
" طب يومين .. بص اقولك على حاجه اول ساعتين وطلقها وقول لى مامتها بنتك لا تطاق "
قلت
" لأ يا بابا ..لأ "
قام وقف وقال
" قلبى .."
انا عايش مع بابا بقالى واحد وعشرين سنه ..هديلو احسن ممثل فى العالم
قعد يقول
" اه يا قلبى هتوجعهولى كمان قبل ما تسافر "
وبدأ صوته يتقلب للحزين وكأنه هيبدأ يعيط
وانا اكتر حاجه ممكن اكرهها فى حياتى ان انا الاقى حد فى حياتى بيعيط
وقفت قدامه وقلت
" واد يا فؤاد ماشى موافق ..بطل عياط بقى "
ضحك فى ثانيه وقال
" انا كنت عارف والله ..يا لهوى يا يوسف ده انا بحبك اوى اه والله بحبك موت كمان "
بصيتلو وانا رافع حاجبى وقلت
" عجباً منكم ايها البشر عند المصالح تحبون وفى الحقيقة تكرهون "
بص ليا وقال
" الله ..انا كنت عارف ابنى شاعر "
قلت
" لا يا بابا بعد اذنك ..انا احسن رسام فى الدنيا ..وأسأل
عنى اى حد ..قولهم فين ' يوسف سيف ' هتلاقى الكُليه كلها بتجيبك لعندى "
بص ليا بأستغراب وقال
" انا بس عاوز اسألك سؤال ... هو انا اسمى مدايقك فى حاجه ..اصل وانتَ بتقول اسمك قلت يوسف واسم جدك على طول وانا اسمى راح فين "
ضحكت وقلت
" لأ طبعا يا فؤاد اسمك عجبنى موت ..بس يوسف سيف لايق اكتر .. يلا بقى يا فؤاد انا داخل انام علشان هصحى بكرا بادرى ..سلام يا والدى "
وسبته ودخلت نظمت هدومى ورتبت كل حاجه ونمت على السرير وفضلت افتكر كل الى حصل معايا من اول ماصحيت ... ايوه انا لازم اعيد شريط يومى كده واشوف ايه الى حصل ..وشريط يومى ده كوم والبنت الى انا اديتلها الكتاب بتاعها ده كوم تانى خالص
دى حتى مش قالت لى شكرا
هي كده البنات دايما ناكره للجميل
يووه لنا هفضل شايل هم كده
انا هعمل ايه دلوقتى فى المسؤليه بتاعت الكُليه دى
هعاملهم ازاى هبقى شديد معاهم ولا اسيبهم عادى
ياربى هو انا عارف اشيل مسؤليتى .

♡♡♡♡♡♡♡
5:30 A.m

" لأ بصو احنا اول ما نوصل تكونو هادين او اقولكم على حاجه حلوه .. كل واحد حُر هناك بس يشيل مسؤلية نفسو ..على وصهيب بلاها هناك مشاكل "
رد صهيب وقال
" حاضر يا جو من عنينا "
ضحكت وقلت
" تمام .. اسمعو بقى يا شباب احنا عاوزين فى المسابقه دى نرجع واحنا واخدين مركز .. يعنى اعلى حاجه يبقى المركز القبل الاخير مُتفقين "
ضحك احمد وقال
" ونسيب الاخير لمين يا يوسف هيصعب علينا كده "
ضحكت وقلت
" لما نوصل هنشوف "
ورحت عند عمو الى بيسوق الاتوبيس وقلت
" يا عمى العزيز فضلنا اد ايه ونوصل "
ابتسم وقال
" يا ابنى احنا فى شرم اصلا بس قدامنا على السكن ساعه واحده بس "
رحت وقفت فى نص الطريق وقلت
" ساعه يا شباب "
قال عمر
" كل ده وساعه هو الطريق طويل كده ليه "
ضحكت وقلت
" علشان الاتوبيس مفهوش بنات "
ضحكو وقال احمد
" لو كانو البنات معانا كان زمان دلوقتى كلنا خناق فى بعض "
قلت بنبرة جَد
" اسمعو احنا هناك ملناش دعوه بأى بنت "
ضحك عمر وقال
"هو لو من نحيتنا تمام ... وانتَ بقى يا يوسف "
لعبت فى شعرى وقلت
" انا المسؤل عليكم يا ابنى "
ضحكم وقال احمد
" هنشوف "
وفضلنا مكملين باقيت الطريق لعب او تريقه على بعض لغاية ما وصلنا اخيرا
المدرسه اديتلى المفاتيح ووزعتها على اصحابى وانا اخيرا خلصت كل حاجه ودخلت الاوضه بتاعتى هي مش بطاله بلكونه ومكتب وسرير وحمام حلو الاوضه حلوه لكن اللون مش حلو تعمل ايه يا جو اعمل ايه تعمل ايه يا يوسف ..اهاا جاتلى فكره
قمت جبت من الشنطه بتاعتى ورق لوحه كبير ولزقته على الحيطه وطبعا اكيد بدأت افنن ولون من هنا على لون من هنا وشكلى كده قدامى كام ساعه واخلص وانااااام .