احبَبْتُكْ بقدر ما كَرِهتُكْ.

الحلقه السادسه

المره دى مش هرحمهم ..ده ايه ده ضحك ولعب ومش عارفه اركز فى اللحن
فتح الباب وطلع الولد الى خبط انهارده ومقلش كلمه مفيده ومشى
ابتسم وقال
" اهلا "
قلت بنبرة غضب
" هو انتَ الى هنا فى الاوضه "
ابتسم وقال
" اه واقسم بالله دى الاوضه بتاعتى "
لقيت راس واحد طالعه من وراها وبيضحكلى وبيقول
" هاى "
بص عليه الولد الى فتحلى وقال
" يا احمد ادخل "
لقيت الى اسمه احمد ده بيقول
" ايه ده لأ هو انتِ "
بصيتلو بأستغراب وقلت
" انتَ غريب اوى بجد .. اسمع انتَ وهو انا مش عارفه اركز فى اى حاجه انتَ بتخبط على الحيطه من بعد الفجر ومش عارفه اعمل اى حاجه "
ضحك احمد وقال
" يا لهوى بتراسيلها من بعد الفجر محدش بقى بيكلم حد الوقت المتأخر ده "
ضحك الولد الى فتحلى الباب و حط ايدو على وشو وكمل ضحك وقال
" بس يا ابنى اسكت "
وبص ليا وقال
" انا اسف هو هيمشى طالع الاوضه بتاعته "
ضحك احمد وقال
" اه انا همشى وهسيبكم انتو بقى تخبطو على بعض براحتكم "
وفجئه لقيت الباب اتقفل فى وشى واتفتح وقعد يتفتح وبعد كده لقيت الولد الى اسمه احمد بيقول فتح وبيقول
" بالمناسبه انا مش غريييييب ها انا اسمى احمد "
شعورى وقتها كان اكتر من الاندهاش ..وبعدين هما ليه مع بعض فى الاوضه
خبط الباب جامد وطلع الولد الى فتح ليا الاوضه فى الاول واول ماشفت خلقته قلت
" اسمع انتَ وهو انا هقول عليكم للمشرفه الى تبعكم
انتو عاملين برجله فى الاوضه "
وكنت جايه امشى
لقيته بيقول
" استنى .. انتِ راحه فين انا ماليش ذنب وهو بيحب الهزار كده بس بيجيلو فتره كده وهيعقل ..واما عنى انا فأنا بجد اسف "
مش هكابر واقول ان انا معرفهوش بس افتكرته دلوقتى من كلامه ومن كلام الى اسمه احمد ده ونفس تقل دمه وحكاية انه مش غريب واسمه احمد
اخدت نَفَس وطلعته وقلت
" طيب قابله اعتذارك ..ده اولا ..ثانياً ..شكرا "
بص ليا وابتسم وقال
" على ايه "
قلت
" على الحب الصامت ..الكتاب الى انتَ خفت لأدفع الغرامه بتاعته"
فضل باصص على الهواء وكأنه بيحاول يفتكر وقال
" اه اه .. العفو على ايه .. ده احنا حتى طلعنا اصحاب"
ابتسمت وقلت
" دى مش صحوبيه ده احنا كده زمايل ..بعد اذنك "
وسبته ورحت الاوضه بتاعتى وبعد كده اخدت 《الكمان》بتاعى وروايه ونزلت ...

♥︎♥︎♥︎♥︎♥︎♥︎

" افتكرتنى يا احمد "
ابتسم تحمد وقال
" ما انا عارف ..هي ايه الى جابها هنا .. فكرك ممكن تكون بتراقبنا "
ضحكت وقلت
" او ممكن تكون فى الكُليه عادي "
ابتسم احمد وقال
" عارف يا جو ايه اجمل حاجه فيك ..لأ بص هما مش حاجه هما حاجتين "
قعدت على السرير ولعبت فى شعرى وقلت
" ايوه اشجينى "
ابتسم وقال
" الغماذات الى عندك الى راشقين فى خدك دول "
وقعد يضحك ويقول
" وتفاحة ادم وانتَ بتضحك "
وفضل يكمل ضحك
رحت مسكته من هدومه وقلت
" روح يا احمد الاوضه بتاعتك "
قال
" مش هناكل ولا ايه "
قلت
" اسبقنى على تحت وانا جاى "
ضحك احمد وقال
" طب غير التيشيرت علشان هي شافتك بيه هااا"
فتحت باب الاوضه وطلعته برا وقفلت الباب
ورحت وقفت قدام المرايه وفضلت اعدل فى شعرى وفى التيشرت بتاعى ..بس قلت لى نفسى ان احمد عنده حق انا هغير التيشرت ده بس ايه مش لحاجه ده علشان بس لونه مش عاجبنى
غيرت هدومى ولبست تيشرت لونه بنفسجى فاتح
وعدلت شعرى لى ورا
ولسه كنت جاى انزل لقيت المشرفه فى وشى
اه انا طول عمرى بقول على البنات اندال .. اكيد البنت بتاعت الروايه قالت علينا لى المشرفه
هعمل ايه دلوقتى ده احمد هرب
بصيتلى المشرفه بأستغراب وقالت
" بتبص كده ليه "
قلت
" لا ولا حاجه ... حضرتك جايه فى حاجه "
قالت
" بكرا الصبح الساعه اربعه تكون انتَ والخمسه اصحابك بترسمو وطول ما انتو قاعدين هنا كل اسبوع هيختارو احسن واجمل لوحه واتمنى يا يوسف انك تكون منهم "
ابتسمت وقلت
" حاضر ان شاء الله "
وبعديها سابتنى ومشيت
انا مش جايلى اى افكار عن الرسم هرسم ايه انا دلوقتى اكبر اموجى مبتسم يوووه يا يوسف سيب كل حاجه لوقتها واستمتع انجووووى
ونزلت واكلنا وبعد ما خلصنا اكل
رحنا قعدنا على البحر شويه وبعد كده قام احمد من جمبى وقال
" طيب بقيت الكُليات بتلعب صراحه بالازازه .. مش هتلعب "
هزيت راسى ب لأ
وقلت
" بلا كلام فاضى "
قال
" انا بقول كده برضو ..يلا انا رايح العب معاهم ..سلام"
اهبل انا امتلك صاحب لا تعليق عليه
فضلت قاعد باصص على البحر وكان بيتحرك بكل هدؤ
بس كنت سامع صوت حد بيعيط فضلت ادور على مصدر الصوت لغاية ماطلع كل ده جمبى
ومين ... البنت الى مصادفتى ليها بتذداد كل مره
رحت قعدت جمبها على الرمله وهي فضلت ماسكه روايه .. رواية ' انتَ لى '
بصيت عليها وقلت
" امم ... هو انتِ بخير "
بصت عليا وقال بنبرة عياط
" اه انا بخير .. بس وليد مش بخير "
ابتسمت وكنت هموت واضحك بس كتمت جوايا
وقلت
" هو انتِ وصلتى لغاية فين فى الروايه "
مسحت دموعها وقالت
" لغاية ماهو هو اتسجن .. انا مدايقه اوى "
ياربى ايه البنات المجنونه بالروايات دى
قلت
" طب معلشى متعيطيش انا مبحبش اشوف حد بيعيط قدامى "
مسحت دموعها وقالت
" طيب خلاص ماشى "
ضحكت وقلت
" وبعدين هو انتِ بتعيطى على كده امال بقى لما تقرأى ان سامر هيخطب رغد "
بصيتلى بأستغراب وقالت
" اييه ..هتخطبو ..طب و وليد دى بتحبه "
ابتسمت وقلت
" ما هو هيخطب اروى "
بصيتلى بأندهاش وقالت
" وهو هيستغنى عن 'رغد' بالسهوله دى "
ضحكت وقلت
" لاااا ما هما فى الاخر هيرجعو لى بعض وهيتجوزو وهيألها انتِ لى "
ابتسمت وقالت
" طيب كويس "
وبعديها قالت
" شكرا "
قلت
" على ايه "
اديتنى الروايه وقالت
" على انك حرقتلى الروايه والاحداث للمره التانيه "
ولقيت بنت جت بتقولها
" بنلعب لعبة الصراحه ..تعالى العبى معانا "
قامت وقفت وكانت ماشيه معاها
وقفتها وقلت
" على فكره انا مكنتش اقصد ابوظ عليكى الروايه زى كل مره بس انتِ الى كنتى بتوقعينى بالكلام ..اسف ياا"
قالت
" نَغم ..اسمى نَغَمْ "