احبَبْتُكْ بقدر ما كَرِهتُكْ.

الحلقه الثانيه والعشرون

شعور صعب يتوصف حاسس ان انا مش فاهم حاجه ومش سامع اي حد ..
قلت بكل لا مبالاه
" نغم فى المستشفى ..ليه "
قالت
" محدش يعرف حاجه لغاية دلوقتى ..احنا سمعنا صوت صويت ولما جينا لمصدر الصوت لقينا الاوضه بتاعتها مفتوحه وهي مش راضيه ترد على حد وكمان فقدت الوعي ومشرفت المسابقه اخدتها للمستشفى "
افتكرت كلام نغم ليا وساعت ماقالت
مش عوزاك تسافر
حاسس ان انا فى دوامه ... شعور عمرى ما حسيته قبل كده
جت المشرفه وقالت
" خلاص ممكن تطلعو برا الأوضه لو سمحتو "
قربت لى اتجاه البلكونه بتاعت نغم لقيت اللوحه الى انا راسمها ليها على السرير
ولقيت 'الكمان' بتاعها مكسور والأوتار بتاعته كلها مقطوعه قعدت على السرير ومسكت الكمان
الى هو المفروض بتاع والدها .. ازاى ومين الى عمل فيه كده
لقيت المشرفه جت من ورايا
وقالت
" يوسف .. يلا اطلع برا "
قمت وقلت
" فى حد كسر لى نغم الكمان بتاعها .. وهي مبتعرفش تعزف غير بيه "
قالت
" يوسف .. احنا لسه معرفناش مين الى عمل كده ولا ايه الموضوع اصلا .. مستنيين نغم تفوق "
قلت
" انا لازم اروح على المستشفى "
قالت
" لأ طبعا ده موضوع .. وغير كده انتَ مالك ب نغم "
قلت بعصبيه
" خلينى اروح بس انا لازم ابقى معاها "
قالت بنرفزه
" يوسف .. روح على الأوضه بتاعتك وافتكر ان انتَ وراك مسابقه ولازم تفوز فيها .. وبعدين كلية الموسيقى للولاد بيدربو .. هما كل سنه لازم يفوزو "
قمت ورحت على الأوضه بتاعتى وحطيت الروايه على السرير
وفضلت اضرب ايدى على الحيطه بكل غضب وبكل حزن
وفضلت امشى فى الأوضه وانا بفكر
ايه السبب الى هيخليها تصوت ويخلى نغم تفقد الوعى
وهل 'تاج' ليعا علاقه بالكلام ده .. اكيد اه ..
انا مش هعرف افضل كده .. حاسس ان انا السبب .. ايوا انا السبب الى انا الى رحت قعدت مع بابا .. بس لو مكنتش رحت مكنش اكتشف ان هو فى خطر  ... بس انا اتأخرت عليها برضو ...قعدت على السرير وفضلت باصص على الأرض لغاية ما لقيت الباب بيخبط قمت فتحت بسرعه ولقيته عمر
دخل وقفل الباب وراه وقال
" على فكره هي فاقت "
قلت
" وانتَ مين قلك "
قال
" انا سمعت المشرفين وهما بيكلمو بعض "
قلت
" انا السبب .. انا الى اتأخرت عليها "
قال عمر
" احمد ليه علاقه بالموضوع يا يوسف "
بصيتلو بأستغراب وقلت
" احمد ..ليه علاقه ازاى "
قال
" انا مش هقولك اكتر من كده "
رحت فتحت الباب وطلعت على اوضة احمد وعمر ورايا
ولما خبط على الباب فتح احمد وساب الباب ودخل الأوضه وقال
" ايه .. نغم فاقت ولا ماتت من الخضه "
دخلت الأوضه وكنت رايح اضربو
لكن دخل عمر فى النص وقال
" اهدى يا يوسف .. ما انا قلت لك ان هي بخير "
وراح عمر قفل الباب .. وانا قلت لى احمد
" هو انتَ السبب فى الى نغم فيه "
هز راسه ب 'اه' وقال بكل استفزاز
" اه .. انتَ الى بدأت اللعب يا يوسف ..وتاج اخر مره اتهذأت قدام الكل .. وانا مش ذيك بعمل مقالب بايخه
وعلى فكره انا لسه مكنتش لمستها حتى "
قربت منه ووقفت قدامه وضربته 'بُنيه' فى وشو وقلت بعصبيه ونرفزه
" ايه الى انتَ بتقوله ده يا احمد .. وتاج مين ده الى انتَ تعمل كده علشانها .. افرد نغم كان جرالها حاجه "
دخل عمر فى النص وقال
" خلاص يا يوسف "
وبص لى احمد وقال
" وانتَ ايه الى انتَ عملته ده .. انتَ بتزعل صاحبك علشان خاطر بنت "
ابتسم بطريقه مستفذه وقال
" يوسف هو الى بدأ .. وانا قلت له ملكش دعوه ب تاج"
قلت
" تاج ميين الى انتَ بدافع عنها دى .. ولا اقولك هي مستفذه ذيك بالظبط ..لايقين على بعض .. بس اسمع
انا دايقت تاج واخد حق وقعت نغم .. بس مش كسرة ليها 'الكمان' بتاعها "
قال احمد
" كمان ايه الى اكسرهولها .. انا مش كسرت الكمان بتاعها "
وابتسم وقال
" ولا ممكن يكون الكمان زعل عليها فأتكسر "
قال عمر
" مش هو الى كسر الكمان .. الكمان كان سليم لما دخلنا الأوضه علشان خاطر نشوف نغم "
بصيت لى احمد وقلت
" اسمع يا احمد لما تحب تاخد حقك تعالا خده مني انا .. انا الى زعلت تاج مش نغم .. نغم ملهاش فى الكلام ده "
ابتسم وقال
" اه ما انا صدقتك النهارده خلاص "
كنت هضربه لقيت عمر وقف فى النص وقال
" خلاص يا يوسف .. سيبك منه "
قلت لى احمد
" انتَ من اول النهارده ولا انتَ صاخبى ولا اعرفك انتَ فاهم "
وسبته ومشيت وجه عمر ورايا وقال
" يوسف متقولش للمشرفه علشان خاطرى "
وقفت وبصيتلو وقلت بنرفزه
" هو ايه الى مقولش ..  هو عمل غلط والمفروض يتحاسب عليه "
قال
" علشان خاطرى انا يا يوسف .. خلاص .. المره دى بس"
قلت
" طيب خلاص .. ماشى ..بس واقسم بالله لتشوف تاج منى على كسرة الكمان "
قال
" وانتَ مين قالك ان تاج هي الى كسرة الكمان بتاعها "
قلت
" انا متأكد "
ورحت على الأوضه بتاعت تاج  .. وعمر ورايا
وأول ما فتحت الباب قالت
" ايه .. الف سلامه على نغم حبيبة قلبك "
قال عمر
" يا يوسف .. انتَ هتستفاد ايه لما تتكلم مع واحده مستفذه "
ابتسمت وقالت
" مستفذه .. انا يا عمر معرفتش اخد حقى متك بس مش مهم .. انا عارفه ان هو الى خلاك تعمل كده "
وبصيتلى وقالت
" اسمع يا يوسف انا عارفه انتَ جاى ليه .. لو هتسأل على الكمان .. ف اه .. انا الى كسرته "
بصيت على عمر لقيته بيبص بأستغراب
وقال
" ايه الأستفذاذ الى انتِ فيه ده "
قالت
" هي الى اخدت مكانى فى فريق المسابقه .. انا كل مره بطلع فى المسابقه وهي اخدت مكانى ..وهي الى جابته لى نفسها "
ابتسمت وقلت
" على اساس كده هي مش هتقدر تعزف يعنى .. هتعزف يا تاج وهتطلع مركز وهتشوفى "
ضحكت وقالت
" هنشوف اللحن الى هتقدمه ايه لى المشرفه .. وهنشوف اصلا ازاى هتقدر تعزف ياا يوسف "
ابتسمت ومديت ايدى ليها وقلت
" احيكى على فكرتك الشرانيه يا تاج واحيكى كمان على انك خسرتينى صاحبى "
مدت ايديها وسلمت وقالت
" محدش قالك تلعب معايا يوسف "
تنيت ايديها لغاية ما عملت صوت وهي كانت هتصوت لكن انا قلت
" وانا عاوز اقولك حاجه انا كمان .. متحطنيش فى دماغك يا تاج علشان هتزعلى منى "
قالت بوجع
" هقول عليك للمشرفه يا يوسف وهخلى مشرفيت المسابقه يمنعو كليتكم من دخول المسابقه دى "
ابتسمت وطلعت تليفونى من جيبى وسمعتها حاجه بسيطه وقلت
" ده تسجيل صوتك وانتِ بتعترفى ان انتِ الى كسرتى كمان نغم والى انتِ مدايقه منها .. وروحى اعترفى عادى التسجيل معايا "
شدنى عمر من ذراعى وقال
" يلا يا يوسف "
قلت
" سلام ياااا .. تاج "