احبَبْتُكْ بقدر ما كَرِهتُكْ.

السادسه والثلاثون

" يا ابنى روح البيت عند نغم "
وقفت وقلت وانا داخل الأوضه
" ابداً .. علشان تبقى تاخد راحتها فى مشوارها "
وقفلت باب الأوضه ونمت على السرير
لكن فضلت افتكر ست نغم وهي واقفه مع احمد .. طب انا المفروض اتصل على احمد اعرف منه الموضوع ولا اعمل ايه .. والمفروض بقى بصفتى ايه اتصل عليه
يارب سلمى تكون قالت للكليه كلها علشان اخلص
قمت من على السرير فجئه .. لأ مش للكليه كلها
وتاج .. هعمل ايه فى تاج
هي اه مبقتش تفرق عندى زى الأول لكن انا مش هحرجها
لقيت بابا بيفتح الأوضه وبيقول
" تليفونك بيرن "
كان الى بيرن تاج
وقالت ان هي جايه غيرت هدومى بسرعه وعدلت شعرى ولقيت الجرس بيرن
رحت فتحت الباب
وقال بابا ليا بصوت واطى
" جايب بنت الشقه "
قلت
" تاج يا بابا .. الى كانت جارتنا "
ابتسم بابا وقال
" تاج .. عامله ايه .. كبرتي ما شاء الله "
دخلت تاج وقالت
" يوسف برضو كبر "
ابتسمت وقلت
" اقعدى .. هو انتِ غريبه "
قعدت وقالت
" بقالى كتير مجتش .. فرحت لما شفتك يوم المسابقه يا يوسف .. انت عملت ايه لما شفتنى "
" معملتش حاجه .. اصلا افتكرت واحده شبهك .. لغاية ما لقيتك بارده فى لعبة صراحه عرفت ان انتِ "
قالت
" متخيلتش ان انتَ هتلعب انتَ مبتحبش اللعبه دى اصلاً "
لعبتها بسبب نغم والله
لكن كلامى اكيد حاجه تانيه
" احم .. مش مهم لازم كنت اجرب وانا هفضل طول حياتى اكره الى بكرهه "
قالت
" كان شكلك كأنك متعرفنيش فى المسابقه "
قلت
" ما انا رحت سألت نغم عليكِ وقالت ان اسمك تاج
مش هوصفلك حسيت بأيه .. اكيد كان نفسى اشوفك بس شفت حد قبل المسابقه فى المترو "
قالت
" شفت مين "
قلت
" مش مهم "
وفضلت ساكت لغاية ما هي قالت
" بتحب نغم صح "
ابتسمت وقلت
" الصراحه يا تاج .. اه بحبها "
ابتسمت وقالت
" طيب وانا "
قلت
" مش عارف .. اه بس مش زي نغم "
فضلت باصه على الأرض
حطيت ايدى على ايديها وقلت
" بضحك معاكى "
بصيتلى وابتسمت وقالت
" مزعلتش على فكره "
رن جرس الباب وبابا راح فتح وكانت المفاجأه الكبرى
استاذه نغم .. فضلت باصه عليا وعلى تاج
شلت ايدى من على تاج وقلت
" اتفضلى "
بص عليا بابا وقال وهو بيضحك
" يا حلاوتك يا يوسف "
دخلت نغم وقالت
" هي بتعمل ايه هنا "
وقفت وقلت
" دى تاج "
قالت
" بجد .. وانا نغم "
ابتسمت وقلت
" ايه رأيك "
وقفت تاج وقالت
" فى ايه يا يوسف "
قلت
" اقعدي يا نغم "
قالت
" ما انا هقعد على فكره "
قالت تاج
" انتِ عامله ايه .. اقصد يعنى علشان اخر مره اغم عليكِ "
قالت نغم
" يوسف اخدنى وفوقنى "
بصيتلى تاج وقالت
" فوقتها ازاى "
قلت
" رميت مايه عليها "
قالت نغم
" تاج بتعمل ايه هنا "
قالت تاج
" انا كنت جارته على فكره .. وجيت اسلم عليه "
بصيتلى نغم فقلت
" كانت جارتى .. صح "
قالت تاج
" هي مش مصدقه ولا ايه .. ممكن تشوفى الأسم تحت فى مدخل البيت "
ابتسمت وقلت
" لأ ملهوش لزوم "
قالت نغم
" طيب شفتي يوسف والبيت ولا لسه عاوزه تشوفى حاجه تانى "
قالت تاج
" هو انتِ جيتى هنا ليه اصلا "
قالت نغم
" انا يا حبيببتى اكون هنا فى اي وقت .. انا ويوسف.."
قطعت كلامها وقلت
" جايه تصالحنى .. اصل انا لما فوقتها غلطت فيا "
بصيتلى نغم وقالت
" بجد "
قالت تاج
" هبقى اجيلك بعدين .. سلام "
وراحت اتجاه الباب .. قال بابا
" طب وعصير اليمون ده لذيذ "
قالت
" مره تانيه"
رحت ورا تاج وقلت
" خلينى اوصلك لى تحت "
قالت تاج
" ملهوش لزوم يا يوسف .. شكرا "
وفتحت الباب ومشيت
بصيت على نغم وقلت
" خير "
قربت منى وقالت الكلام ورا بعضه من غير متاخد نفس حتى
" ايه الى جابها هنا وجايه بصفتها ايه هي مش كانت جارتك وخلاص وبعدين هي مش دى الى كانت فى المسابقه بارده وبعدين هي جيالك ليه رد وانت ايه علاقتك بيها "
ضحك بابا وقال
" تشربو ليمون ده لذيذ جدا "
قلت
" كانت جايه تطمن عليكِ واتلغبطت فى العنوان "
ابتسمت وقالت
" يا كذاب .. هتفضل طول عمرك كذاب "
قلت
" يا ستى ماشى انا كذاب خلاص "
قالت
" والله لو انت بتحب تاج ممكن تسيبنى وتروح تتجوزها "
ضحكت وقلت
" وليه يا قلبى ما انا ممكن اجوزها عادى برضو .. انتِ وهي "
قالت
" ده مش هيحصل "
وقالت بزعيق
" اسمع يا يوسف .. انت لازم تتعدل معايا .. انا زهقت"
قلت
" بس يا حبيببتى .. واقولك على حاجه انا مش هريحك غير لما تقولى كنتى بتعملى ايه مع احمد "
قالت
" مش هقول "
وراحت فتحت الباب ومشيت ..