احبَبْتُكْ بقدر ما كَرِهتُكْ.

الحلقه الثانية عشر

ضحكت وقلت
" نَغم .. هو احنا عيال صغيره علشان منعرفش نروح على الفندق ولا ايه "
قالت
" ربنا يسامحك يا شيخ .. انا معرفش انتَ طلعت ليا منين "
ابتسمت وقلت
" القدر هو الى وصلنى ليكى "
وسبتها واقفه وبعد عنها شويه وسألت راجل عن مكان الفندق وهو وصفهولى
رجعتلها تانى لقيتها بتقول
" ايه .. كنت ناوى تغدر بيا "
كنت هرد عليها لكن لقيت التليفون بتاعى بيرن
وكان عمر هو الى بيرن عليا
رفعت وقلت
" الو يا عمر .. "
قال
" انتَ فين .. فى اجتماع الساعه تسعه "
بصيت على الساعه الى فى ايدى لقيت الساعه
ثمانيه واربعين دقيقه
قلت
" طيب يا عمر عشر دقايق "
لقيت نغم بتقول
" عشر دقايق ايه الى هنوصل فيهم ... هو انتَ عارف احنا فين اصلا "
قفلت مع عمر
وجبت الشنطه الى كنت لابسها فى ظهرى وطلعت منها الباتيناج
وبصيتلها وابتسمت وقلت
" هنوصل فى عشر دقايق يا نَغم "
بصيتلى بأستغراب وقالت
" ازاااى وده ليك انتَ بس.. وبعدين انا مبعرفش .. "
قطعت كلامها وقلت
" لأ ما انا عارف ..علشان كده انتِ هتركبى سكاى بورد"
وطلعته وقلت
" انتِ هتقفى عليه بس برجليكى الاتنين وانا هشدك "
بصيتلى بتعجب وقالت
" والعربيات يا يوسف .. "
قلت
" هنمشى على الرصيف .. يلا بسرعه انتِ بضيعى وقت كده على فكره "
قلبت ملامح وشها زى ما تكون هطعيط ووقفت على الأسكاى بورد وقالت
" مش مسمحاك "
عدلت الباتيناج الى لبسته فى رجلى وقلت
" وانا مسامحك يا نَغم "
وبصيتلها وقلت
" يلا "

******************
8:55
" عمر. ... فين يوسف "
ابتسمت وقلت
" هو بيتمشى شويه على البحر هو واحمد و ... "
قطع كلامى احمد وقال
" ايه ناديت يا عمر "
ابتسمت وقلت
" اقصد مع ..مع .. اه صهيب "
قال احمد
" صهيب اهو يا ابنى "
بصيت على صهيب وقلت
" ايه ده صهيب ... عامل ايه واحشنى موت "
ماشى يا يوسف لما اشوفك واقسم بالله
قالت المشرفه
" انتو كده كاملين .. ما عدا يوسف .. هو فين "
واخيرا لقيت يوسف بيقول
" انا اهو جيت "
وكان بيتنفس بسرعه رهيبه
قالت المشرفه
" طيب يلا روحه علي قاعة الاجتماع علشان انا عملالكو اجتماع "
قلت
" حاضر "
ومشيت المشرفه من هنا ويوسف قعد على الارض من هنا وفضل يتنفس
رحت قدامه وقلت
" انتَ كنت فين "
بص ليا وقال
" كان زمانى واصل هنا من زمان بس البنت الى اسمها 'تاج' دى شكلها بارده "
بص ليه احمد بأستغراب وقال
" وهي تاج عملت ايه "
قام وقف يوسف وقال
" متشغلش دماغك .. يلا نروح على الاجتماع "
ورحنا على الاجتماع والمشرفه قالت ان احنا بكرا
على غروب الشمس هنركب على يخت وهنوصل فى نص البحر وكل واحد يرسم منظر للبحر
وخلصنا الاجتماع وكل اصحابى مشيو الا انا كنت مع يوسف وقلت ليه
" كنت فين يا يوسف "
ابتسم وقلت
" كنت برا الفندق "
قلت
" وانتَ كنت برا الفندق بتعمل ايه .. ومالها تاج .. اوعى لتكون شافتك "
هز راسه ب'اه'
وقال
" شافتنى يا عسل خلاص "
قلت
" وايه الى حصل "
قال
" يا ابنى ما خلاص هبقى احكيلك بكرا "
ودخلت الاوضه وهو دخل معايا ولسه بقعد على السرير لقيت احمد بيخبط على الباب وقال
" العشاء يا يوسف انتَ وعمر "
قام يوسف من على السرير بسرعه وقال بكل فرح
" ايوا بقى اخيرا اخبار حلوه ..ده انا ميت من الجوع "