احبَبْتُكْ بقدر ما كَرِهتُكْ.

الحلقه الثامنه

قلت بنبرة جديه
" لاا بعد اذنِك ..اسمها كلية فنون "
ابتسمت وقالت
" مش هتغرق مش كده كده هتطلع من الكُليه الى انتَ فيها دى رسام "
هزيت راسى ب 'اه'
وقلت
" ناوى افتح معرض رسم ..واعرض فيها رسوماتى "
قالت وهي باصه للبحر
" كويس ان انتَ ليك حلم "
ابتسمت وقلت
" ليه هو انا مش انسان واى انسان ليه حلم .. وبعدين ليه قلتى كده "
بصت ليا وقالت
" اصل انتَ غير اي انسان يا يوسف .. انا مشفتكش كتير لكن باين على شخصيتك ان انتَ الى بتمشى الدنيا مش الدنيا هي الى بتتحكم فيك "
اكيد مفهمتش ولا كلمه من الى هي قالتها بس حاولت اغير الموضوع وقلت
" تعرفى انا عاجبنى اوى الكلام الى انتِ قلتيه تحت فى اللعبه "
ابتسمت وقالت
" ايوه وانتَ كنت مستني الدور يجى عليك "
افتكرت البنت الى كانت بتلف الازازه وقلت
" ايوه .. كنت عاوز اتسأل ... اصلا انا مبحبش اللعبه دى وصحبتك دى غريبه اوى "
ابتسمت وقالت
" مين قالك انها صاحبتى اصلا ..هي مش بتحبنى نهائى ولا انا بحبها "
ابتسمت وقلت
" اصلا .. هي اسمها ايه "
بصت على البحر وقالت
" تاج .. اسمها تاج ..هي كل سنه بتكسب فى المسابقات "
ابتسمت وقلت
" المسابقه .. انا شايل همها اوى "
لقيتها برضو لسه باصه على البحر وقالت
" طول ما انتَ محمل نفسك فوق طاقتك مش هتقدر تكسب ولا حتى هتقدر تعيش "
وبصيتلى وقالت
" انتَ كان نفسك تتسأل سؤال ايه واحنا تحت "
عدلت شعرى ونفسى وقلت
" لأ .. اصل انتِ قلتى الحب بالنسبه ليكى .. بس فا افتكرت ان انا كمان اقول وكده "
ابتسمت وقالت
" والحب بالنسبه ليك ايه يا يوسف "
ابتسمت وبصيت على السماء وبعد كده بصيتلها وقلت
" الحب ..بصي هو انا برضو عمرى ما حبيت ..بس اكيد اتحبيت يعنى ..انا مافيش حد شافنى الا وحبنى "
ابتسمت وقالت
" طب خفف الغرور شويه واتكلم "
قلت
" هو انا الحب بالنسبه ليا هو حب الأكل "
بصيتلى بأستغراب وقالت
" مش فاهمه "
ضحكت وقلت
" انا بموت فى الاكل .. بعشقه لو عشت ثانيه من غير ما لاقى الاكل ممكن قلبى يضعف "
بصت عليا بتدبر وقالت
" مش باين عليك ده انتَ حتى باين عليك عندك عضلات "
ضحكت وقلت
" اه ما انا باكل كتير ومش بيجرالى حاجه بفضل زى ما انا .. معلشان كده مفلس فؤاد .. بفضل اكل اكل ويجى يقولى يا ابنى انتَ لازم تخس شويه ..ساعتها بفردله عضلاتى وبقوله فين يا بابا هو انا ناقص خساسان "
ابتسمت وقالت
" طيب الحب العادى يا يوسف مش حبك لى الاكل "
قلت
" هو انا شايف ان طول ما انتَ بتحب الى قدامك فهو هيحبك بالطريقه الى انتَ بتعامله بيها .. الى بيحب بجد ممكن يعمل اى حاجه .. الحب جميل "
قالت
" اسمع .. انتَ قلت ان انتَ عمرك ما عيط ..بس ممكن تعيط بسبب الحب الى انتَ بتقول عليه جميل "
استغرب وقلت
" ازاى .. ومين قالك ان انا هعيط."
ابتسمت وقالت
" غصبن عنك .. انتَ لوبتحب واحده بجد وهي كمان بتحبك وبعد كده راحت لى حد غيرك او مثلا طلعت حاجه فرقت ما بينكم هيبقى ايه شعورك .. عاوزه اقولك يا يوسف ان فى حاجه اسمها مشاعر والمشاعر دى صعب حد يفهمها غير نفسك بس ... انتَ ممكن اي حاجه زى ما انتَ بتقول متخلكش تعيط ..بس مشاعر الحب انتَ مستحيل تقدر تتحكم فيها "
ابتسمت وقلت
" هو انتِ ليه دايما كلامك كبير ومعقد ليه عمرى ما لقيت كلامك مبسط "
ابتسمت وقالت
" معرفش "
قلت
" طيب ايه رأيك ننزل نقعد شويه قدام البحر "
ابتسمت وقالت
" ادخل ارسم يا يوسف "
فكرتنى بالهم تانى
" ما انا مش عارف ارسم ايه "
بصت للبحر وفضلت ثلاث ثوانى بعد كده قالت
" انتو بترسمو ايه دايماً "
قالت
" امبارح رسمت اموجى مبتسم ووراه اشكال رباعيه "
قالت
" طيب وبقيت الدفعه بتاعتك "
قلت
" بيرسمو اى حاجه مبهجه .."
قطعت كلامى وقالت
" علشان كده انتو عمركو ما كسبتو يا يوسف ..انتَ تخليهم هما الى يرسمو فرح يا يوسف .. انتَ ارسم حزين "
ضحكت وقلت
" اناا الى عمرى ما عيط ولا حسيت بالحزن اوى ارسم حزن "
قالت
" اه .. ما علشان هما متوقعين ان انتَ عمرك ما رسمت حاجه حزينه يا يوسف ..حرب وارسم كده "
قلت
" طيب ارسم حزين ازاى "
فكرت شويه وبعد كده قالت
" عارف الصحراء وقت الغروب بيبقى لونها برتقالى فاتح شويه ..انتَ هترسم الصحراء دى وفوقيها السماء بس على الخفيف بنت بتعيط وبينزل من عيونها دموع على هيئة رمله. ... "
ابتسمت وقطعت كلامها
" وعلى اساس دموع عينيها هتبقى اتكونت الصحراء "
ضحكت بصوت على جدا ونطيت فى مكانى وقلت
" انتِ ازاى جالك الفكره دى .. ايه للدرجه دى انتِ حزينه "
ابتسمت وقالت
" لأ انا عاديه خالص مش حزينه "
ابتسمت وقلت
" انتِ رهيبه فى التفكير .. بجد شكرا ومليون شكرا"
بصت للبحر وقالت
" على ايه .. العفو "
بصيت انا كمان على البحر ورجعت بصيتلها وقلت
" شكلك بتحبى البحر .. عمرك ما جربتى تعومى فيه "
قالت
" هو جميل وانا بحبه جدا .. بس مبعرفش اعوم .. ونصيحه منى ليك يا يوسف متديش الامان لأى حد اياً كان حتى البحر علشان ممكن يغدر بيك "
وبعد كده قالت
" انا هدخل .. وانتَ روح ارسم .. بالتوفيق ليك "
ودخلت نغم
وانا دخلت الاوضه بتاعتى وفضلت اعمل حركات هبله قدام المرايه ووقفت على السرير وفضلت انط عليه ولقيت بعديها التليفون بتاعى بيرن
رحت لقيت بابا وكمان لقيته رانن عليا سبع مرات
رنيت عليه
وقلت
" الو .. الى خرم ودانك وكنت بتتكلم معاه كل ده مين"
ضحك وقال
" انا مش كنت برن عليك مردتش ليه "
قلت
" كنت باشوف كده حاجه المهم دلوقتى انتَ كنت بتكلم مين "
رد وقال
" وانتَ مالك "
قلت
" طبعاً هي الفلوس المدفوعه على الفاتوره بتاعت التلليفون دى من جيبك ..بس ماشى لما اشوفك "
ضحك وقال
" هو انتَ مش هترحمنى هنا وهناك .. وبعدين ما انا الى بدفع .. انتَ بتعمل ايه دلوقتى "
قلت ولا حاجه
هبدأ فى الرسم اهو
قال
" ماشى انتَ عاوز حاجه "
قلت
" ايوه .. اكد على الانوار والحنفيات وشوف البتوجاز قبل ما انام "
قال
" حاضر .. يلا سلام "
قلت
" بابا استنى انا عاوز اقولك حاجه "
قال
" قول "
" انا شكلى يا بابا هغير رأيي فى موضوع الجواز من بنت الست الى هتبقى مراتك "
لقيته سكت وقال
" نعم يا ابنى العزيز .. اه اه يا قلبى ..قلبى واجعنى يا يوسف "
قلت بسرعه
" خلاااص .. خلاص يا بابا ..اعتبرنى مقلتش حاجه
سلام "
رجع صوته لنبرة الفرح عادى وقال
" طيب يا حبيبى سلام .. تثبح على خير "
قلت
" تصبح على خير .. هي الساعه كام "
قال
" الساعه دلوقتى تسعه الا ربع "
بصيت على ساعة الموبايل بتاعى وقلت
" ازاى كل ده لحق يعدى ده انا افتكرت وقفت معاها عشر دقايق بس "
قال
" هي مين دى يا يوسف "
قلت
" لا ولا حاجه .. سلام يا بابا "
قال
" سلام "
قفلت معان ورحت جهزت حاجة الرسم وبدأت فى الرسمه الى نغم قالت عليها والى الوقت مع نغم بيعدى بسرعه جدا .. بس انا راضى ان هو يعدى بسرعه طول ما انا معاها ..
سمعت نفس اللحن الى سمعته وانا داخل على الاوضه
اللحن فى كمية جمال .. ساعدنى على ان انا اعرف ارسم ...