احبَبْتُكْ بقدر ما كَرِهتُكْ.

الخامسه والثلاثون

سلمى فضلت تنادى على نغم بصوت عالى .. وانا كنت واقف باصص على سلمى وتاج وهما بيحاولو يصحوها
وقف جنبى عمر وقال بصوت واطى
" انا فى الأفلام بشوفهم لما بيقعو كده بيكونو .. "
قطعت كلامه وقلت
" بس يا ابنى اسكت .. افلام ايه دلوقتى "
قالت تاج
" طيب حد معاه عربيه "
قال عمر
" انا .. جاى بعربية بابا "
بصيت لى سلمى وقلت
" اوعى انتِ كده بقى "
ورحت شلت نغم من على الأرض ونزلت على عربية عمر .. وهو قدامى قتح الباب الى ورا ودخلت نغم
قال عمر
" نروح انهي مستشفى "
ضحكت وقلت
" مستشفى .. ليه ان شاء الله علشان فقدت الوعى بس
روح على بيتها "
فضل يسوق العربيه وانا ابص على نغم لغاية ما وصلنا
شلت نغم وطلع عمر قدامى يرن الجرس فتح بابا الباب وقال
  " ايه ده فى ايه "
قال عمر
" لا ولا حاجه ده احنا بنضرب على المسرحيه الجديده"
دخلت على الأوضه وحطيتها على السرير
جت مامتها ومعها ازازة برفان
بصيتلها وقلت
" ايه ده يا طنط "
رحت جبت ازازة ماء
ودخلت على نغم ودلقتها كلها على وشها
فاقت نغم وقعدت على السرير مره واحده واول ما بصت عليا رجعت نامت تانى .. تيه الأستهبال ده
بصت عليا مامتها وقالت
" ايه الى حصل يا ابنى "
لقيت عمر بيقول وهو واقف قدام باب الأوضه
" والله يا طنط انا بقول .. ان البطله لما بتفقظ الوعى فى الأفلام بتبقى .. "
قلت بزعيق وانا رايحلو
" يا ابنى اسكت بقى .. ارحمنى "
وطلعنا برا الأوضه انا وهو وبابا
وسبت مامتها بس الى جوا

                            *******
" نغم "
لقيت نغم قامت بسرعه وقالت
" ماما .. خليكِ قاعده معايا فى الأوضه متطلعيش "
بصيتلها بأستغراب وقلت
" ايه يا بنتى فى ايه "
قالت وهي بتغير الفستان
" بالله عليكى لو يوسف قالك هي فاقت ولا لأ .. قوليله لسه .. وعرفيه ان انا تعبانه وبموت "
قلت
" لسه هو ايه الى حصل .. وانتِ كان مالك "
قالت
" محصلش حاجه معايا يا ماما "
وقربت منى وهمست فى ودانى وقالت
" كنت بمثل يا ماما "
بصيتلها بأستغراب اكتر وقلت
" حد يمثل بالطريقه دى "
قالت
" معلش .. اول واخر مره "
قلت
" طيب .. وانتِ ليه عملتى كده اصلاً "
قالت وهي بتعدل شعرها لى ذيل حصان وقالت
" بصي يا ماما .. بكرا هحكيبك الموضوع "
وراحت نامت على السرير وقالت
" قوليلو ان انا لسه مفقتش وان انا تعبانه .. علشان خاطرى يا ماما "
انا مش فاهمه اي حاجه
بس رحت فتحت الباب واول مقفلته لقيته بص عليا بعصبيه وقال
" نغم صحيت "
قلت وانا بقعد على الكرسى
" لا دى شكلها تعبانه اوى يا يوسف يا قلب أُمَها "
لقيت صاحبه الى جاى معاهم عمال يضحك ويقول
" طيب همشى انا بقى يا يوسف واسيبك انتَ مع قلبك"
وراح صاحبه فتح الباب ومشى
قال فؤاد لى يوسف
" هو ايه يا ابنى الى حصل "
وقف يوسف وهو رايح فى اتجاه الأوضه وقال
" ولا حاجه يا بابا .. بس هاخد العصير ده اشربه جوا وهخلص واحكيلك "
ودخل الأوضه وقفل الباب
وبعد خمس دقايق لقيت خبط جوا الأوضه وحد بينط
ونغم بتقول بصوت عالى
" يا ماما "
وقف فؤاد وقال
" الله الله .. ايه الى بيحصل جوا ده "
قلت
" انا مش فاهمه حاجه والله يا فؤاد "
لقينا الباب بيخبط فقمت رحت فتحت الباب
لقيت سلمى صحبت نغم
قالت
" ازيك يا طنط عامله ايه انا كنت جايه اطمن على نغم"
ابتسمت وقلت
" ادخلى يا حبيببتى اتفضلى "
دخلت الشقه وقالت
" هي فين نغم "
قال فؤاد
" هي جوا فى الأوضه اتفضلى ادخلى "
راحت على الأوضه فسمعت صوت نغم وهي بتنادى عليا بصوت عالى
فبصيتلى وقالت
" هو في ايه "
وراحت فتخت الباب وبصيتلى بأنصدام
رحت ابص على الأوضه وورايا فؤاد ولقيت يوسف قاعد على الكرسى ونغم مريحه على السرير وبتشرب عصير قالت سلمى
" انت ايه الى جابك هنا "
قلت
" يا حبيببتى نغم تبقى مراته "
بصت نغم على يوسف وابتسم يوسف وقال
" ليه كده يا طنط الصدمه هتبقى كبيره على سلمى "
قالت سلمى
" ايه ده ازاى .. وانتِ وافقتى ازاى يا نغم "
نامت نغم من تانى ومش عارفه هل ده تمثيل برضو ولا لأ
قالت سلمى
" طيب انا اطمنت على نغم .. بعد اذنك "
وفتحت باب الشقه ومشيت
قامت نغم وقالت لى يوسف
" عجبك كده كل ده بسببك يا بارد "
قام يوسف واخد منها كوباية العصير وشربها وقال
" انتِ تسكتى خالص .. انتِ فاهمه "
قالت نغم
" لأ اوعى بتكون فاكر ان انتَ ممكن تزعقلى والكلام ده كلو "
قلت
" ما هو انا مش هسيبك غير لما تقولى كنت دى بتقولى ايه لى احمد وواقفه معاه مرتين ليه كان بيقولك ايه "
قالت نغم
" والله يا يوسف .. طيب وانت كنت بتعمل ايه مع الأستاذه تاج .. مش دى متكبره وبارده ولا ايه "
قال يوسف
" ملكيش دعوه .. وبعدين انتِ مش قلتى ان انتِ مع سلمى لما رنيتى عليا "
قالت
" ومش انتَ قلت انك مع عمر "
بص ليا يوسف وقال
" بصى يا طنط هي رنت عليا وقالت
" الو ماما قالت لي اطمن عليك انتَ فين .. وقلت لها انا مع عم .. وفعلا انا كنت مع عمر .. وهي قال لى انها مع سلمى "
بصيت لى نغم وقلت
" انا امتى قلت ليكِ ترنى على يوسف "
بص يوسف على نغم وقال
" اصلا "
قالت نغم
" لا .. ماما هي الى قالت ارن مش صح يا ماما "
قلت
" اه اه افتكرت "
ابتسم يوسف وقال
" ماشى خلاص شكرا ان انتِ رنيتى "
وبعد كده قلب وشو وقال
" برضو كنتى بتعملى ايه مع احمد "
قالت نغم
" مش هقول .. غير ما انتَ كمان تقول "
قال يوسف
" ماشى انتِ حره .. انا هبقى فى شقة بابا  .. سلام "
وطلع برا الشقه ...