احبَبْتُكْ بقدر ما كَرِهتُكْ.

الحلقه الخامسه

" ايوه يا ماما انا وصلت بقالى ساعه "
ردت عليا وقالت
" طيب تمام .. انتِ هتعملى ايه دلوقتى "
قلت
" هنام يا ماما "
قالت
" تصبحى على خير يا قلبى "
وقفلت
وانا قعدت على السرير واخيرا بعد محاوله بدأت انام
لكن .. ايه الصوت ده ..ده صوت حد زي ميكون بيهد الحيطه الى جمبى قمت من على السرير مخضوضه
بعد كده لقيت الصوت وقف ..رحت انام على السرير لقيت الصوت اشتغل من تانى ولما قمت من على السرير لقيته وقف
وسمعت صوت بيقول
" اه ..يااااا كابتن هوك يا عود الفجل يا عود الفجل .."
هو مين عود الفجل ده
رحت نمت على السرير وجبت المخده فوق وشى
بعد كده لقيت الصوت عمل تانى
قمت وخبط على الحيطه لقيت الصوت سكت
بعديها كنت جايه امشى لقيته بيخبط خبطتين
خبط على الحيطه تانى لقيت الى فى الاوضه التانيه
خبط اجمد منى
يوووه رحت على السرير بتاعى وجبت المخده فوق وشى واقنعت نفسى ان انا انام ..لأن انا عاوزه انااااام ..

♡♡♡♡♡♡♡
1:00 p.m

" ايوه ..الو يا ابنى سامعنى "
رد احمد وقال
" اه يا ابنى انتَ فين صحبنا كلهم هنا فى الاوضه بتاعتى ..مش جاى ولا ايه يا ابنى "
لبست الساعه بتاعتى
وقلت
" انتَ فين يا قلب ابنك "
قال
" اه انا فى اوضه رقم اصبر ثانيه
اه ثلاثه وعشرين ..متتأخرش "
قفلت معاه ورحت طلغت برا الاوضه بتاعتى
لقيت الاوضه الى جمبى رقم ثلاثه وعشرين
ضحكت واتفجأت ان احمد هو الى كان بيخبط على الحيطه وانا برسم على الحيطه
خبط على الباب اربع خبطات
وحطيت ايدى فى جيبى وكنت بعدل فى شعرى
لقيت بنت هي الى فتحت ليا الباب
وبتقول
" اممم ..نعم "
بصيت على رقم الاوضه من برا وبعد كده قلت
" معلش ..انا اسف "
واديتلها ظهرى وابتسمت لأنها نفس البنت بتاعت المترو ..اكيد مش معجب بالبنت بس فرحان
مسكت الموبايل بتاعى ورنيت على احمد واول مارفع
قلت وانا بضحك
" يا اعمى انتَ ايه ساقط رياضه كام سنه ..انتَ فى اوضه رقم اتنين واربعين مش اربعه وعشرن "
ضحك وقال
" ايه ده بجد لأ ثانيه ... بس انا قلت لى كل صحابنا على رقم الاوضه وجولى على طول "
ضحكت وقلت
" ما هو حاجه من الاتنين .. يا إما قرفو الى فى الاوضه الى جمبى يا أما كلكو دماغ واحده ..انا خايف لأتعدى منكم "
ضحك احمد وقال
" طب انتَ فين "
قلت
" انا فى الاوضه بتاعتى ..مش رايح فى حته خلاص ..كده كده شويه وهننزل ناكل ..فأنتو بقى جهزو نفسكم كده وانزلو حتى لو هتقعدو شويه على البحر .. وانا هجيب ادوات الرسم ونازل اهو ..سلام"
رحت جهزت الشنطه بتاعتى واللوح ونزلت تحت على البحر ..ولقيت منهم الى قاعدين على البحر والى بيتكلم على الموبايل والى بيرسم لوحه ليه
رحت وقفت جمب الى بيرسمو وبدأت ارسم موج البحر
" واخيرا خلصت اللوحه "
جه بص عليها احمد وقال
" لأ تهبل ده احنا مش هنطلع المركز الى قبل الاخير لأ يا يوسف ده احنا هنطلع المركز الاخير "
ضحكت وقلت
" لأ وايه ..مع مرتبة الشرف كمان "
ضحك وقال
" طب ايه ..انا طالع "
اخدت اللوحه بتاعتى وقلت
" انتَ لازم تشوف اللوح الى انا عملتها فى الاوضه "
ضحك وقال
" هدفعنا غرامه يا يوسف "
قلت
" لأ عيب عليك .. ده انا صارف على الورق الى حطيته على الحيطه ٢٠٠جنيييه "
طلعنا على السلالم ودخلنا الاوضه بتاعتى واول ما دخلنا قال احمد
" لأ تصدق حلو ..انت راسم نجوم وبحر ..وتقول صارف ٢٠٠ جنييه خساره الرسومات دى وبعدين الحيطه دى فاضيه ليه ..لسه مجلكش فكره ترسمها ولا ايه "
قعدت على السرير وهو قعد على الكرسى وقال
" لأ حلو .. حلو اوى كمان "
ضحكت وقلت
" ايوه ما انا لازم اكون مختلف عن الاخريين "
قام وقف على الكرسى وقال
" تعرف يا جو .. الأوضه دى محتاجه ساعة القبطان هنا"
ضحكت وقلت
" طب قعد علشان الجيران ميشتكوش "
خبط على الحيطه وقال
" انهى جيران هنا ولا هناك "
قمت من على السرير وقلت
" اهدى بقى يا ابنى "
قام قعد يخبط على الحيطه وقال
" ولد ولا بنت "
قلت
" بنت .. بس بطل علشان مينفعش دى شكلها مبتتفهمش "
وبعد كده لقيت الخبط من عندها
ضحك احمد وقال
" يالا الهول ..دى بقى كلمة السر الى بنكو ..يا ابن الأيه"
قمت تاخرته عن الحيطه وقلت
" ولا يالا الهول ولا ابو الهول .. اهدى يا احمد واسكت ..تعرف تسكت "
ضحك وقال
" اصبر بس مره اخيره "
وراح فى اتجاه الحيطه تانى وفضل يخبط
والمره دى التخبيط مكنش على الحيطه يا عزيزى ده كان على الباب ...