احبَبْتُكْ بقدر ما كَرِهتُكْ.

الحلقه الخامسه والعشرون

روحنا على الفندق وانا فرحان لأن نغم معانا
وهي طلعت على الأوضه بتاعتها وانا كمان رحت على الأوضه بتاعتى
ومسكت الروايه بتاعت 11.11
وحضنتها وطلعت البلكونه ملقتش نغم واقفه
رحت خبط على باب الأوضه لقيت نغم مفتحتش
خبط تانى وبرضو مردتش حتى ترد .. خبط جامد وقلت
" نغم .. نغم انتِ بخير .. نغم "
لقيتها فتحت الباب وكانت واقفه قدامى
بصيتلها بأستغراب وقلت
" انتِ مردتيش ليه فى الأول "
قالت
" كنت خايفه "
قلت
" خايفه من ايه يا نغم "
فضلت باصه عليا ومكلمتش وبعدها قفلت الباب فى وشى
خبط عليها تانى وهي مردتش تفتح رحت البلكونه
ولقيتها واقفه فى البلكونه قلت
" على فكره انا عاوز اقولك حاجه .. انا عرفت كل حاجه .. ووعد منى هو عمره ما حتى هيفكر انه يلمسك تانى .. ده وعد "
قالت
" انا قلت لك ساعتها متمشيش يا يوسف "
قلت
" والله خلاص انا فضلت الوم نفسى .. وعد منى مش هيقدر يأذيكى تانى "
هزت راسها وقالت
" ماشى يا يوسف "
ابتسمت وقلت
" ومتخافيش تانى من اي حاجه .. وبعدين انتِ لازم ترجعى تانى تعزفى علشان خاطر المسابقه يا نغم "
قالت
" مش عارفه لسه هعزف ايه و لسه معرضش على المشرفه اللحن بتاعى "
قلت
" ممكن يا نغم تعزفى اللحن الى انتِ دايما بتعزفيه الى انتِ لحنتيه المره الى فاتت "
ابتسمت وقالت
" انا عرفت انا هعزف ايه يا يوسف خلاص .. انا هعزف اللحن الى بابا كان دايما بيعزفه ليا قبل ما انام .. استنى هسمعهولك "
ودخلت علشان تجيب الكمان وجت البلكونه ومسكت الكمان وكانت هتبدأ فى العزف لكن نزلت الكمان وقالت
" ده مش الكمان بتاعى "
وبصت عليه وقالت
" مش هو "
قلت
" طيب حتى لو مش هو فيها ايه .."
قطعت كلامى وقالت
" مش هعرف .. وبعدين ده كان كمان بابا ..راح فين يا يوسف .. انتَ تعرف هو فين "
قلت
" اه اعرف .. هو اتكسر ..بس انتِ تقدرى يا نغم "
بدأت عينيها تدمع وتقول
" اتكسر .. ومين الى كسره وبعدين ده مش مجرد كمان فى حياتى ولا اله موسيقيه .. ده كان الكمان بتاع بابا يا يوسف قبل ما يموت زى كده السلسله بتاعت مامتك"
قلت
" خلاص يا نغم هو اتكسر مش هينفع يرجع تانى لكن دلوقتى انتِ ممكن تركزى على اللحن .."
قطعت كلامى وقالت
" مش هقدر يا يوسف خلاص .. انا ندمانه ان انا طلعت  المسابقه دى "
قلت
" انتِ كنتى مبسوطه ان انتِ الى هتعزفى "
قالت
" خلاص .. مش هعرف "
قلت
" ليه انا هساعدك يا نغم "
قالت
"ازاى "
قلت
" فين الورقه الى فيها اللحن الى انتِ هتعزفيه "
دخلت الاوضه ورجعت جبتهولى
وقالت
" اتفضل .. هتعمل ايه "
بصيت علي اللحن ومكنتش فاهم حاجه لكن هي بدأت تشرحلى وكانت بتعلمنى لحن لحن وعلى وتر وتر على الكمان بدأت تعزف لغاية ما خلصت اللحن كلو
ابتسمت وقلت
" اهو يا نغم كل حاجه سهله "
ابتسمت وقالت
" اول مره الاقيك ذكى يا يوسف "
قلت
" افندم .. انا ذكى على فكره "
ابتسمت وقالت
" اه ما انا عارفه .. بس افتكرت انتَ الى عاوز تتعلم اللحن طلعت بتقول كده وخلاص علشان تعرفنى ان انا
اقدر اعزف على اي كمان "
و ابتسمت وقالت
" شكرا   "
قلت
" على ايه "
امدت ليا الكمان وقالت
" سمعنى انتَ بقى "
ابتسمت وقلت
" لا .. انا مش هعرف "
قالت
" يا يوسف انا لسه معلماك وانتَ قايل ان اللحن حلو يبقى انتَ هتعرف تعزف متخافش "
مسكت الكمان وحاولت اعزف ولفعلا نجحت
وبعد ما خلصت اللحن قالت نغم
" شفت عرفت اهو "
ابتسمت وقلت
" اه انا بعزف حلو اوى .. بس كده مش هعرف اعزف غير اللحن ده بس صح "
قالت
" اه .. بس لو جيت اتعلمت لحن جديد هيبقى سهل "
عدلت شعرى لى ورا وقلت
" كويس ان انا اتعلمت اللحن الى باباكى كان بينيمك عليه علشان خاطر ابقى اعزفهولك قبل النوم لو معرفتيش تنامى "
ابتسمت وقالت
" ده امتى .. يلا يا يوسف سلام علشان انا داخله انام "
ابتسمت وقلت
" ماشى .. سلام اشوفك فى الأحلام "
قالت
" انا مش حهلم النهارده "
ابتسمت وقلت
" هنشوف "