احبَبْتُكْ بقدر ما كَرِهتُكْ.

الحلقه التاسعه

واخيراً خلصت اللوحه بتاعتى بصيت على الساعه
لقيتها الساعه 《11:11》p.m
كنت قرأت فى روايه قبل كده ان الامانى بتتحقق فى الوقت ده
مش عارف تخاريف ولا لأ بس ساعات بدعى دعوه
وبتتحقق
ان انا اكون فرفوش على طول والدعوه دى لغاية دلوقتى زى ما هي
كده انا خلصت مش فاضل اى حاجه غير
الامضى .. اللوحه تجنن بطريقه فظيعه
انا اكيد كنت لازم احط لمساتى الاخيره .. كتبت اسمى تحت اللوحه وفوق اسمى عملت رسم نغمات الموسيقى على اساس ان ده ده اسم نغم 🎼.
واخيرا ولست اخرا نمت نوم عمييييق ....

♡♡♡♡♡♡♡

" الو يا سهير عامله ايه "
ردت سهير وقالت
" الو يا فؤاد .. هو مش احنا لسه قافلين مع بعض من ثلاث ساعات "
ضحكت وقلت
" ايوه ده من ثلاث ساعات بقى "
ضحكت سهير وقالت
" اه .. طيب انا عاوزه انام .. ولا اقولك ابنك عامل ايه"
قلت
" هو ايه حكاية ابنى .. هو انتِ هتتجوزيه ولا هتجوزينى انا "
ضحكت وقالت
" هنجوزك انتَ طبعاً ..بس ابنك هيتجوز بنتى "
قلت
" ابنى كويس يا ستى .. ومتخافيش هو هيتجوز بنتك يعنى هيتجوزها "
وكملت وقلت
" انتِ بنتك وافقت ولا ايه "
سكتت شويه وبعد كده قالت
" هي قالت ليا سبينى افكر يا ماما .. هي نَغَم كده صعب حد يفهمها .. اقولك على حاجه .. ربنا يكون فى عون ابنك لما يتجوزها "
ضحكت وقلت
" هنشوف ساعتها ايه الى هيحصل "

♥︎♥︎♥︎♥︎♥︎
2:30A.m.

" يا يوسف .. يا يوسف "
يووه
" عاوز انام يا احمد سيبنى "
" انا مش احمد يا ابنى انا عمر ..قوم يا ابنى اصحى "
" لا مش هصحى اسكت بقى "
قال
" يا ابنى قوم يا يوسف معاد الاكل يا ابنى "
قمت بسرعه من تلى السرير وقلت
" اكل .. اكل .. عشر دقايق وتلاقينى جاهز "
ودخلت بسرعه استحميت وغيرت هدومى وسرحت شعرى لو ورا وعدلته بأيدى
وفتحت الاوضه وقلت
" يلا .. نروح ناكل .. متعرفش عاملين اكل ايه "
ضحك عمر وقال
" معاد الأكل الساعه ثلاثه اصلا "
ضربته على ظهره على الخيف وقلت
" بتصحينى ليه طيب يا عمر "
ضحك وقال
" مسابقة الرسم .. هنعرض رسوماتنا ..ومعانا البنات والمشرفه قالت شوف يوسف خلص اللوحه بتاعته ولا لأ "
ابتسمت وقلت
" اه خلصتها "
ودخلت الاوضه جبتها
ونزلت على اوضة العرض انا وعمر
و البنات كانت مجهزه رسومات .. البنات من الكُليه بتاعتنا يعنى لو كسبه هبقى برضه مبسوط .. بس الى كل مره بيكسبه هما الى من كُلية الموسيقى علشان كده واخد كل الحذر منهم زى ما الدكتوره قالت ..
واخيرا جه الدور على الولاد .. وفعلا زى ما نَغم قالت
معظمهم راسم خيال او فرح .. اما انا ساعت ما الدرو جه عليا كلهم مش صدقو ان انا الى راسم اللوحه دى
واحمد قال
" ازاى بالله عليك رسمت حزن "
وكنت فى كمية الفرح
والى مشرفين على المسابقه استفسرو على النغمات الى انا عاملها الى هو كأنها اسم نغم .. قلتلهم
" ان دى لمساتى والى تدل على ان انا الى رسمها وان دى الأصليه وان بعد كده دى هتبقى الامضه بتاعتى "
وقال مشرف المسابقه
" اسمع .. انتَ موهوب جدا .. وانا شايف ان انتَ تطلع المركز الاول .. ومحمود المركز الثانى .. ومحمد المركز الثالث .. ودايما مفوقين وعقبال الاسبوع الثانى .. لأن كل اسبوع كل واحد هيطلع لوحه منه "
متتصوروش اد ايه كنت فرحان
واخده اللوحه بتاعتى وعلقوها قدام المطعم بتاع النادى الى احنا قاعدين فيه انا رسمتى فى النص ورسمت الى اتنين التانين جمبى واحده على الشمال والتانيه على اليمين .. وانا الى فى النص
كنت فى كمية فرح لا توصف ..
واخيرا جه عمر وقال
" اهو دلوقتى معاد الاكل "
ضحكت وقلت
" اه .. معاد الاكل "
رحنا دخلنا المطعم .. واخيرا الأكل ..

♡◆♥︎◆♡◇♥︎
" ايوا يا ماما .. لأ انا بخير .. ايوه نازله للغداء ..سلام"
وكنت داخله المطعم لقيت صحابى واقفين بيبصو على اللوح الى متعلقه فوق المطعم
واكيد ميزت اللوحه بتاعت يوسف
وفرحانه ليه اوى ان هو كسب
بدل ما هو مبيعملش اي حاجه غير انه بيضحك ويهزر وبس
دخلت المطعم بكل فرح كأن انا الى كسبانه
مش فرحانه غير لى حاجه واحده انا فرحانه علشان هو كان نفسو يكسب وفعلا كسب وان شاء الله عقبال الاسبوع الجاى والاسبوع الى بعده وعقبال ما المسابقه دى كلها تخلص ..
كل واحد راح علشان ياخد الغداء بتاعه
ويوسف كان قاعد فرحان وفى واحد صاحبه عمال يلعب فى شعره
وقال
" شاطر يا جوو .. بس مش قلتلى على التوقيع الى تحتك ده يبقى مين "
قال يوسف
" اسرااار يا بنى متحرجنيش بقى "
قعدت لوحدى وفضلت اكل لغاية ما جت ليا المشرفه بتاعتنا وقالت
" نَغَم ادربى على اللحن الجديد .. علشان انتِ الى هنطلع بيها "
قمت وقفت بكل فرح وقلت
" انا ..مش حضرتك قلتى ان 'تاج' هي الى هتطلع "
ابتسمت وقالت
" اه .. بس دلوقتى 'تاج' بقت احطياتى .. علشان خاطر هي شكلها كده جايه تستمتع بوقتها وبس "
ابتسمت وقلت
" تمام .. انا كده كده اصلا شغاله فيه "
ابتسمت المشرفه وقالت
" تمام .. وان شاء الله نطلع مركز .. ومتعرفيش لى اى حد من الكُليات التانيه انتِ هتقولى انهى لحن علشان خاطر كليه الولاد بتاعت الموسيقى متكسبش .. انا قلتلك اهو يا نَغَم "
قلت
" حاضر .. مش هقول "
ابتسمت وقالت
" تمام .. انا طالعه الاوضه .. سلام "
مشيت المشرفه وانا فضلت
بفكر اعمل لحن ايه وبعد كده جيت اقوم
لقيت يوسف واقف قدامى وابتسم وقال
" ممكن قعد "
هزيت راسى ب 'اه'
قعد وبعد كده فضل باصص عليا لمده ثلاث ثوانى ساكت
بصيتلو بأستغراب وقلت
" مبروك .. وعقبال ما تفوز فى النهايه "
ابتسم وقال
" اه .. ان شاء الله .. وعاوز اقولك شكرا شكرا شكرا "
ابتسمت وقلت
" على ايه .. انتَ دايما بترسم ابتسامات وبترسم رسومات ضحك .. فأنتَ لم غيرت عجبتهم .. انا عملت حاجه "
ضحك وقال
" على فكره ..انا منستكيش ووقعت ليكى فوق اسمى
على شكل نغمات .. يا نغم "
ابتسمت وقلت
" تمام ..شكرا "
ابتسم ووادانى رواية انتَ لي وقال
" على فكره الروايه الاستعاره بتاعتها اخرها الاسبوع الجاى "