احبَبْتُكْ بقدر ما كَرِهتُكْ.

الحلقه التاسعة عشر

قالت نغم
" شكرا يا يوسف "
قلت
" العفو على ايه "
وراحت نغم قعدت على الطربيظه وعدت من جنبى تاج وهمست
" لما تيجى تعملى فخ يا يوسف اتأكد ان هي مش معايا "
بصيتلها بكل برود مع ان جوايا غضب بُركان وقلت
" شكرا على النصيحه "
ومشيت تاج
بس انا مش هسكت على كده ومتهيألى كده عرفت انا هعمل ايه فيكى يا تاج ...

                          *********
" اهم حاجه يا نغم متكونيش زعلانه .. انا فعلا مكنش قاصدى اوقعك من على اليخت "
ابتسمت نغم وقالت
" خلاص يا تاج انا مصدقاكى وقابله اعتذارك "
ابتسمت وقلت
" ماشى .. انا هاروح بقى اكل على الطربيظه الى فيها اصدقائى .. سلام "
وقمت من جنبها ورحت قعدت على الطربيظه بتاعتى
ولقيت يوسف بيبص عليا
فاكرنى مش فاهمه حاجه ولا فاهمه ان هو كان عاوز يوقعنى .. بس على مين يا يوسف انا اذكى منك بمليون مره .. ولما نشوف حكايتك مع نغم دى هتنتهى على ايه .. لكن احب اقول انها مش هتنتهى على خير ابدا
ويوسف المفروض يلوم نفسو لأن هو الى بدأ اللعب معايا .. وانا موافقه ..
خلصت اكل و طلعت فى الدور الى فيه الأوضه بتاعتى
فضلت كالعاده ادور عليها لغاية ما لقيت رقم الأوضه
طلعت مفتاح الاوضه بتاعى وحاولت افتح فى الأوضه
مرضتش تتفتح
لكن لقيت حد فتح الباب من جوا
ولقيت جوا الأوضه صاحب يوسف الى اسمه عمر
بصيتلو بأستغراب وقلت
" انتَ بتعمل ايه فى الأوضه بتاعتى "
ابتسم وقال
" الأوضه بتاعتك ايه "
ولقيت صوت من ورايا بيقول
" تاج .. بتعملى ايه هنا "
بصيت لقيتها المشرفه بتاعت كلية الرسم ويوسف واقف جنبها وكاتم ابتسامتو
وعرفت ان ده مقلب منه علشان يرد ليا وقعت نغم
لكن انا قلت
" انا دى الأوضه بتاعتى .."
وشاورت على رقم الاوضه وقلت
" وده رقم الأوضه بتاعتى "
قالت
" ورينى رقم المفتاح بتاعك "
اديتهولها لقيتها بصت على الباب وقالت
" سلامة النظر "
بصيت على الباب لقيت الأرقام اتبدلت .. بس انا كنت شايفاها رقم الأوضه بتاعتى .. ماشى يا يوسف
اخدت المفتاح من المشرفه وقلت
" انا اتلغبط "
قالت المشرفه بأنفعال شديد جدا وكل الى كان فى الدور طلع من الأوض بتاعته وبصو عليا وانا بتهزق منها
" اسمعى يا تاج انتِ كده غلطاتك كترة اوى مره خروج من ورا المشرفه بتاعتك وده ممنوع .. والمره التانيه كنت رايحه اوضة ولد الله اعلم ليه "
قلت
" لأ حضرتك فاهمه غلط .."
قطعت كلامى وقالت
" انا قلت اهو .. المره الثالثه هقول للمديره الى ماسكه المسابقه عليكى .. انتِ فاهمه "
هزيت راسى ب ماشى
وأول ما خلصت كلام زعقت لى الولاد والبنات الى طلعو من اوضتهم علشان يشوفو فى ايه .. وانا سبتها وكنت راحه على الأوضه بتاعتى لقيت يوسف فى وشى وبيقول
" تاج .. معلش على التهزيئات .. بس محدش قالك تلعبى معايا انا اللعبه دى .. وهقولك على حاجه اخيره
ابعدى عن نغم "
وضحك وقال وهو نازل من على السلم
" لأ بس عاوز اقولك ان انتِ وانتِ بتتهذئى شكلك بيبقى حلو "
قلت
" يوسف "
وقف وبص عليا
قلت
" انتَ الى بدأت اللعب وحش ... بس انتَ ليك نقطة ضعف اسمها نَغم .. وافتكر انتَ مش قدى "
وسبته وطلعت الأوضه بتاعتى ...