احبَبْتُكْ بقدر ما كَرِهتُكْ.

التاسعه والثلاثون و (الأخيره)

" طيب يا يوسف .. انا احمد كلمنى كتير وقال ان انت كنت السبب فأنك تسرق اللحن بتاعى .. وانا مصدقتوش .. وكنت واقفه معاه يوم عيد ميلاد الى اسمها تاج دى علشان خاطر هو كان بيقولى ده يوسف هنا صدقتى ان هو بيدايقك زى ما انا قلت .. وساعت ما رحت الكافيه معاه .. كنت رحت علشان اعرف ايه الى بينك وبين تاج .. وان هو حكالى وقال ان انتو كنتو بتحبو بعض زمان وان انت لسه بتحبها علشان كده انت معاها "
قال
" نغم .. هسألك سؤال وتجاوبى "
قلت
" اتفضل "
قال
" انتِ بتحبى احمد .. انتِ ازاى بتحبيه وهو كان السبب فى انك دخلتى المستشفى يا نغم .. ازاى .. ده كان صاحبك وبسببك سبته وبقيت بكرهه .. وكل ده بسببك "
قلت
" وانت برضو خلتنى اكره تاج اكتر ما كنت بكرهها "
قال
" يا نغم اخلصى جاوبى .. بتحبيه "
قلت
" لأ يا يوسف مبحبوش انا قلت كده بس علشان خاطر
ادايقك .. انا مش هبقى مستريحه وانا معاك يا يوسف
مش هعرف اكون معاك يا يوسف .. انا كل ما بشوفك بفتكر يوم ما سرقت اللحن "
وقف وقال
" تمام .. احنا ممكن نسيب بعض يا نغم .. مش موضوع  هو يعنى .. هستناكى عند المأذون .. سلام "
وفتح الباب ومشى
هو كده استسلم وخلاص هسيبه .. ماشى يا يوسف وانا معنديش اي مانع ..

                         *******
فضلت امشى فى الشارع افكر فى كل كلمه نغم قالتها
وانا قلتها لى نغم .. وفكرت ممكن يكون ممكن الى سرق لحن نغم .. وفكرت كمان فى كل صدفه وخروجه كانت بتبقى مع تاج كان لازم يبقى فيها نغم واحمد
ومعنى كده ان كل انا وصلت لى سبب المشاكل
تاج
رنيت على تاج وقلت ان انا عاوز اقابلها
ورحت اقابلها فى الجناين
وشفتها واقفه مستنيانى
رحت وقلت
" تاج .. انتِ ليه عملتى كده .. ليه وقعتى بينى وبين نغم .. خلينى اقولك حاجه نغم لما كانت بتدرب على اللحن معاكم انتِ سمعتيه وعرفتيه ورحتى قلتيه لى احمد واحمد قاله ليهم .. وحكاية العيد ميلاد انتِ مش رنيتى عليا كده وخلاص انتِ كنتى قاصده علشان تجمعينى انا وهي .. كنتى بتخلى احمد يقف معاها علشان اكره نغم وادايق اكتر .. وانا كنت بدايق من نغم
ولما رحنا الكافيه .. انتِ كنتى عاوزه تعرفينى ان هما سوا يا تاج .. شاطره يا تاج بجد تاخدى جايزه فى التوقيع بين الناس زى مرات عمى "
قالت
" هي السبب يا يوسف .."
قطعت كلامها وقلت
" السبب ايه .. هي ملهاش دعوه يا تاج .. انا الى حبيتها .. انا الى بحبها .. انتِ اصلا متعرفيش ان احنا متجوزين يا تاج "
بصيتلى بأندهاش وقالت
" اتجوزتو "
قلت
" اه .. ايه رأيك بقى .. يلا افرحى ولا ازعلى .. بس انا معرفش انتِ كده ليه يا تاج "
وسبتها ومشيت ولقيت نغم بترن عليا بتقول
انا فى الشارع ويلا علشان نروح للمأذون
رحت عندها وهي مكلمتش معايا ولا انا كمان مشيت بعدها بشويه وهي كانت ورايا وبعد كده لقيتها بتقول
" يوسف "
بثيتلها وقلت
" هاا "
لقيتها بتعيط وبتقول
" متسبنيش علشان خاطرى .. الكل سابنى الا انت يا يوسف انت الى استحملتنى انت كنت ابويا واخويا يا يوسف .. انا بحبك "
ابتسمت وقلت
" وانتِ عبيطه يا نغم "
ابتسمت وجت وقفت قدامى وقالت
" بتحبنى "
ابتسمت وقلت
" اه بحبك يا نغم "
قالت
" اد ايه "
فضلت ساكت افكر وبعد كده قلت
" اد الأكل يا نغم "
قالت
" يوسف .. انا والأكل واحد "
ابتسمت وانا بمسح دموعها وقلت
" لأ الأكل اكتر بشويه "
قالت
" يوسف "
قلت
" بهزر والله .. بحبك اووى يا نغم .. بحبك اكتر من الأكل واكتر من المرات الى شغلت فيها اغنية تامر عاشور ".
وبعد كده مسكت ايديها وقلت
" انا بفكر نسيب امك وابويا بقى ونعيش فى بيت لواحدنا .. وهما يتجوزو ونخلص علشان انا تعبت والله"
وقفت وقالت
" ابوك بيحب امى يا يوسف "
بصيتلها وقلت
" هنبقى نشوف الموضوع ده بعدين . شايفه وقت الغروب حلو ازاى "
قالت
" يوسف .. رد عليا "
مسكت ايديها وكملت مشى انا وهي بنخطط لى الى جاى وللمستقبل
ومتهيألى كده عرفت ايه سبب ان يودجين الى فى روبانزل كان من احلى الرجال .. علشان هو استحمل هرمونات روبانزل .. زى ما انا كده استحملت هرمونات حبيببتى نغم .. بس متهيألى انا تستحملت اكتر من يودجين .. مش كده ولا ايه..

           ( تم بحمد الله)