احبَبْتُكْ بقدر ما كَرِهتُكْ.

الحلقه السابعه والعشرون

انا مفيش حد غيرى بيعرف يقنع الناس اكيد وافقت تخرج معايا بعد كل الزن الى انا ذنيته عليها انا مبحبش اسيب الحاجه غير ما اعملها
" يوسف انا عمرى ما هربت من المدرسه .. وانتَ خلتنى اهرب من فندق "
ضحكت وقلت
" نغم طول ما انتِ نعايا متخافيش "
قالت
" طيب انا اهو شفت الشلال .. وشكلو يهبل يلا بقى نروح على الفندق "
ابتسمت وقلت
" طيب مش هناكل "
قالت بزعيق
" لأ .. احنا لسه كنا بناكل على فكره "
قلت
" لأ ده من زمان بالنسبه ليا "
ومسكت ايديها وروحنا على المطعم وقعدنا على طربيظه
قالت
" يوسف انتَ مبتشبعش ابدا "
ضحكت وقلت
" انتِ هتحسدينى ولا ايه يا نغم "
نزل الأكل على الطربيظه والمره دى مش انا الى بدأت اكل ده نغم .. ابتسمت وفضلت ابص عليها وهي بتاكل
كان شكلها شبه الطفله الى اول مره مامتها تسيبها تاكل لواحدها .. نغم صعب تتوصف فى بشر بيبقو شبه الجو اول ما يبقو حبايبك يهدو عليك لكن لما بيقلبو عليك بيبقى عاصفه بتاخد كل حاجه ومتسبش اى حاجه
بصيتلى وقالت
" مش كنت عاوز تاكل "
ابتسمت وقلت
" نغم .. انا بحبك "
وقفت اكل وقالت
" بتحبنى .. انا "
قلت
" اه .. بحبك "
ضحكت وقالت
" ازاى .. انتَ حبتني انا .. وهو انتَ فاهمنى يا يوسف "
ابتسمت وقلت
" اه فاهمك ..مش فهمتك فى الأول لكن دلوقتى بقيتى
خطه وبدرسها وفهمتك عادى يا نغم "
ابتسمت وبصت على. الأكل وقالت
" بتحبنى اكتر من الأكل يا يوسف "
ضحكت وقلت
" اه بحبك اكتر من الأكل .. شوفتى بقى "
بصت على التليفون بتاعها وقالت
" خلاص يا يوسف يلا .. اللحظات الرومانسيه خلصت لازم نرجع الساعه ثمانيه وربع "
قمت ودفعت للكاشير و واحنا داخلين الفندق لقينا تاج
بصت عليا وجت وقفت قدام نغم وقالت
" نغم عاوزه اقولك على حاجه .. مفيش حب بيتخطى الحب الأولانى ... الحب الأول بيسيب باصمه فى القلب حتى لو بِعْد مليون سنه "
ضربات قلبى اذدادت ..وبصيتلى تاج وقالت
" مش ده كلامك يا يوسف "
اخدت ايد نغم ومشيت بعيد عنها لغاية ما وصلت الأوضه وقلت
" اشوفك بكرا بعد المسابقه يا نغم "
قالت
" يوسف .. هى تاج كانت تقصد ايه بالكلام الى قالته تحت "
قلت
" سيبك منها .. تصبحى على خير وعلى ابتسامة وشى"
وفتحت الباب ودخلت الأوضه بتاعتى وفضلت ابص على الرسمه الى هقدمها بكرا لى لجنة التحكيم
وقمت وقفت فى البلكونه شويه وشفت تاج قاعده لواحدها فتحت باب الأوضه ونزلت لى تاج
وهي اول ما شافتنى قالت
" معملتش حاجه لى نغم المره دى .. وانتَ فاهم انا كنت اقصد ايه بالكلام ده "
ابتسمت وقلت
" دا كان كلام يا تاج وحطى تحت كان مليون خط .. ودلوقتى جاى اقولك انسيه "
ضحكت وقالت
" لما انتَ تقدر تنسانى الأول يا يوسف "
قلت
" وانتِ لسه فاكره "
ابتسمت وقالت
" انتَ نفسك منستش يا يوسف "
قلت
" ماشى اه منستش ومش هنسى يا تاج بس متجبيش الكلام دا قدام حد تانى ... وبعدين هو انا مش نسيت اقولك ان احمد بيحبك "
ضحكت وقالت
" طيب ما انا عارفه ان احمد بيحبنى يا يوسف .. بس انا عارفه مين بيحبنى اكتر .. واقولك على حاجه احمد كلم بنات كتير .. وعلى فكره انا قلت ليه ان انا مبحبوش ... بس هو حُر "
عدلت شعرى لى ورا وقلت بعصبيه
" انا اعترفت لى نغم بحبي ليها "
ابتسمت وقالت
" لما افك ايدى من الجبس هبقى اسقفلك "
قلت
" على فكره انا مكنتش اقصد انا اكسرهالك يا تاج "
ابتسمت وقالت
" ده انا عاوزه اعرف انتَ ازاى قدرت اصلا تكسر الدراع الى كان بيكتب اسمى واسمك على حيطان السلالم "