احبَبْتُكْ بقدر ما كَرِهتُكْ.

الحلقه الخامسة عشر

بصيتلى وقالت
" مش فاهمه هو انا لو مكنتش قلت لك كان هيبقى فيها ايه "
بصيتلها وقلت
" انتِ كنتى عارفه ان انا من كلية الرسم .. وانا قلت لك اشمعنا انتِ مش قلتى ليا انتِ كلية ايه "
قالت بأستغراب
" انتَ مش سألتنى ولا مره "
قلت بنبرة نرفزه شويه
" بجد .. انا متأكد ان انا لو كنت سألتك كنتى برضو هتكذبى "
بصيتلى بأستغراب وقالت
" هو ايه الى هكذب .. واكذب ليه عليك اصلا .. "
قطعت كلامها وقلت
" عرفت انتِ ليه وقفتى جنبى وقلتى ليا ارسم اللوحه دى يا يوسف ... كنتى عاوزه الكليه بتاعتك هي الى تكسب وبس زى كل سنه .. بس لأ مش كل سنه تبقى الكليه بتاعتها هي الى فاشله "
وقمت وكنت ماشى لقيتها بتقول
" يوسف "
وقفت فى مكانى وبصيتلها وهي قالت
" شكرا لأنقاذك ليا "
سبتها ومشيت
ورحت على الاوضه بتاعتى بدلت هدومى الى كانت كلها مايه من البحر وحطيت شنطتى الى كنت لابسها وظبط كل حاجه
ورحت دخلت البلكونه وبصيت عليها وني قاعده على الرمله وخوالينها اصحابها والمشرفه بتاعتها
ولقيت الباب بتاع الاوضه بتاعتى بيخبط رحت فتحت الباب لقيت عمر
سبت الباب مفتوح وقلت
" ادخل .. واقفل الباب وراك "
دخل وقفل الباب وراهوقعد على السرير وقال
" كنت هايل وانتَ بتنط فى البحر علشان خاطر تنقذ نغم "
ابتسمت وقلت
" طلعت من كلية الموسيقى "
قال
" اه .. ما احنا عرفنا لما وقعت من اليخت "
بصيتلو بأستغراب وقلت
" هي وقعت ازاى "
قال عمر
" معرفش "
ابتسمت وقلت
" تعرف يا عمر الى مدايقنى فى النوضوع ايه "
ابتسم عمر وقال
" ان انتَ ملحقتش تكمل الرسمه بتاعتك واحنا فى اليخت "
قلت
" لأ "
قال عمر
" خلاص عرفت .. ان انتَ ملحقتش تستمتع معانا بالوقت ورحت انقذتها "
ابتسمت وقلت
" لأ طبعا .. انتَ كنت عاوزها تموت ولا ايه "
وكملت وقلت وانا بمسك الشنطه
" انا الى مدايقنى فى الموضوع ان السندوتشات باظت يا عمر وان مأكلتش ولا واحد "
فضل يضحك عمر وقال
" اه صح يا يوسف .. يلا انتَ السبب قعدت اقولك انا جعان تعالا ناكل وانتَ تقول قربت اخلص وناكل .. لغاية ما البحر عمل الى عمله "
ابتسمت وقمت بصيت على نغم لقيتها لسه قاعده واصحابها موجودين
وبعد كده لقيت عمر جه وقف من ورايا وقال
" ايه يا يوسف .. انتَ زعلتها ولا ايه "
ابتسمت وقلت
" المشرفه قالت قبل ما نيجى هنا ان هما ممكن يعملو اى حاجه علشان خاطر يخسرونا وهي ... لأ هي مش خسرتنى ده هي كانت سبب فوزى .. انا معرفش انا عملت كده ليه .. "
قطع كلامى عمر وقال
" ايه يا جوو اوعى لتعيط "
ابتسمت وقلت
" انا .. لأ طبعا اعيط علشان خاطر بنت .. ايه الى انتَ بتقوله ده "
قطع كلامنا صوت الخبط الى على الباب
رحت فتحت الباب
ولقيتها 'تاج'
قالت وهي مبتسمه
" ايه عامل ايه "
بصيتلها بأستغراب وقلت
" كنت كويس بس قبل ما اشوفك "
ابتسمت وقالت
" طيب انا امبارح اتزعقلى بسببك .. لكن النهارده نغم كانت هتموت بسببك .. اه مش انتَ الى وقعتها لكن
انتَ وهي الى بدأتو اللعب الاول ياا يوسف "
بصيتلها بنرفزه وقلت
" هو انتِ الى وقعتيها "
ابتسمت واديتنى ظهرها وقالت وهي ماشيه
" اه .. شاطر طلعت ذكى وبتعرف تخمن .. واسمع يا يوسف دى اول الحكايه بس "
وسابتنى ومشيت ....