احبَبْتُكْ بقدر ما كَرِهتُكْ.

الحلقه الرابعه والعشرون

بصيت لى عمر لقيته بيضحك وبيقول
" المهم انك هتروح اهو "
قلت لى عمر
" اركب معايا "
قال
" لا يا صحبى .. انتَ الى حبيت مش انا "
قلت
" ماشى يا عمر .. حسابى معاك بعدين "
زقنى من ظهرى علشان اطلع فى الأتوبيس
طلعت الأتوبيس ولقيت البنات بتبص ليا
ابتسمت ورحت قعدت على كرسى
ولقيت بنت قعدت على الكرسي الى جنبى
وبدأ يمشى الأتوبيس لقيت البنت الى ورايا قامت وقفت وحطت ايديها على الكرسي بتاعى وقالت
" اُمال يا ياسمين .. هو انا رايحين فين كده "
قامت ياسمين من مكانها وبصت عليا وبعد كده ابتسمت وقالت
" رايحين لى نغم صحبتنا "
قالت البنت الى ورايا
" اهاا طيب ماشى اُمال احنا مجبناش بوكيه ورد ليه لنغم زى ناس كده "
قمت من مكانى وقلت
" اتفضلى اديها الورده دى "
قالت ياسمين
" طيب وانا "
اديت ليها كل بوكيه الورد وقلت
" اتفضلو كل واحد ياخد ورده يديهالها "
ابتسمت وقالت
" ايه ده هو انتَ كمان جاى معانا لى نغم "
ابتسمت وقلت
" لا .. انا رايح اطمن على نفسى فى المستشفى حاسس ان انا دايخ شويه "
ابتسمت بنت منهم وقالت
" اهاا .. لأ سلامة الدوخه ياا "
قلت
" يوسف "
قالت
" اه .. ماشى يا يوسف "
وصلنا المستشفى ونزلو هما الأول وبعد كده انا اخر واحد .. حسابى معاك بعدين يا عمر ..
نزلت من الأتوبيس وهما دخلو من المستشفى هما كانو حوالى سبع بنات
ولما دخلنا راحو على اوضة نغم الى كانت مريحه على السرير وانا شفتها من ازاز المستشفى
ابتسمت لما شفتها بتتكلم معاهم واطمنت انها بخير
خبط على الباب
ودخلت
وهي اول ما شفتني ابتسمت ولقيت صحابها بيبصو عليا وبيضحكو
ابتسمت وقلت
" احم .. انا كنت جاى علشان .. "
قامت بنت من على الكرسى وقالت
" اتفضل اقعد "
قلت
" لا .. انا مش عاوز اقعد ده انا بس بسألى على اقيس الضغط فين "
ابتسمت بنت من اصحابها وقالت
" ضغط .. هو مش كان دوخه .. ولا دلوقتى الدوخه راحت "
قالت بنت تانيه
" لأ ما هو كمان شويه هيبقى السكر هو الى عالى "
ابتسمت وقلت
" شكرا .. بس انا مش هرد عليكم كلكم .. اتكلمو براحتكم .. وقومى بقى علشان خاطر عاوز اقعد".
ابتسمت البنت وقامت وانا رحت قعدت على الكرسى
بصيتلى نغم وقالت
" انتَ مال سكرك وضغطك ودوختك "
ابتسمت وقلت
" هما دلوقتى كلهم مظبوطين "
ابتسمت وقالت صحبتها
" طيب .. انتِ عامله ايه دلوقتى .. ولا ايه الى حصلك"
بصت عليا وبعد كده للبنت و قالت
" مفيش حاجه حصلت لى .. هو انا حسيت بدوخه ولقيت كل حاجه سودا قدامى "
قالت بنت تانيه
" بس احنا سمعنا المشرفه وهي بتتكلم مع مشرفة المسابقه وقالت ان انتِ كنتى فى شبه صدمه "
بصت ليا وقالت
" انا دلوقتى بخير على فكره .. وكمان هاروح معاكو على الفندق علشان خاطر المسابقه ولازم ادرب "
قمت من مكانى وقلت
" بجد .. ايوا لازم ترجعى الفندق وحش من غير اللحن بتاعك .. ده حتى كُلية الولاد للموسيقى الولد الى بيدرب على الكمان ده مبيعرفش يعزف خالص "
ابتسمت نغم وقالت
" كُلية الولاد اصلا داخله المسابقه كده وخلاص "
ابتسمت وقلت
" هو انتِ اصلا مافيش ذيك "
قالت بنت
" احم .. على فكره احنا قاعدين متنسوش "
قلت
" لأ ما انا عارف .. هو انا قلت حاجه "
دخلت الدكتوره ووراها المشرفه .. واول ما دخلت المشرفه قومتنى صحبت نغم من مكانى بسرعه وقعدت هي
وجت وقفت جنبى المشرفه وقالت
" هتطلعى يا نغم من المستشفى خلاص "