احبَبْتُكْ بقدر ما كَرِهتُكْ.

الحلقه الثالثة عشر

( الفصل الثالث عشر)

" متاكلى يا نَغم "
قلت
" انا مش جعانه "
وبصيت على يوسف الى كان قاعد على الطربيظه الى قدامى وكان بياكل ومحسسنى ان هو مكنش بياكل بقالو ثلاث ايام .. يوسف ده غريب اوى ..اغرب ولد قابلته فى العالم
جت المشرفه وقفت قدامى وقالت
" نَغم احنا بكرا هنكون على يخت وعاوزينك تجهزيلنا لحن علشان تعزفيه "
قمت وقفت وقلت
" حاضر "
ومشيت المشرفه
وجت تاج وقفت قدامى وقالت
" استمتعتى بالخروجه مع يوسف "
قلت
" اسكتى يا تاج وابعدى عنى "
قالت
" انتو ازاى ادرتو اصلا هتربو من البوابه "
جه يوسف وقف وراها وقال
" كنا ماشيين نتسحب"
بصيتلو وقالت
" ايه يا يوسف الثقه الى فيك دى "
قال
" ايه رأيك "
قالت
" ايه هو انتَ يعنى مبتخفش "
قال
" قوليها زى ما هتقوليها .. بس انا مبنزلش "
ابتسمت تاج وقالت
" انا كنت بتكلم مع نَغم مش انتَ "
ابتسم وقال
" هو انتِ ليه بتزلى يعنى يا تاج .. متقولى على طول "
قالت تاج
" كويس ان هي جت من عندك "
قلت
" لأ طبعا .. ايه يا يوسف الى انتَ بتقوله ده "
رد عليا وقال
" خليها تقول الى تقوله بس ما تتزليش "
وراح عند طربيظة المشرفين ولقيت المشرفه بتاعتى وبتاعتع وقفت قدام تاج وقدامى وطلعتنا برا المطعم
وهو كمان المشرفه بتاعته معاه وكانو واقفين جنبنا
و المشرفه بتاعتنا  باصه على تاج
وتاج اصلا مبسوطه وفرحانه وقالت ليا بصوت واطى
" علشان تعرفى ان يوسف ندل "
ولقينا المشرفه بتقول
" انتِ ازاى يا تاج تخرجي برا الفندق .. وكمان من غير اذن "
اتقلب وش تاج وقالت
" انا ..انا ايه مش انا .. "
قطعت كلامها المشرفه وقالت
" متكذبيش يا تاج .. احمدى ربنا ان انا مش عملت مشكله اكبر من دى .. وكمان راحه تلبسى المشكله لى نَغم .. دا لولا نغم ويوسف كانو شافوكى وحزروكى من الطلوع برا كان حصلك مشكله اكبر "
وقربت المشرفه بتاعت يوسف وقالت
" خلاص ..حصل خير "
وقالت تاج
" انا اسفه .. ودى اول واخر مره اعمل كده "
لقيت يوسف بس بأعجاب شويه لأنها اعتذرت ومأنكرتش تانى مع انعا معملتش حاجه اصلا ..لكن انا عارفه تاج وعارفه ان سكوتها ده هيبقى وراه حاجه اكبر
ووقفو المشرفين يتكلمو مع بعض
لقيت تاج بتهمس وبتقول
" افتكرى ان انتِ ويوسف الى بدأتو .. وانا موافقه ادخل فى اللعبه بتاعتكو .. متزعليش من الى هيحصل"
ونشيت وبعدو المشرفين وانا كنت جايه امشى
لقيت يوسف مسك ايدى وقال
" قالتلك ايه "
بصيتلو بنرفزه وقلت
" يوسف .. اسمع انا مبحبش المشاكل نهائى .. والبنت الى اسمها تاج دى بتاعت مشاكل ..وانا وهي اعداء اصلا .. وبعدين انتَ غلطان .. هي فعلا مطلعتش برا الفندق ليه بتكذب يا يوسف .. انا اكتر حاجه بمرها فى حياتى الكذب .. وخيانة الثقه .."
قطع كلامى وهو بيضحك وقال
" خلاااص "
وفضل يضحك جامد لدرجة انو قعد على الرمله وفضل يكمل ضحك ويبص عليا ويكمل ضحك
بصيت على البحر وبعد كده عليه وقلت
" هو انتَ ليه مستفذ "
بطل ضحك وبعد كده فضل يتنفس بعد كده جه يتكلم لكن رجع يضحك من تانى
بصيتلو بنرفزه وقلت
" انتَ مستفذ اوى ..اوى يا يوسف "
وجيت امشى لقيته بيقول
" خلاص خلاص استنى "
وقفت وبصيتلو ورجعتلو تانى وقلت
" بتضحك ليه اخلص "
قام وقف وعدل هدومه وقال
" اصل انتِ طيبه اوى يا نغم "
بصيتلو بأستغراب وقلت
" ليه "
لقيته كمل ضحك وقعد تانى على الرمله
بصيتلو بأستفزاز
وجبت المرله ورمتها عليه وقلت
" احسن ..وتستاهل ده انتَ مستفز اوى "
وسبته ومشيت ورحت اتجاه البحر لقيته قام وراح ورايا وقال
" نغم .. نغم .. خلاص والله مش هضحك تانى "
كملت مشى ووقفت قدام البحر
لقيته وقف جنبى وقال
" انا اسف خلاص بالله عليكى "
بصيتلو وقلت
" انتَ ايه الضحك ده كلو وعلى ايه اصلا انتَ ظالم واحده اسمها تاج دلوقتى .. تعرف ان انا ممكن معرفش انام بسبب الى انتَ عملته ده وبالذات ان انا سكت وتسترة على مجرم .."
قطع كلامى وقال
" مجرم ايه يا نغم .. هو انا قتلت "
قلت
" طيب خلاص .. كنت بتضحك كده ليه وعلى ايه يعنى ايه الى حصل خلاك تدمع من كتر الضحك "
قال بنبره جديه
" لااا مسمحلكيش انا محدش خلانى انزل نقطة دموع وانتِ عوزانى ادمع من الضحك .. طب تعرفى ان فؤاد بيقولى ان هتيجى الى تجرح قلبك وتخليك تعيط وانا اقوله لأ معاش ولا كان الى يخلينى اعيط .. حتى فؤاد ده وانا صغير كان يضربنى او يزاعقلى كنت بفضل اضحك "
بصيتلو ببرود وقلت
" مستفذ "
بص للبحر وبعد كده بص ليا وقعد على الرمله
وقال
" اقعدى "
هزيت راسى ب لأ وقلت
" انا قلتلك بخاف من البحر "
مد ليا ايده وقال
" اقعدى يا نغم متخافيش انتِ على الرمله والبحر مش هيوصلك لدرجة انو يغرقك "
قلت
" لأ "
ابتسم وقال
" طيب يا نغم لو غرقتى وانتِ معايا يبقى انا مش هضحك مدى الحياه "
قلت
" لأ يا يوسف مش هقعد "
قام وقف وقال
" هو انتِ مش واثقه فيا "
ابتسمت وقلت
" هو ايه الى واثقه فيك .. هو انا اعرفك غير من كام يوم "
قال بنبرة جديه
" لااا مسمحلكيش ..انتِ تعرفينى بقالك ثلاث ايام وسبع ساعات وخمسة عشر دقيقه وعشرين ثانيه "