احبَبْتُكْ بقدر ما كَرِهتُكْ.

السابعه والثلاثون

وقف قدامى بابا وقال
" طالع لى باباك .. البنات كلها بتموت عليك زيى تماماً"
قلت
" فين عصير الليمون الى انت عمال تقول عليه لذيذ "
ابتسم وقال
" شربتو .. خلينا فى المفيد "
قعد وقال
" انت لازم تصالح نغم "
قلت بنرفزه
" والله مش هصالح حد .. هي الى غلطانه .. دى ممثله"
قال
" هي عملت ايه يا ابنى "
اخدت تليفونى وقلت
" ولا اي حاجه يا بابا .. ده نغم دى مفيش احلى منها "
قال
" ده شكلها بتغير عليك .. ومعنى الغيره انها بتحبك يا ذكى "
قلت
" انا داخل الأوضه "
قال
" هتنام بادرى "
قلت
" اه "
دخلت الأوضه وريحت على السرير افكر ازاى اقدر انرفز نغم
وفى نفس الوقت ازاى اقول لى تاج ان انا متجوز نغم
وان انا بحب نغم ومش مستعد اخسرها مهما ايه الى حصل ، سبت التليفون جنبى على المخده ونمت ومعداش عشر دقايق ولقيت تاج بترن
رديت وقلت
" ايه يا تاج عامله ايه "
قالت
" انا كويسه يا يوسف .. بقولك ايه رأيك نخرج شويه "
قلت
" معنديش مشكله .. اجيلك "
قالت
" لأ خلينا نتقابل .. اقابلك فين "
قلت
" ماشى .. هبعتلك اللوكيشن سلام "
وقمت اعدل شعرى وغيرت التيشرت
ده ايه اليوم الى مش ناوى يخلص ده
خلصت اللبس ونزلت اقابل تاج
ورحنا على كافيه على ذوقها
ودخلنا قعدنا على طربيظه انا وهي وقالت
" كلمت نغم علشان متزعلش "
ابتسمت وقلت
" لأ .. مش هكلمها علشان انا مغلطش فى حاجه ..سيبيها براحتها .. وغيرى السيره انتِ كنتى عيزانا نتقابل ليه .. "
سكت لما شفت نغم قاعده مع احمد
قمت ورحت قدامها وقلت
" ايه ده مش كنتو تقولو ان انتو هنا "
وقفت نغم وقالت
" وانت بتعمل ايه هنا "
قلت
" انتِ اسكتى خالص "
وقف احمد وقال
" فى ايه يا يوسف ما انت باين اهو انك مع حبيببتك تاج "
بصت نغم على تاج وقالت
" هو انت كنت بتحب تاج يا يوسف .. رد عليا "
مسك احمد ايد نغم وقال
" يلا يا نغم "
بصيتلو بنرفزه وقلت
" شيل ايدك "
وضربته بالبونيه على وشو وشديت نغم وطلعنا برا
شدت ايديها من ايدى وقالت
" انت عملت كده ليه "
قلت بنرفزه
" انتِ ايه الى انتِ بتعمليه معاه .. انتِ ليه بتتصرفى كده يا نغم فى ايه "
قالت بزعيق
" بتسألنى انا بتصرف كده ليه .. اسأل نفسك .. اول مره تروح تسرق اللحن بتاعى .. وتانى مره تكون مع تاج الى حاولت تموتنى قبل كده وترمينى فى البحر
ودلوقتى قاعد معاها فى الكافيه .. "
قلت
" انا مسرقتش لحنك .. انا كنت فرحان ان انا رساعدك يا نغم .. كنت مبسوط .. انا كنت بحبك واحنا فى المسابقه ومفيش حد بيحب حد هيأذيه يا نغم .. وان انا قعد مع تاج ده عادى يا نغم "
قالت
" طيب قعد معاها عادى .. كنتو بتعمل ايه معاها بتتكلمو في ايه "
قلت
" مش هجاوبك قلت .. غير لما تقولى لي كنتى بتعملى ايه مع احمد .. اخلصى "
قالت
" كنت قاعده معاه عادى .. بحبه .. انا بحب احمد "
مش عارف انا بصيتلها ازاى ولا كانت ملامح وشى ازاى
لكن كنت مصدوم من كلمتها معرفش هي بتقول كده وخلاص علشان تدايقنى ولا علشان خاطر ايه
" انتِ بتحبى احمد .. انتِ حره .. حبيه "
قالت
" انا مش فاهمه انت ضربته ليه "
قلت
" انا اسف ان انا ضربته .. بس انا وعدتك واحنا فى المسابقه ان هو مش هيلمسك ابداً .. علشان كده ضربته "
وسبتها واقفه ومشيت ..