احبَبْتُكْ بقدر ما كَرِهتُكْ.

الحلقه الثامنه والعشرين

                           يوم المسابقه
                            ٨ : ٤٥ مساءً
" تمام كده كل الى مشتركين فى المسابقه يروحو على الأوضه الا كلية الموسيقى البنات والولاد "
بصيت على نغم لقيتها مستغربه
ومكنش ينفع اقف معاهم لأن دى مش كُليتى .. وتقريبا كده انا عرفت مين الكُليه الى هتطلع مركز اول وتانى يا كلية البنات للموسيقى و كلية الولاد .. بس مش مهم
لو نغم فازت انا هبقى فرحان وفخور بيها
طلعت على الأوضه بتاعتى وفضلت قاعد مستني نغم تطلع .. وفعلا سمعت صوت الباب بتاع الأوضه بيتقفل
فتحت باب الأوضه بتاعتى لقيت بنتين من صحابها واقفين قدام الباب بتاع الأوضه وقالت
بنت منهم
" يا نغم افتحى الباب "
وقالت التانيه
" نغم .. افتحى بنقولك .. حصل خير مش مهم "
قلت
" هو فى ايه .. انتو خسرتو "
قالت بنت
" هو مش انتَ من كُلية الرسم "
ابتسمت و قلت
" هي مش اسمها كُلية الرسم بس اه انا منها .. ليه "
قالت
" خلاص يبقى ملكش دعوه .. وبعدين احنا بنخبط على اوضة نغم مش انتَ "
قالت البنت التانيه
"  اه بس ده صاحب نغم على فكره "
فتحت نغم  باب الأوضه وقالت
" هو  مش صاحبى هو عادى زميلى "
بصيتلها بأستغراب وقلت
" هو في ايه انا مش فاهم حاجه "
دخلو اصحابها الأوضه بتاعتها وقفلو الباب
وانا دخلت الأوضه بتاعتى .. افكار كتير بدور فى دماغى .. معنى ان هما مش فرحانين يبقى خسرو .. بس لأ النتيجه لسه مطلعتش .. لو كنت مصاحب ولد من كلية الموسيقى كنت عرفت
دخلت وقفت فى البلكونه وفضلت ادعى ان نغم تكون من الثلاث مراكز ..
رحت على السرير وفضلت قاعد افكر ايه الى مزعل نغم .. مفرقش معايا الى نغم قالته عليا لأنها كانت مدايقه .. فضلت اسأل نفسى هل ده ليه علاقه ب 'تاج'
لأ .. بس مين الى هيعرف لجنة الحكام الكلام الى تاج قالته .. طيب ممكن تاج تكون قالتلها حاجه
يوووه انا تعبت من التفكير ريحت على السرير وفضلت باصص على السقف لغايةما نمت ..
   
                             9:00 ليلاً

" لجنة الحكام بقالهم سنه بيحددو مين الى فايز ليه ده انا لو كنت انا الحكم كنت خليت كلو يفوز وخلاص "
ابتسمت وقلت
" عمر انتَ لو كنت مشرف على النسابقه مكنتش هتعمل مسابقه اصلا "
ضحك واول ما لجنة الحكام قعدت على الكراسى سكت
فضلت باصص على نغم الى ملامح وشها كلها كانت مليانه حزن
وقال مشرف المسابقه
" احنا دلوقتى هنقول مين الى فايز من الكليات .. ونتمنى ان السنه الجايه .. لأ وسنه جايه ايه ده دى اخر سنه ليكم .. طيب احنا يسعدنا اننا نقدم المركز الأول للكليه الى مكناش مصدقين ان هي ممكن تطلع من المراكز الثلاثه اصلا والى كان وجه الكُليه كلها
هو يوسف فؤاد سيف "
نط عمر عليا وقال
" احنا .. احنا كسبنا يا يوسف "
وانا كنت حاسس ان انا مش سامع اي حد غير اسمى وبس .. لغتية ما ضربتنى المشرفه ضاربه خفيفه على دماغى وقالت
" اطلع استلم الجايزه يا ابنى "
فضلت اضحك وقمت استلم الجايزه وقالت مشرفة المسابقه
" انا مش مقتنعه لكن لوحتك جميله "
ابتسمت وقلت
" شكرا .. انتِ احلى "
بصيتلى بعصبيه وقالت
" هو ايه الى انتِ احلى انتَ بتكلم واحد صاحبك وبتجاملو "
ابتسمت وقلت
" لا والله انا عادى مكنتش اقصد يعنى ... "
قطعت كلامى وابتسمت وقالت
" انزل يا يوسف "
نزلت ورحت على الكرسى بتاعى لقيت صحابى فرحانين بيا ووقف قدامى احمد علشان يسلم عليا لكن انا سبته وقعدت على الكرسى بتاعى علشان اشوف
المركزين الى فاضلين وان شاء الله تطلع نغم منهم
وقال مشرف المسابقه
" والمركز التانى هو كُلية القاء وتأليف الشعر للبنات"
فضلو يسقفو جامد اما عنى انا كنت مستنى اسم نغم يتقال لكن للأسف كان المركز الثالث والأخير هو
" كلية القاء وتأليف الشعر للولاد "
قمت بصيت على  نغم لقيتها قاعده ومدايقه
وبعد ما الولد الى فى كلية القاء الشعر استلم الجايزه
قال المشرف
" اما عن بقيت الكُليات فاأنتو اتعلمو من الى حصلكم السنه دى  والسنه الجايه يجو ان شاء الله عارفين اخطائهم "
وسكت وبص على نغم وبعد كده الولد الى من كلية الولاد وقال
" واما بقى عن الكُليات الى سرقو اللحن من بعض فأنتو هيتخصم منكم خمسه وعشرين درجه من امتحانتكم "
قالت مشرفة نغم
" نغم مأخدتش لحن حد .. ده لحنها هي "
قال المشرف
" وازاى الكليه التانيه عرفتو يا استاذه ... ده استهتار وعاوز اقولك ان برضو الكُليه التانيه قالو ان هي الى سرقة اللحن "
قالت المشرفه بتاعت المسابقه
" خلاص النِقاش ده تقولو بعدين اما دلوقتى اخنا فرحانين بالى فايزيزن .. ومبروك للى فايزين "
طلعنا مجموعه مجموعه واصحابى فضلو يتكلمو مع بعض ويتصورو .. وانا رحت قدام نغم وقلت
" والله انا ماليش دعوه بالكلام ده .. مش انا الى عملت كده انا ..  "
قطعت كلامى وقالت بزعيق
" انتَ كذاب .. كذاب يا يوسف .. محدش غيرك هو الى ممكن يعمل كده ... علشان تكسب ما انتو كل سنه بتخسرو واحنا الى بنكسب ... فالمره دى قلت تكسب انتَ وتغدر بيا "
قلت
" لأ لا والله انتِ فاهمه غلط .. مش انا الى اعمل كده
ومفيش حد بيحب حد بيأذيه يا نغم "
بصيتلى نغم وقالت
" انتَ كذاب يا يوسف .. انا بكرهك ..بكرهك "